په پاړه چنار کې د سړک غاړې ماین چاودنې څلور کسان وژلي او څلور نور ټپیان دي
ځایي پولیس وایي، چې د خیبر پښتونخوا کورمې ولسوالۍ د پاړه چنار په شرم خېل سیمه کې د چهارشنبې په ورځ د سړک غاړې ماین چاودنې له امله څلور کسان وژل شوي او څلور نور ټپیان دي.
ځایي پولیس وایي، چې د خیبر پښتونخوا کورمې ولسوالۍ د پاړه چنار په شرم خېل سیمه کې د چهارشنبې په ورځ د سړک غاړې ماین چاودنې له امله څلور کسان وژل شوي او څلور نور ټپیان دي.
د پاکستان اېکسپرېس ټربیون ورځپاڼې د پولیسو په حواله لیکلي، چې د پېښې په ځای کې څېړنې ګروېږنې پیل شوې دي او په دغه چاودنه کې دوه اسونه هم تلف شوي دي.
د غلام په نوم یو ټپي وایي، چاودنه هغه مهال رامنځته شوه کله چې دوی له خپلو اسونو سره یوځای د لرګیو راټولولو لپاره د غونډۍ خوا ته روان وو.
په وروستیو میاشتو کې د خیبرپښتونخوا په قبایلي سیمو کې تاوتریخوالی زیات شوی. یوازې په تېرې ډسمبر میاشت کې په کورمه کې د قبایلي نښتو په لړ کې تر ۱۰۰ ډېر کسان ووژل شول.
