طالبانو د سوداګرۍ په نړیوال سازمان کې د غړیتوب غوښتنه وکړه

د طالبانو د عامې روغتیا وزارت د سې شنبې په ورځ (د زمري ۱۴مه) پر اېکس‌پاڼه لیکلي، چې په دې ناسته کې د کتلوي معافیت پروګرام پر ښه واکسیناسیون، د پولیو ویروس پر له منځه وړلو او په ځانګړي ډول هغه شپږو ولسوالیو کې د پروګرام پر خدمتونو هر اړخیز بحث او خبرې ترسره شوې، چېرته چې د یاد پروګرام د خدمتونو پوښښ کم دی.

په اعلامیه کې راغلي چې د کتلوي معافیت پروګرام کې د شري ناروغۍ د مخنیوي کمپاین تر څنګ د پولیو واکسین زیاتول او د ماشومانو ملاتړ هم شامل دی چې په اړه به یې ګډه څارنه هم ترسره کېږي.

د راپورونو له‌مخې، یوازې روان کال په افغانستان کې د پولیو یوه مثبته پېښه ثبت شوې، خو تېر کال بیا دا شمېر ۲۴ و.

درې اوونۍ وړاندې یوې امریکايي رسنۍ اېن‌پي‌ار خبرداری ورکړ، چې پولیو په افغانستان او پاکستان کې د پراخېدو په حال کې دی.

ورځپاڼې په خپل راپور کې لیکلي، سره له دې چې د سویس حکومت پرېکړه کړې چې د افغان کډوالو د اېستلو بهیر بېرته پیل کړي، خو تر دې دمه دا هڅې بریالۍ شوې نه دي. راپور زیاتوي چې طالب چارواکو ناڅاپه د ستندۍ شرایط بدل کړي، چې له امله یې د افغان کډوالو د بېرته ستنېدو بهیر ټکنی شوی دی.

د ورځپاڼې د معلوماتو له مخې، د سویس حکومت لومړۍ عملي هڅه چې هدف یې د جرمي سابقې لرونکو افغان کډوالو اېستل وو، د ۲۰۲۴کال په ډسمبر کې ناکامه شوه.سویسي پولیسو تېر کال یو افغان مجرم چې د جنایي جرم له امله محکوم شوی و، د استانبول له لارې کابل ته انتقال کړ، خو طالب چارواکو سره له دې چې سویس حکومت ټول اسناد او شواهد وړاندې کړي و، مجرم ته اجازه ورنکړه چې د افغانستان خاورې ته شي او په دې اړه یې هېڅ وضاحت هم ور نه کړ.

له دې وروسته سویسي چارواکو هڅه وکړه چې د «دوطلبانه ستنیدنې» له لارې دغه سړی افغانستان ته وسپاري خو دا هڅه یې هم ناکامه شوه.

ورځپانه زیاتوي چې له هغې وروسته تر دې مهاله هېڅ یوه هڅه هم د افغان مجرمینو د ستنولو په برخه کې بریالۍ شوې نه ده.

د سویس د فدرالي کډوالۍ ادارې (ایس‌اي‌ام) تایید کړې چې طالبانو د بېرته لېږل شویو افغان اتباعو د منلو شرایط په څرګنده توګه بدل کړي دي. د دې ادارې په وینا، دا مهال شاوخوا شل کسان د اېستلو په نوملړ کې شامل دي، خو د طالبانو د نه همکارۍ له امله، دا پرېکړې نه دي عملي شوي.

د سویس د لیبرال ګوند (ایف‌ډي‌پي) سناتور دامیان مولر، د رامنځته شوي بن‌بست په غبرګون کې له طالبانو سره د مستقیمو خبرو د پیل غوښتنه کړې ده. هغه ویلي، حکومت باید د کډوالۍادارې کارکوونکي له اسلام‌اباد څخه کابل ته ولېږدوي، څو د طالبانو له چارواکو سره منظم تماسونه ممکن شي. مولر همداراز وړاندیز کړی چې د طالبانو قونسلي استازي دې سویس ته راوبلل شي، څو د کډوالود بېرته ستنولو بهیر اسانه شي. د هغه په وینا، دا وړاندیز د جرمني د وروستي اقدام سره ورته دی، چې د قطر په منځګړیتوب او د طالبانو د استازو په همکارۍ د افغان کډوالواېستل یې عملي کړل.

جرمني په دې وروستیو کې اعلان وکړ چې د کډوالو د اېستلو د اسانتیا په موخه یې د قطر په منځګړیتوب، دوو طالب استازو ته اجازه ورکړې چې پرته له دې چې دغه ډله په رسمیت وپېژني، په برلین کې د افغانستان سفارت کې غیررسمي قونسلي چارې پر مخ یوسي.

دا ویډیو چې کله ثبت شوې دقیق وخت یې معلوم نه دی، خو ثبت کوونکی په ویډیو کې ضیا کریمي ته د «رییس» خطاب کوي.

په خپره شوې ویډیو کې کریمي ادعا کوي، چې نجلۍ د هغه د اوسېدو ځای ته د مرستې په موخه ورغلې ده.

دا ویډیو طالب وسله‌والو ثبت کړې، په ویډیو کې ویل شوي دوی ته امر شوی چې کریمي او نجلۍ وولي او د نجلۍ پوښتنه کوي چې چېرته ده.

په ټولنیزو رسنیو کې د دې ویډیو خپریدل د خلکو او طالبانو ترمنځ پراخ غبرګونونه راپارولي دي.

نږدې دوه کال وړاندې افغانستان انټرنشنل یو مکتوب ترلاسه کړی و، چې د طالبانو د امنیت او تصفیې کمېسیون په بلخ پوهنتون کې د دغې ډلې ټاکل شوی مشر له یوې "نامحرمې" ښځې سره د ټیلیفوني اړیکو له امله له دندې ګوښه کړ.

د دغه کمېسیون د بلخ ولایتي څانګې تایید کړې وه چې پر ضیاالحق تور ثابت شوی او له هغه سره به قانوني چلند وشي.

دوه ورځې وړاندې افغانستان انټرنشنل په ننکرهار کې د طالبانو د بهرنیو چارو رییس مولوي فضل الهادي احمد چې په مولوي احمد مشهور دی، د انلاین جنسي اړیکې ویډیو ترلاسه کړه، چې نوموړی د همدې ویډیو له امله له دندې ګوښه شو.

دوه کاله وړاندې افغانستان انټرنشنل یوه بله ویډیو ترلاسه کړې وه، چې د کابل د برېښنا شرکت رییس ملا احمد له خپل ساتونکي سره په بستره کې د څملاستلو په حالت کې ښيي.

د دې ویډیو له خپرېدو درې ورځې وروسته د زمري پر ۳۱مه طالبانو ملا احمد اخوند کندهار ته وغوښت، خو وروسته د نوموړي دا تګ «کورنۍ ستونزه» وبلل شوه.

د طالبانو نظامي محکمې تېره میاشت ملا احمد ته "له خپل ساتونکي سره د څملاستو" له قضیې برائت ورکړ.

طالبان له تېرو څو کلونو راهیسې په بېلابېلو ولایتونو کې خلک د مختلفو جرمونو، په ځانګړې توګه د غلا، زنا او لواطت په تور په درُو وهي. خو د دې ډلې څو چارواکي چې په کابل، کندهار او نورو ولایتونو کې په ورته تورونو نیول شوي، تر اوسه هېڅ یوه ته سزا نه ده ورکړل شوې.

د طالبانو منتقدان دا د دې ډلې له خوا د شرعي احکامو په اړه د ځان او نورو لپاره دوه ګونی تفسیر او چلند ګڼي.

د طالبانو د عامې روغتیا وزارت د سې شنبې په ورځ (د زمري ۱۴مه) پر اېکس‌پاڼې لیکلي، چې دا عملیات د افغان مجربو او متخصصو ډاکترانو په مټ په بریالۍ توګه او وړیا ډول ترسره شوي دي.

دوی همداراز لیکلي چې په دغه روغتون کې یې ۱۷۳ زره او ۲۷۱ ناروغانو ته په وړیا توګه د بهرنۍ څانګې (OPD) او ۲۳ زره او ۵۹۷ ناروغانو ته د بستر خدمات وړاندې کړي دي.

د طالبانو د ریاست الوزرا اقتصادي معاونیت نن سې شنبه د زمري ۱۴مه، اعلان وکړ، چې ملا عبدالغني برادر په ارګ کې د تاتارستان جمهوریت د لومړي وزیر له مرستیال او صنعت او سوداګرۍ وزیر اولیګ ولادیمروویچ کورو بچینکو سره وکتل.

د دې لیدنې پرمهال دواړو لوریو د اقتصادي همکاریو او ګډې سوداګرۍ پر زیاتوالي خبرې کړې دي.

د طالبانو د اعلامیې له مخې، په دې لیدنه کې ملابرادر ویلي چې د تاتارستان جمهوریت کولی شي له دې فرصت څخه په استفادې په افغانستان کې د سړکونو، تونلونو، اوبو رسولو شبکو، بندونو او کورونو جوړولو، کیمیاوي صنعت او همداراز له پنجشیر سیند څخه کابل ته د اوبو انتقال پروژه کې پانګونه وکړي.

همدراز ملابرادر د کابل او کازان ترمنځ د ګډې سوداګرۍ د زیاتوالي لپاره تاتارستان ته د افغاني صادراتو پر زیاتوالي او له دغه هېواده د باکیفیته خوراکي توکو، درملو او تخنیکي وسایلو پر وارداتو او ددې ترڅنګ د دواړو لوریو د اړوندو وزارتونو او ادارو پر ګډ کار کولو هم ټینګار کړی دی.

د طالبانو د ریاست الوزرا اقتصادي معاونیت د تاتارستان د لومړي وزیر مرستیال اولیګ ولادیمروویچ کورو بچینکو له خولې لیکلي چې نوموړي وویل، « د روسیې فدراسیون له لوري طالبانو په رسمیت پېژندنې سره د تاتارستان او افغانستان ترمنځ په مختلفو برخو کې د تعامل لپاره ډېر سهولتونه رامنځته شوي دي».

په اعلامیه کې راغلي، چې نوموړي زیاته کړه، «چمتو دي له پنجشیر سیند څخه کابل ته د اوبو د انتقال پروژه او همداراز نورو برخو کې پانګونې وکړي».

د تاتارستان د لومړي وزیر مرستیال زیاته کړې چې د دغه سفر پرمهال د تاتارستان د صنعتي شرکتونو مسوولین ورسره راغلي او لېواله دي له افغانستان سره په مختلفو برخو کې همکاري پيل کړي.