په خیبر پښتونخوا کې د سختو بارانونو له امله ۶ کسان مړه شوي
د خیبر پښتونخوا د طبیعي پېښو د مدیریت ایالتي ادارې د دوشنبې په ورځ وویل چې په تیرو ۲۴ ساعتونو کې د بارانونو له امله د څلورو ماشومانو په ګډون شپږ کسان مړه شوي او یو کس ټپي شوی دی.
د خیبر پښتونخوا د طبیعي پېښو د مدیریت ایالتي ادارې د دوشنبې په ورځ وویل چې په تیرو ۲۴ ساعتونو کې د بارانونو له امله د څلورو ماشومانو په ګډون شپږ کسان مړه شوي او یو کس ټپي شوی دی.
تیره اونۍ د پېښو د مدیریت ادارې د جولای له ۱۱ مې څخه تر ۱۷ پورې د خیبر پښتونخوا په ټولو ولسوالیو کې د ولسوالیو ادارو ته د سختو بارانونو له امله د سیلابونو د راوتلو د احتمال په اړه خبرداری ورکړی و.
د خېبر پښتونخوا سر وزیر علي امین ګنډاپور د پاکستان د جمعیت علمای اسلام ګوند مشر مولانا فضل الرحمن ننګولی او وایي، چې که فضل الرحمن یې د ورور پر وړاندې ټاکنې ونه ګټي، نو له سیاست څخه دې لاس واخلي.
علي امین ګنډاپور په داسې حال کې مولانا فضل الرحمان ننګولی، چې نوموړي څو ورځې وړاندې د خېبر پښتونخوا پر حکومت نیوکه کړې وه او ویلي و، چې په پښتونخوا کې باید بدلون راشي.
ګڼداپور ویلي، چې فضل الرحمان دې تحریک انصاف ګوند ته د مشورې پرځای خپل ځان کې بدلون راولي.
پر همدغه مهال د ګنډاپور څرکندونو ته د جمعیت علمای پاکستان ګوند غبرګون ښودلی او وايي، د ګنډاپورچلند ناسم او ژبه یې نامناسبه ده.
د پښتون ژغورنې غورځنګ مشر منظور احمد پښتين وايي، چې د خیبرپښتونخوا پولیسو د پېښور اسلامیه کالج محصل فضل امین افریدی «د ظلم په وړاندي د حق، منطق او دلایلو» ویلو له کبله تښتولی او بیا یې بندي کړی دی.
نوموړي ویلي، چې د خیبر پښتونخوا اداره د ظلم په وړاندې د غږونو د خاموشه کولو هڅې کوي.
د پښتون ژغورنې غورځنګ مشر منظور احمد پښتين د شنبه په ورځ (د چنګاښ ۲۱مه) پر خپله فېسبوک پاڼه لیکلي: «فضل امین افریدي تل د ریاست د جعلي بیانو پر ضد مناسب، منطقي او پر ځای دلایل ویل او اوس پولیسو هغه ته د درغو او سپکو الفاظو د کولو دسیسه جوړه کړې او بندي کړی یې دی.»
پښتین زياته کړې، چې د خیبرپښتونخوا د پولیسو چلند د سیاسي او ټولنیزو فعالانو په وړاندي سخت حالت ته رسېدلی.
هغه زياته کړې: « د خیبرپښتونخوا ادراه ټولنیز او سیاسي فعالان ګواښي، نيسي يې، زنداني کوي يې او ان وژنې يې، دوی پښتانه مشران تر نیولو وروسته پنجاب یا سند ته سپاري دا د بې شرمۍ ورستی حد دی.»
د نوموړي په خبره، چې پښتونخوا له یوې خوا د ظلم ښکار او له بلې خوا يې د حق غوښتلو غږ هم خاموشه کيږي.
منظور پښتین پر ولایتي حکومت غږ کړی، چې له دې پېښو ځان خبر کړي او د ظلمونو مخه ونيسي.
هغه د بندي شوي محصل له انځور سره لیکلي: «موږ له ټولو غواړو چې د محصل فضل امین لپاره غږ پورته کړي.»
د خیبر پښتونخوا وزیراعلی علي امین ګنډاپور له افغان سفیر سره په یوه مهمه لیدنه کې د افغانستان لپاره د سرطان ناروغانو ته د ځانګړي روغتون د جوړېدو ملاتړ اعلان کړ او همدا ډول یې ژمنه وکړه چې د کرنې په برخه کې به هم هر اړخیزه مرسته کوي.
د پاکستان ټوډی ورځپاڼې په راپور کې راغلي، ګنډاپور له افغان سفیر سره ژمنه وکړه چې د افغانستان لپاره د سرطان د ناروغۍ روغتون په جوړولو کې به ملاتړ کوي، او همداراز یې د کرنې په برخه کې د بشپړ ملاتړ ډاډ هم ورکړی. هغه وویل چې د خیبر پښتونخوا حکومت د افغان ولس د هوساینې لپاره هر ممکن رول ادا کولو ته چمتو دی.
دواړو لوریو د دې خبرې پر اهمیت ټینګار وکړ چې پاکستان او افغانستان د ډېورنډ اوږده کرښه، ګډه ژبه، قومي، قبایلي او مذهبي اړیکې لري، چې باید د سولې، ورورولۍ او متقابل درناوي پر بنسټ نورې هم پیاوړې شي.
دواړو لوریو ټینګار وکړ چې دواړه هېوادونه باید د بهرنيو قوتونو د شومو اهدافو پر وړاندې په ګډه کار وکړي، څو د راتلونکو نسلونو لپاره یو امن، باثباته او روښانه راتلونکی تضمین شي.
افغان سفیر سردار احمد شکیب د افغان کډوالو د ځانګړي پالنې له امله د خیبر پښتونخوا له حکومته مننه وکړه، او ژمنه یې وکړه چې د دواړو هېوادونو ترمنځ به اړیکې لا پراخوي.
په دې مناسبت وزیراعلی ګنډاپور اعلان وکړ چې غواړي افغانستان ته یو ځانګړی پلاوی واستوي، څو د دواړو ولسونو ترمنځ د باور او همغږۍ د پیاوړتیا لپاره د یو پل رول ولوبوي.
په دې ناسته کې د وزیراعلي د اطلاعاتو سلاکار محمد علي سیف هم ګډون درلود. د خیبر پښتونخوا حکومت هغه ته دا دنده سپارلې چې له افغان چارواکو سره همغږي رامنځته کړي او د دواړو هېوادونو ترمنځ عملي اړیکې لا اغېزمنې او پیاوړې کړي.
په افغانستان کې د سرطان ناروغي ورځ تر بلې مخ په زیاتېدو ده، خو د تشخیص، درملنې او تخصصي روغتیايي مرکزونو کمښت له دې ناروغۍ مړینه زیاته کړې. د طالبانو عامې روغتیا وزارت د اټکل له مخې، هر کال زرګونه افغانان د سرطان له بېلابېلو بڼو سره مخ کېږي، خو یوازې محدود شمېر یې په داخل هېواد کې درملنه مومي. د امکاناتو، تجهیزاتو، متخصصو ډاکترانو او درملو نشتوالی خلک اړ باسي چې بهرنیو هېوادونو ته مراجعه وکړي، چې دا کار له اقتصادي او ټولنیز پلوه ډېرو کورنیو ته ستونزمن تمامېږي.
د پښتون ژغورنې غورځنګ مشر منظور احمد پښتین په پښتونخوا کې د سولې ولسي پاڅونونه ستایلي او غوښته یې کړې، چې په خېبر او واڼه کې د سولې لپاره د خلکو پراخ لاریونونه باید لا همغږي، منظم او پیاوړي شي.
د پښتون ژغورنې غورځنګ مشر منظور احمد پښتین د جمعې په ورځ (د چنګاښ ۲۰مه) پر خپلې فېسبوک پاڼې په پښتونخوا کې د ویر او سولې لپاره د خلکو پراخو راټولېدنو انځورونه خپاره کړي او لیکلي يې دي: «نن ټول پښتونخوا په ویر کې ډوبه ده.»
نوموړي زياته کړې: «په باجوړ کې د مولانا خانزېب د جنازې وروستي مراسم، په شمالي وزیرستان، د خېبر په باړه، کوټه او واڼه کې د ګیله من وزیر د لومړۍ تلین لمانځل تر سره شوي او په خېبر او واڼه کې د سولې پراخ ولسي پاڅونونه روان دي.»
منظور په پښتنون مېشتو سيمو کې درد، کړاو او ناامني د «پاکستان پنجابي واکمنو له خوا پر پښتونخوا د استعماري پاليسیو» پایله ګڼلې ده.
منظور احمد پښتين د سولې غوښتلو پراخو راټولېدونو ته په اشارې لیکلي: «د ولس پاڅونونه او د یووالي هڅې روانې دي، خو د وخت غوښتنه دا ده چې دا هڅې باید همغږي، منظم او پیاوړي مدیریت شي.»
پښتون ژغورنې غورځنګ په وار - وار پر ولسونو غږ کړی، چې د پاکستان پوځ له ظلم څخه د خلاصون يوازینی لار یووالی، همغږي، یو د بل تر څنګ درېدل او غږ پورته کول دي.
د پښتونخوا په خېبر ولسوالۍ کې زرګونو کسانو د نا امنیو ضد او پوځي عملیاتو په غبرګون لویه اعتراضیه غونډه وکړه. د غونډې ګډونوالو له حکومت څخه غوښتنه کړې، چې په پښتونخوا کې دې د روانو نا امنیو مخه ونیسي.
دغه اعتراضیه غوڼده د خېبر ولسوالۍ د باړي بازار سیمه کې د ځايي سیاسي ګوندونو او زرګونو عامو خلکو له لوري ترسره شول. د غونډې ګډوالو ویلي، چې په قبایلي سیمو کې د حکومت واک له منځه تللی او ورځ تر بلې امنیتي وضعیت د خرابېدو خواته روان دی.
د خېبر اوسېدونکو ویلي، چې حکومت دې د قبایلي سیمو د مشرانو د وژنو او له تېرا څخه په زور د ځايي کسانو اېستلو مخنیوی وکړي.
د اقبال افریدي په نوم د دې غونډي یو ګډونوال ویلي:«دا هېواد د قبایلي وینو په بدل کې اباد شوی خو قبایل لا هم له بنسټیزو اسانتیاوو بې برخې دي. اوسنی عملیات د ترهګرو پر ضد نه بلکې د ولس پر ضد دي. که یو ځل ترهګر له منځه تللي وو نو بېرته څنګه راپیدا شول؟»
د دغه اعتراضیه غونډي پرمهال د خېبر اوسیدونکو په قبایلو سیمو کې د پوځي عملیاتو سخت مخالفت وکړ او وې ویل، چې پوځ د عملیاتو په بهانه د پښتونخوا کاني زیرمې غصبوي.
د حمیدالله جان افریدي په نوم د دې غونډي یو وینا وال ویلي:«موږ د مرمیو د خوراک لپاره چمتو یوو، خو نور پوځي عملیات نه شو زغملای. د قبایلي سیمو پر سر یو ځل بیا د ډالرونو د ترلاسه کولو سازش روان دی. ولس دې راپورته شي او د پوځي عملیاتو پر وړاندې دې د اوسپنې دیوال جوړ کړي.»
دوی وايي، که حکومت د ترهګرۍ ضد تګلار کې بدلون را نه ولي، اړ دې چې د قبایلي سیمو ټول ښارونه، لويي لارې او سړکونه د تګ راتګ پر مخ بند کړي.