د قزاقستان ولسمشر قاسم جومارت توکایف د افغانستان لپاره ځانګړی استازی ګومارلی دی. د قزاقستان د ولسمشر دفتر اعلان کړی، چې دغه ډیپلومات د افغانستان لپاره د ولسمشر د مستقیم حکم له مخې د ځانګړي استازي په توګه ګومارل شوی دی.
د افغانستان لپاره د قزاقستان ځانګړی استازی یرکین توکوموف یو تجربه لرونکی ډیپلومات دی او د ډېرو کلونو لپاره یې د قزاقستان د ستراتیژیکو مطالعاتو په انسټیټیوټ کې د دغه هېواد د ولسمشر تر څارنې لاندې کار کړی دی.
یرکین توکوموف په ۱۹۷۳ کال کې زېږېدلی او په نړۍوالو اړیکو او فلسفه کې یې لوړې زدهکړې کړې دي.
که څه هم قزاقستان د نورو هېوادونو په څېر طالبان په رسمیت نه پېژني؛ خو له دې ډلې سره ډیپلوماټیکې او اقتصادي اړیکې لري.
قزاقستان تر دې وړاندې د ۲۰۲۴ کال په جنورۍ میاشت کې طالبان د ترهګرو ډلو له نوملړه و اېستل.
