عراقي پوځي چارواکی: پر تاجي پوځي اډې د بې پیلوټه الوتکې برید شوی

د عراق دولتي خبري اژانس د یوه پوځي چارواکي له قوله راپور ورکړی، چې نن سهار وختي یوې ناپېژندې بېپیلوټه الوتکې (ډرون) د بغداد شمال کې په تاجي پوځي اډې یوه موخه ویشتلې ده.
په راپور کې راغلي، په برید کې یوه ځانګړې موخه په نښه شوې، خو په پېښه کې د مرګژوبلې کوم راپور نه دی ورکړل شوی.
د دغه پوځي چارواکي په وینا، امنیتي ځواکونه د پېښې په اړه څېړنې کوي او هڅه روانه ده چې د برید بڼه او سرچینه معلومه شي.
د یادونې وړ ده، چې تاجي پوځي اډه پخوا هم د بېلابېلو بریدونو موخه ګرځېدلې او په دې پوځي اډه کې امریکایي او عراقي ځواکونه مېشت دي.
