سراج الدین حقاني د اختر پر دویمه له مولوي عبدالکبیر سره په سپېدار ماڼۍ کې لیدلي

حکمتیار خبرداری ورکړی چې "د تیرو ترخو تګلارو تکرار او بیا په بهرنیانو تکیه کول" به هېواد بېرته پخوانیو ناورینونو ته بوځي.

د حزب اسلامي ګوند مشر په خپل پیغام کې په هېواد کې د تېرو وسله والو کړکېچونو، د بهرنیو ځواکونو پر رول، د ملي اجماع پر اړتیا او د صادقانه خبرو او تلپاتې سولې ته د رسېدو پر اهمیت ټینګار کړی دی.

هغه وايي، چې واک باید په سوله ییزه توګه د خلکو د رایو او د خلکو د ارادې له لارې انتقال شي او هیڅ فرد یا ډله باید په زور، کودتا او د بهرنیانو په ملاتړ واک ترلاسه نه کړي.

ګلبدین حکمتیار لیکلي: "موږ دا د ملت شرعي او انساني حق ګڼو چې د د رهبرۍ امانت هغه چا ته وسپاري چې د دغه مسوولیت وړ وي. موږ یوازې هغه مشر منو او مخالفت یې نه کوو، چې د ولس اکثریت یې د مشر په توګه مني."

هغه همداراز ټینګار کړی چې په افغانستان کې باید یو اسلامي نظام جوړ شي چې ټولې چارې د دین پر بنسټ تنظیم شي.

حکمتیار دغه راز د ځینو پخوانیو افغان مشرانو پر وروستیو څرګندونو هم نیوکه کړې او د تاوتریخوالي له لارو د ډډې کولو غوښتنه یې کړې ده.

هغه په ​​خپل اختریز پیغام کې ویلي: "له یوې خوا، موږ د بګرام هوايي ډګر د پلورلو خبرې اورو، او له بلې خوا، موږ ګواښونه اورو چې د دشت لیلې ناورین به تکرار شي.یوه غمیزه چې په کې زرګونه بندیان د خوندیتوب په ژمنې سره دوکه او ووژل شول."

هغه همداراز د «یوې قبیلې، کورنۍ یا فرد مطلق استبداد» نقد کړی او په افغانستان کې یې د کودتايي رژیم تجربې ته په اشارې سره ویلي، چې د دې تراژیدۍ د تکرار د مخنیوي لپاره اړینه ده چې د ګواښونو پر وړاندې ودریږي او تاوتریخوالی پای ته ورسوي.

حکمتیار ټینګار وکړ، چې اغېز ناک اړخونه باید د واک ترلاسه کولو یا پاتې کیدو لپاره "خونړۍ او غیر انساني" طریقې ونه کاروي.

نوموړي دغه راز د خلکو په رښتيني استازيتوب د يوې شورا پر جوړېدو ټينګار کړی او وايي، خلک بايد د کورني، بهرني سياست، جګړې او سولې په ګډون په ټولو مسايلو کې په مستقيم ډول برخه ولري.

ګلبدین حکمتیار زیاته کړې، چې هیڅ حکومت باید په دې مسایلو یو اړخیزه پریکړه ونه کړي.

هغه دغه راز د ​​اساسي قانون تشې ته اشاره کړې او وايي، چې اساسي قانون د هیواد سیاسي او ټولنیز سیسټم او همدارنګه حقونه او واکونه په روښانه توګه تعریفوي.

حکمتیار وايي، "د داسې اساسي قانون د تدوین او تصویب یوازینۍ مشروع مرجع همغه منتخبه شورا ده، چې د ملي اجماع او د ټول ملت د ارادې استازیتوب وکړي."

قاسم جومارت توکایف ده هېل امریکایۍ ورځپاڼې ته په یوه مقاله کې لیکلي، چې تر څو افغانستان منزوي پاتې وي، منځنۍ اسیا نه شي کولای خپل بشپړ پوتانسیل ته ورسېږي.

توکایف د ملګرو ملتونو د ۸۰ یمې کالیزې په مناسب په خپله مقاله کې وايي، « موږ بشري مرستې چمتو کړې، د افغان ځوانانو لپاره مو د تعلیمي پروګرامونو ملاتړ کړی او د سیمه ییزې سوداګرۍ او انرژۍ شبکو کې د دغه هیواد ادغام لپاره مو هڅې کړې دي».

قاسم جومارت توکایف زیاتوي، چې استانه باور لري په افغانستان کې ثبات د منځنۍ اسیا د سوکالۍ لپاره اړین دی.

هغه په دې اړه ویلي، « په داسې حال کې، چې زموږ یو ګاونډی منزوي پاتې وي، زموږ سیمه نشي کولی خپل بشپړ ظرفیت وکاروي. دا تعامل باید د هغو هیوادونو له خوا ترسره شي چې سیمه ییز شرایط درک کوي او له ملګرو ملتونو سره په ملګرتیا کار کوي، نه د نړیوالو بیوروکراسیو له لرې پرتو میزونو».

قزاقستان په دې وروستیو کې له طالبانو سره اړیکې رغولې دي او ددغه هېواد او طالبانو ترمنځ د پلاویو تګ او راتګ ډېر شوی دی.

قزاقستان په دې وروستیو کې افغانستان ته خپل صادارت هم ډېر کړي دي.

د قراردادي شرکت په وینا، هغه کسان چې خوراکي توکي خرڅوي له هغوی څخه ۶۰۰ افغانۍ کرایه اخیستل کېږي.

دوی همدراز زیاتوي چې شاوخوا ۵۰۰ کسان په پارک کې عملا پر کار بوخت دي.

د اریوب ځاځي پارک قراردادي شرکت وايي، چې دوی د پاکو اوبو او برېښنا سیسټم برابر کړی، خو د ځینو ځانګړو خېمو، چې په عصري بڼه جوړې شوې دي، کرایه ۱۵۰۰ افغانۍ ده.

تېره ورځ یو شمېر سېلانیانو افغانستان انټرنشنل ته وویل چې د پکتیا اریوب ځاځي پارک کې د یوه ساعت لپاره د یوې خیمې کرایه ۱۰۰ افغانۍ او د موټرو تمځای کرایه ۲۰۰ افغانۍ ده. سېلانیان وايي، چې خوراکي توکي هم په دغه پارک کې له اصلي بیې دوه چنده لوړ پلورل کیږي.

د پکتیا ځاځي اریوب ولسوالۍ کې د منډهېر ملي پارک ته ورغلي یو شمېر سېلانیانو «د غبرګولي ۱۸مه» افغانستان انټرنشنل ته وویل چې په یاد پارک کې له خیمو څخه نیولې تر خوراکي توکو پورې هرڅه خورا ګران دي.

د راپور له مخې؛ په مشهد کې د طالبانو په قونسلګرۍ کې د هغه د کار پیل لپاره قانوني او ډیپلوماټیکې پروسې روانې دي.

په راپور کې راغلي، تر هغه چې په مشهد کې نوی جنرال قونسل خپل کار پیلوي؛ انور احمد نبیل به د لنډمهاله مشر په توګه د قونسلګرۍ چارې اداره کوي.

راپور زیاتوي، چې نور محمد متوکل تر دې وړاندې د طالبانو د دفاع وزارت د عقیدتي او فرهنګي څانګې مشري کوله.

په مشهد کې د طالبانو پخوانی جنرال قونسل فیضان الله ناصري په غویي میاشت کې د زړه ناروغۍ له امله مړ شوی و.

هغه د طالبانو تر واک لاندې ملي ټلویزیون سره په مرکه کې ویلي، چې له دغو موسسو ۲۸۰ یې نړۍوالې او پاتې نورې بیا کورنۍ موسسې دي.

د نوموړي په وینا؛ دغه موسسې د افغانستان په ۳۴ ولایتونو کې د ټولنیز خوندیتوب، پوهنې، روغتیا او بېلابېلو برخو کې فعالیت لري.

هغه زیاته کړې، چې د دغې ډلې د اقتصاد وزارت د دغو موسسو د فعالیتونو منسجمولو او څارنې په برخه کې بیا یوه پراخه تګلاره هم لري.