سعودي پر فلسطین د اسراییل د یرغل د پای ته رسولو لپاره د نړۍوالې ټولنې په رول ټینګار وکړ

زیلېنسکي وویل، پوتین سولې ته هېڅ لېوالتیا نه لري او یوازې د امریکا په مشرۍ کلک فشار کولی شي چې پوتین ته واقعبینانه فکر ور وپېژني.

زیلېنسکي ټینګار وکړ چې ولسمشر ټرمپ دا واک لري چې جدي ګامونه پورته کړي او زیاته یې کړه چې پوتین یوازې زور ته غاړه ږدي، نه خبرې ته.

د اوکراین ولسمشر وویل، تېره اونۍ روسیې ۴۷۲ بې‌پیلوټه الوتکې د اوکراین پر لور الوځولې دي چې د جګړې تر ټولو پراخ برید بلل شوی.

نوموړی وايي، اوکراین محرمانه عملیات ترسره کړل چې شاوخوا ۱۸ میاشتې پرې کار شوی و.

اوکراین ادعا کوي چې دې عملیاتو د روسیې یوه پر درېیمه ستراتیژیکې بمبار الوتکې له منځه وړې دي، خو د امریکا ارزونه وايي چې شاوخوا ۱۰ الوتکې تباه شوې.

زیلینسکي وویل، چې اوکراین چمتو دی د اوربند لپاره حتا له امنیتي ضمانت پرته هم سوله وکړي، خو په دې شرط چې روسیه هم جګړه ودروي. هغه وویل، که څه هم ضمانت مهم دی، خو «موږ اوربند منو، که څه هم ډېر خوښ نه یو».

هغه د امریکا له مشرانو وغوښتل چې د روسیې پر انرژۍ د ۵۰۰ سلنه تعرفې بندیز ولګوي. هغه ټینګار وکړ چې که بندیزونه د امریکا له لوري نه وي، اغېز به ونه لري.

هغه دغه راز ویلي، چې دا جګړه یوازې هغه وخت پای ته رسېدلای شي چې امریکا او اروپايي متحدین فشار راوړي. اوکرایني ولسمشر وايي، نړیوال د ټرمپ له لوري د «ازادې نړۍ د مشري» تمه لري.

دغه کښتۍ چې د فلسطین‌پالې ملاتړې ډلې «فلوټیلا ازادۍ ایتلاف» له‌خوا پرمخ وړل کېږي، د بریتانیا بیرغ لري او د جون پر۶مه یې له سیسیلي حرکت کړی. دا مهال د مصر ساحل ته نږدې ده او ورو ورو د غزې پر لور روانه ده.

کاتز په خپله اعلامیه کې ویلي، « ما پوځ ته امر کړی چې مدلین کښتۍ دې غزې ته نه پرېږدي».

هغه زیاته کړه، « زه ګریتا ته، چې یهود ضد او د حماس تبلیغوونکې ده، واضح پیغام ورکوم: بېرته وګرځئ، ځکه تاسې به غزې ته ونه رسېږئ».

تونبرګ ویلي چې هغه د دې کښتۍ له عملې سره یوځای شوې څو د اسراییل د غیرقانوني محاصرې او جنګي جنایاتو زیاتوالي پر ضد غږ پورته کړي او بشري مرستو ته اړتیا وښيي.

هغې د اسراییل پخواني تورونه چې ګواکي یهودضده ده، رد کړي.

مدلین کښتۍ یوازې یوه سمبولیکه اندازه مرسته وړي لکه وریژې او د ماشومانو شیدې.

د دغه ایتلاف مطبوعاتي مسوولې هی شا ویه ویلي چې دا مهال کښتۍ له غزې څخه شاوخوا ۱۶۰ بحري میله (۲۹۶ کیلومتره) لرې ده.

د ګریتا تر څنګ ۱۱ نور کسان هم په کښتۍ کې سپاره دي، چې د اروپايي پارلمان فرانسوۍ غړې «ریما حسن» هم پکې شامله ده.

د روسیې دفاع وزارت وايي چې د دوی د ټانک ۹۰ یمه لوا د اوکراین د دونیڅک سیمې لویدیزې پولې ته رسیدلې او د ډنيپروپتروفسک سیمې پر لور یې بریدونه پیل کړي دي.

اوکرایني دفاعي ځواکونو پر ټیلیګرام ویلي، چې د دوی سرتېري په مېړانه او مسلکي ډول د مخنیوي هڅې کوي.

د روسیې د امنیت شورا مرستیال دیمیتري میدویدف ویلي چې که اوکراین د روسیې د سیمه‌ییزو لاسته راوړنو منلو ته چمتو نه وي، نو روسي ځواکونه به لا پسې پرمختګ وکړي.

نقشې ښيي چې روسي ځواکونه د ډنيپروپتروفسک سیمې ته نږدې دي او له څو لارو د دونیڅک پر کوستانتینیوکا ښار عملیات کوي. دا ښار د اوکرایني پوځ لپاره یو مهم لوژستیکي مرکز ګڼل کیږي.

په په ورته وخت کې، روسیه او اوکراین یو پر بل تور لګوي چې د اسیرانو تبادلې او د وژل شویو سرتېرو جسدونو د ستنولو بهیر ځنډوي.

روسیې ادعا کړې چې اوکراین دا پروسه ځنډوي، خو کییف دا تورونه رد کړي دي او ویلي یې دي چې تبادله راتلونکې اونۍ ترسره کیږي.

د روسیې دولتي ټلویزیون د برینسک سیمې له لارې یخچالي موټرونه ښودلي چې د اوکرایني سرتېرو جسدونه پکې لیږدول کیږي.

د رویټرز خبري اژانس د راپور له مخې، میګویل اوریب توربي اوس د روغتون په بېړنۍ څانګه کې په جدي حالت کې تر درملنې لاندې دی.

په راپور کې راغلي، چې د کولمبیا اپوزیسیون محافظه کار ډیموکراJیک ګوند په یوې خبرپاڼه کې د غندنې ترڅنګ دا برید ډیر جدي بللی، خو د ښاغلي اوریب د روغتیایي وضعیت په اړه یې څه ندي ویلي.

بلخوا د اوریب توربي مېرمن ماریا کلاوډیا تارازونا د خپل خاوند د اېکس خواله رسنۍ په حساب لیکلي: « خاوند مې د خپل ژوند لپاره مبارزه کوي». د کولمبیا د دفاع وزیر پیدرو سانچز رسنیو ته وویل، چې د پېښې په تړاو یې یو شکمن کس نیولی او څېړنې روانې دي، ترڅو دا معلومه کړي چې په یاده پېښه کې نور څوک لاس لري.

په داسې حال کې چې د ایران او امریکا تر منځ د اټومي تړون د بیا پیل خبرو وضعیت لا هم ناڅرګند دی، متحده ایالتو د ایران پر ضد تازه بندیزونه لګولي دي.

د ایران د بهرنیو چارو وزارت ویاند اسماعیل بقايي د شنبې په ورځ (د غبرګولي ۱۷مه) په یوې خبرپاڼه کې ویلي، چې پر ایران د امریکا نوي بندیزونه د دغه هېواد د خلکو په وړاندې فشار راوستل دي.

نوموړي زياته کړې، چې دا کړنه د غېر انساني او ناکامې پاليسۍ په چوکاټ کې تر سره شوې.

هغه زياته کړې: «دا نه یوازې غېرقانوني او د نړۍوالو قانوني اصولو او معیارونو څخه سرغړونه ده، بلکي د ایران د خلکو په وړاندې د امریکا د واکمن رژیم د ژورې او دوامداره دوښمنۍ نور ثبوتونه دي.»

بقايي تينګار کړي، چې دغه بندیزونه د هر ایراني وګړي په وړاندې د فشار د زیاتولو او د دوی د اساسي بشري حقونو څخه د محرومولو په موخه جوړ او پلي شوي دي.

نوموړي ويلي، ایراني وګړي به د خپلو مشروع حقونو او ملي ګټو د دفاع لپاره د امریکا پروړاندي درېږي.

دا په داسې حال کې ده، چې د امریکا د خزانې وزارت په یوې خبرپاڼه کې ویلي چې دا بندیزونه پر ۱۰ افرادو او ۲۷ شرکتونو لګول شوي دي.

یاد بندیزونه نه یوازې د ایران شرکتونه په نښه کوي، بلکې ځیني شرکتونه چې په متحده عربي اماراتو او هانګ کانګ کې فعالیت لري هم ترې اغېزمن شوي دي.

دغه بندیزونه داسې مهال لګول کېږي، چې د ولسمشر ډونالډ ټرمپ اداره هڅه کوي له تهران سره نوی اټومي تړون ترلاسه کړي.