وزیرستاني سوداګرو د پاکستان حکومت ته ضرب الاجل ور کړی

د پاکستان اېکسپرېس ټربیون ورځپاڼې د پولیسو په حواله لیکلي، چې د پېښې په ځای کې څېړنې ګروېږنې پیل شوې دي او په دغه چاودنه کې دوه اسونه هم تلف شوي دي.

د غلام په نوم یو ټپي وایي، چاودنه هغه مهال رامنځته شوه کله چې دوی له خپلو اسونو سره یوځای د لرګیو راټولولو لپاره د غونډۍ خوا ته روان وو.

په وروستیو میاشتو کې د خیبرپښتونخوا په قبایلي سیمو کې تاوتریخوالی زیات شوی. یوازې په تېرې ډسمبر میاشت کې په کورمه کې د قبایلي نښتو په لړ کې تر ۱۰۰ ډېر کسان ووژل شول.

پاکستاني رسنۍ ټرایبل نیوز د موضوع اړوند په پښتونخوا کې د تیرا درې د یوې ډاکټرې کیسه راخیستې، چې څنګه یې د سختو امنیتي او ټولنیزو ننګونو سره د دغه سیمې مېرمنو ته روغتیایي چوپړ ترسره کړی دی.

ټرایبل نیوز په خپل راپور کې لیکي: «په تیرا دره کې د نجونو تعلیم د ټولنیزو بندیزونو تر سیوري لاندې خاورې شوی؛ موسیقي پکې دومره حرامه ده چې هېڅ مور زړه نه ښه کوي چې پر خپلې لور د غزل نوم کېږدي، نو دا چې تعلیم نشته، ښځینه ډاکترې به څنګه پیدا شي؟ بې‌تعلیمه مور، بې‌تعلیمه نسل روزي.»

په راپور کې راغلي: « یو تازه فارغه شوې ډاکتره چې نوې له لندن څخه راګرځېدلې وه، پرېکړه یې وکړه چې دا ننګونه ومني، هغه تیرا ته روانه شوه او لومړۍ ورځ یې امنیتي پوستو ته ورسوله، بله ورځ یې د وسله‌والو تر حضور لاندې سیمې ته ځان ورساوه، هغه ځای ته چې نه انټرنټ، نه ټرانسپورت او نه بازار وو، خو دا پر شا نه شوه.»

راپور کې زیاته شوې، د سیمې د خلکو ځینو برخو د هغې خپلواکي ونه زغمله، اوازې یې خپرې کړې او د هغې شخصیت یې تر پوښتنې لاندې راوست، خو کله چې یوه مېرمن د زېږون له بېړني حالت سره مخ شوه، سړکونه تړلي وو، قابله بې وسه وه، نو هماغه ډاکتره یې یوازینۍ هیله وه. ډاکترې په غېر تجهیز شوي روغتیايي مرکز کې د زېږون مسوولیت واخېست، مور او ماشوم دواړه یې وژغورل. خلکو ولیدل چې دا یوازې ډاکتره نه، بلکې ژوند بښونکې ده.

دا ډاکټره چې ملاله نومېده، یوه غښتلې ښځه وه چې له سختیو سره بلد وه، کلونه وروسته، د خپل تخصص لپاره بېرته برتانیې ته وګرځېده، ټول کلی غمجن و، خو ویاړمن هم وو.

له هغه وخت څخه ۲۵ کاله وروسته، هماغه ماشومه چې هغې ډاکترې وژغورله، د کلي لومړۍ ښځینه ډاکتره ده، ملاله افریدي چې نوم یې د هغې ډاکترې له درناوي اخیستل شوی، کومه چې د ژوند په تر ټولو تور مهال کې د دوی هیله شوې وه.

تیرا لا هم له ستونزو ډک دی، خو خپل لومړنی بدلون یې د یوې داسې ښځې له لارې ولید، چې هلته ولاړه، چېرې چې هېچا زړه نه ښه کاوه، هغې یوازې ماشومانو ته زېږون نه دی ورکړی، بلکې امیدونه یې زېږولي دي.

د یادولو وړ ده، چې د تیرا، باجوړ، مهمند، شمالي او سوېلي وزیرستان په ګډون یو شمېر قبایلي او غرنیزو سیمو کې د ښځو لپاره د ځانګړو روغتیايي مرکزونو، تجربه‌کارو قابلو او ښځینه ډاکترانو نشتوالی لاهم تر ټولو ستره اندېښنه ده.

پاکستاني رسنیو د پاکستان د پوځ له قوله ویلي، چې ملکي تلفات هغه مهال رامنځته شو کله چې يو راکټ د مسافرو پر یو موټر ولګېد.

سرچینو زياته کړې، په دې نښته کې یو شمېر نور کسان هم ټپیان شوي دي.

د سرچینو په خبره، تر نښتې وروسته په سيمه کې وېره خپره شوې او ځايي اوسېدونکي اړ شوي چې خپلو کورونو ته پناه یوسي.

د پاکستان د پوځ مطبوعاتي دفتر د سې شنبې په ورځ (د چنګاښ ۳مه) په یوې خبرپاڼه کې ویلي، چې د استخباراتي معلوماتو له مخې يې په سوېلي وزيرستان کې د هند سره تړلي ۱۱ وسله وال وژلي او ۷ نور يې ټپيان کړي دي.

په خبرپاڼه کې ویل شوي، چې د وسله والو په ډزو کې د پوځ د عملیاتو مشر افسر مېجر سید معیظ عباس شاه له یوه بل سرتېري لانس نایک جبران الله سره وژل شوي دي.

د پاکستان پوځ ویلی، چې په سیمه کې به یې پراخ عملیات تر هغو دوام ولري، چې ټول وسله وال یې ځپلي نه وي.

د پښتون ژغورنې غورځنګ غړی ذکیم خان وزیر نن سې شنبه د چنګاښ ۳مه وویل چې وژل شوي تاج مانوالله وزیر د غورځنګ غړیتوب نه درلود بلکې د هغه یو ورور په پښتون ژغورنې غورځنک کې غړیتوب لري.

‌ذکیم خان وزیر د اېکسپاڼې په یوه یادښت کې لیکلي:«د پاکستان په پوځي زندانونو کې د پښتنو ځوانانو شهادتونه نوي خبره نه ده، په تېرو شلو کالونو کې په زرګونه ځوانان ژوندي ورک شول، یا لیوني شول»

هغه نیوکه کړې، چې ډېرې کمې میندې به دومره بختورې وي چې د زوی قبر پیدا کړي خو نورې میندې شته چې حتا د خپلو زامنو قبرونه یې هم پیدا نه کړل.

په همدې حال کې د پښتون ژغورنې غورځنګ یو بل غړي حنیف پشتین په خپل اېکس کې لیکلي:«د پاکستان پوځي زندانونو ته د زندان نوم کارول ناانصافي ده، دا ځایونه زندانونه نه بلکې د انسان ضد شکنجې مرکزونه دي.»

تاج مانوالله وزیر د شمالي وزیرستان د سپلګې سیمې اوسېدونکی و او په کالج کې یې زده کړې کولې خو تر اوسه د هغه د نیول کېدو د علت او مرګ په اړه د پاکستان پوځ او یا هم نورو اړوندو ادارو څه نه دي ویلي.