د ایران له تازه بریدونو وروسته متحده عربي اماراتو خپل هوايي حریم تړلی دی
د الوتنو د څار نړۍوالې وېبپاڼې "فلایټرادار۲۴" ویلي، چې متحده عربي اماراتو خپل هوايي حریم تړلی دی. دا خبر د الوتنو د مسیرونو او د هوايي ټرافیک د ثبت شویو غږونو پر بنسټ خپور شوی دی.
دا اقدام وروسته له هغه وشو، چې قطر هم خپل هوايي حریم لنډمهاله بند کړ.
راپورونه ښيي، ایران د امریکا پر نظامي اډو چې په قطر او عراق کې دي، لس توغندي توغولي دي.
د سیمې امنیتي حالت خراب شوی او پروازونه اړ شوي، چې خپل مسیر بدل یا ځینې یې لغوه کړي. چارواکي وایي، دا بندیزونه به تر هغه وي، څو وضعیت بېرته عادي شي.