په نیپال کې د اېرليفټ ټکنالوژۍ شرکت او یوه چینايي خیریه بنسټ ترمنځ تړون لاسلیک شو چې له مخې به یې د سیاحت په نوي فصل کې د بې پیلوټه الوتکو په مرسته د همالیا غره له لوړې څوکې، (ايویرسټ) څخه تر زرو کیلوګرامو ډېر کثافات پاک شي.
د ایرلېفت ټېکنالوژۍ شرکت ویبپاڼې لیکلي چې دوی یوه بې پیلوټه الوتکه و ازمویله او په دې تجربه کې الوتکې د شپږو زرو مترو په ارتفاع الوتنه وکړه او په بریالیتوب سره یې پنځلس کیلوګرامه بار انتقال کړ.
دغه شرکت زیاته کړې چې په ایوريسټ بېس کمپ کې تر ټولو د درانده بار انتقال و ازمویل شو، چې وزن یې ۳۲ کیلوګرامه و.
دا پروژه د خومبو پاسانګ لامهو په کلیوالي سیمه کې عملي کېږي چې د همالیا غره د لوړې څوکې موقعیت دی.
د چین د بې پیلوټه الوتکو شرکت ډي جې ای ویلي، چې دې ځای ته ختل خورا خطرناک کار دی.
په اعلامیه کې دا هم ویل شوي، که څه هم د تیورۍ له مخې چورلکې دا کار کولای شي، خو له څرخکو څخه د خطر او ډېر مالي لګښت له امله لږ کار اخيستل کېږي.
دغه چینايي شرکت دا هم ویلي چې هر غرختونکی د ایویریسټ په لوړه څوکه کې نژدې اته کیلوګرامه کثافات پرېږدي.
د نيپال حکومت له ۲۰۱۹ میلادي کال راهیسې هر کال د دې غره لوړه څوکه او شا وخوا غرونه پاکوي.
تر ۲۰۲۴ میلادي کال پورې یې د ایوريسټ او همالیا له نورو غرونو څخه ۱۱۹ میټریک ټنه کثافات راټول کړي او دغه ډول یې په سيمه کې ۱۴مړي او د مړو هډوکي هم موندلي دي.
