ایران په تایباد مرکزي زندان کې یو افغان اعدام کړی
د بشري حقونو سازمان ههنګاو د راپور له مخې، د ایران د خراسان رضوي ولایت په تایباد مرکزي زندان کې د دوشنبې په ورځ یو افغان بندي اعدام شوی دی. د یاد سازمان په وینا، د دغه افغان د هویت په اړه معلومات نه دي خپاره شوي، خو د مخدره موادو اړوند تورونو له امله په اعدام محکوم و.
همدا راز ههنګاو د سې شنبې په ورځ د یوه راپور په خپرولو سره ویلي، چې ایران د ۲۰۲۵ کال په لومړیو شپږو میاشتو کې لږ تر لږه ۶۱۷ کسان اعدام کړي چې ۴۰ یې افغانان دي.