ټي‌ټي‌پي به نور د خېبر تیرا درې په اپریدي قوم سیمو کې پر پاکستاني پوځ عملیات نه کوي

د باجوړ د سولې ۵۰ کسیزې جرګې مشر سید صاحبزاده هارون رشید له رسنیو سره د دغو خبرو اترو جزییات نه دي شریک کړي؛ خو ډان ورځپانې د همدې جرګې د دوو غړو په حواله لیکلي، چې د شنبې په روځ دویمه ناسته کې طالبانو له ملکي سیمو د وتلو مشروطه پرېکړه کړې وه.

سرچینو زیاته کړې، دا ناسته د شنبې په شپه د لوړو پوړو امنیتي چارواکو او د سولې جرګې د غړو ترمنځ له لیدنې وروسته وشوه. د جرګې یوه غوښتنه دا وه، چې طالبان دې افغانستان ته لاړ شي او که جګړه غواړي؛ نو له ملکي سیمو دې په شا شي او غرونو ته دې وخېژي.

د شنبې د ورځې د خبرو له پایلو د حکومتي چارواکو د رضایت له څرګندېدو وروسته پرېکړه وشوه، چې یوې بلې ناستې ته هم زمینه برابره شي؛ څو دغه کړکېچ د سولې له لارې پای ته ورسېږي.

صاحبزاده هارون رشید په یوه فیسبوکي لیکنه کې منلې وه، چې د خبرو درېیم پړاو د یکشنبې په ورځ ترسره کېږي او تر تېر ماسختن ناوخته دا پړاو روان و. ویل کېږي، په دغه ناسته کې پر لنډمهاله اوربند د جرګې او ټي‌ټي‌پي د مرکچي پلاوي له لوري هوکړه شوې ده.

بل بل لوري د سالارزو په تنګۍ سیمه کې ځینو اوسېدونکو د یکشنبې په ورځ د پاکستان له امنیتي ادارو غوښتي، چې په سیمه کې خپلې پوستې باید پرېنږدي او که داسې وشي؛ نو هلته ګواښونه له ډېرېدلای شي. د توت شاه چوک په سیمه کې ځايي قومي مخورو ویلي، چې امنیتي ادارې غواړي دغلته یوه څو کاله پخوانۍ جوړه شوې امنیتي پوسته د ګواښونو له امله پرېږدي.

د جمعیت علمای اسلام (فضل) له‌خوا د سولې د هڅو دوام

همداراز د یکشنبې په ورځ د جمعیت علمای اسلام فضل ډلې سیمه‌ییزو مشرانو ژمنه وکړه، چې د اسلامي نظام، سولې او اقتصادي ودې لپاره به خپلو سوله‌‌ییزو هڅو ته دوام ورکړي.

دغه څرګندونې د «سرو وانو» په سیمه کې د «جامعه رشیدیه» په مدرسه کې د ۲۰۲۳ کال (د جولای په ۳۰مه نېټه) د خونړۍ چاودنې د دویم تلین په مناسبت ترسره شوې غونډه کې وشوې. یاد برید د خار ښار ته نږدې د یاد ګوند په یوه غونډه کې شوی و، چې ۶۴ کسان په کې وژل شوي وو او ۱۲۲ نور ټپیان وو.

د یادې غونډې په پرېکړه لیک کې راغلي: «سره له دې چې تېر کال خونړی برید وشو؛ خو زموږ ګوند لا هم پر خپل دریځ ولاړ دی».

ویناوالو د لوي ماموند په بېلابېلو سیمو کې د ناامنۍ او پوځي عملیاتو په اړه اندېښنه وښوده او ټینګار یې وکړ، چې د ترهګرۍ ستونزه دې د خبرو له لارې حل شي.

هغوی له سیاسي مشرانو، ټولنیزو او دیني فعالانو او عام ولس وغوښتل، چې د سولې او ټیکاو لپاره دې خپل رول ولوبوي.

اسلام‌اباد نیوکه لري، چې باجوړ کې د «ټي‌ټي‌پي» په لیکو کې افغان طالبان هم جنګېږي او همدا راز د یادې ډلې غړي د ډیورنډ کړښې هغې غاړې کې خوندي پناه ځایونه لري. پاکستان په وار، وار پر کابل له واکمنو طالبانو غوښتي، چې د «ټي‌ټي‌پي» له ملاتړه لاس واخلي او‌ پر ضد دې یې جدي اقدامات وکړي. طالبانو که څه هم له اسلام‌اباد سره په ناستو کې د افغانستان دننه د پاکستاني طالبانو شته والی منلی؛ خو په عامه توګه د اسلام‌اباد دغه ادعاوې ردوي، چې ګوندې «ټي‌ټي‌پي» دې د دوی تر واک لاندې پناه ځایونه ولري.

نښته هغه مهال رامنځته شوې چې وسله‌والو له سپکو او درنو وسلو څخه په استفادې په یاده سیمه کې د پولیسو پر امنیتي پوستې برید وکړ.

د بنو د پولیسو یوه ځايي مسوول هم افغانستان انټرنشنل-پښتو ته ویلي چې د پولیسو په ځوابي برید کې درې وسله‌وال وژل شوي او څلور نور ټپیان دي. عباس د یوه پولیس د وژل کېدو او درېیو نورو د ټپي کېدو خبره هم منلې ده.

په سیمه کې ځايي سرچینو ویلي چې په بېګاني برید کې تر ۱۰۰ ډېرو طالبانو برخه اخیستې وه.

ورته مهال، له یادې نښته وروسته شاوخوا سیمو کې د امنیتي ځواکونو د ګډو چانړیزو عملیاتو د پیل په اړه هم خبرونه ورکړل شوي دي.

د دغه برید مسولیت تر اوسه کومې ډلې نه دی منلی، خو په بنو کې تر ډېره تحریک طالبان پاکستان یا ټي‌ټي‌پي او د دغې ډلې اړوند کسان فعالیت لري.‎

راپور کې راغلي، د باجور د سولې جرګې او د ټي‌ټي‌پي غړو ترمنځ د خبرواترو دویم پړاو چې موخه یې په بشپړه توګه له یادې ولسوالۍ څخه د یادې وسله‌والې ډلې وتل و، د شنبې پر ورځ پای ته ورسېد. دغه ۵۰ کسیزه جرګه د لوی ماموند په سیمه کې شوې ده.

ټي‌ټي‌پي د جمعې پر ورځ د ناستې پر مهال له جرګې څخه یو ورځ وخت غوښتی و، څو د دوی دوه غوښتنې له خپلو مشرانو سره شریکې کړي. دې غوښتنو کې یوه یې دا وه چې د دې ډلې غړي باید افغانستان ته ستانه شي او دوېیمه که غواړي له پاکستاني پوځیانو سره وجنګېږي، نو غرونو ته دې وخېژي. د جرګې مشرانو نیوکه کړې وه چې د دواړو لوریو ترمنځ جګړو کې ځايي ولسي وګړو ته مرګ ژوبلې اوړي.

ډان لیکلي چې د دواړو لوریو ترمنځ شوې جرګه کې کوم ځانګړی پرمختګ نه دی تر سترګو شوی. دا ناسته د شنبې پر ورځ د ماسپښین درې بجې پیل شوې وه او د شپې ناوخته پای ته ورسېده، خو د جرګې مشر تر دې دمه رسنیو ته د ناستې رسمي جزییات نه دي اعلان کړي.

یادې ورځپاڼې د خپلو سرچینو په حواله لیکلي،‌ د پاکستاني طالبانو مشرانو د سولې جرګې غړو ته ډاډ ورکړی چې دوی به په سیمه کې سوله‌يیز پاتې شي. همداراز ویل شوي چې د باجوړ د سولې جرګې مشر صاحب‌زاده هارون رشید له یو شمېر نورو غړو سره یو ځای د لوړپوړو حکومتي چارواکو سره د خبرواترو د جزییاتو شریکولو لپاره لیدلي او هیله یې ښودلې چې خلک به ډېر ژر مثبت خبرونه واوري.

بل‌خوا، د ترهګرۍ ضد د‌ پاکستاني پوځیانو د عملیاتو له امله او د احتمالي بې‌ځایه کېدو له وېرې د لوي ماموند په ۱۶ سیمو کې د مرستو کمپونه جوړ شوي دي. راپور زیاتوي چې دغه کمپونه تر ډېره پورې د سیمه‌ییزو غیردولتي سازمانونو له‌خوا د لوی ماموند او خار سیمو کې جوړ شوي دي.

پاکستاني طالبان او باجوړیان داسې مهال سره جرګه کېږي چې په دې وروستیو کې هلته له پوځ سره سختې وسله‌والې نښتې وشوې او له امله یې سلګونه کورنۍ بې ځایه شوې. همداراز د ښځو او ماشومانو په ګډون یو شمېر ملکي وګړو ته هم د دغو جګړو له امله مرګ ژوبله واوښته.

ادعاوې کېږي چې په باجوړ کې د نښتو پر مهال له ټي‌ټي‌پي سره افغان وسله‌وال هم لیدل شوي او د پاکستاني پوځیانو ځنې پوستې یې سقوط کړي او ان وسایط یې هم ورته سوځولي دي.

عمران خان په خپل دغه پیغام کې ویلي، د پوځ او ولس په مخامخ کېدو سره به د پوځ اداره له منځه ولاړه شي. خان‎ زیاته کړې: «عملیات د کومې ستونزې حل نه دی. ستونزې باید د هغه ځای د نظام له مخې د خبرو اترو له لارې حل شي. افغانستان زموږ مسلمان ګاونډی دی. له دوی سره اړیکې هم باید ښې شي او ستونزو ته باید د خبرو له لارې حل لارې ولټول شي.»

د خېبرپښتونخوا اعلی وزیر علي امین ګنډاپور بیا د عمران خان دغه پیغام ته په ځواب کې پر خپلې اېکس پانې لیکلي، چې د عمران خان د فکر په درک کولو سره یې په خېبرپښتونخوا کې د قبایلو د جرګو بهیر پیل کړی دی.

د شنبې په ورځ (د زمري په ۱۱مه) یوه جرګه چې د خېبرپښتونخوا د اعلی وزیر په کوربتوب پیل شوې وه، پکې د خېبر او اورکزو ولسوالیو تر څنګ د دره ادم خېل او حسن خېل قبایلي برخو شاوخوا ۱۵۰ مشرانو، منتخبو ولسي استازو او ځينو ځايي چارواکو ګډون درلود.

د ګنډاپور په وینا، د شنبې ورځې په جرګه کې سپارښتنه وشوه، چې د سولې د ټینګښت لپاره ټول د ترهګرۍ او ترهګرو پر ضد یو موټی دي، عملیات او د ځايي خلکو بې‌ځایه کول په هېڅ صورت کې د منلو نه دي، پرمختګ له سولې سره تړلی دی او د سولې په ټینګښت سره به د پرمختګ بهیر ګړندی شي، د معدنیاتو په ګډون هېڅ ډول سرچینې نه چا غوښتي او نه به چا ته ورکړل شي، قبایلي مشران باید له افغانستان سره د خبرو لپاره هلته واستول شي، راتلونکې سیمه ییزه جرګه به د مهمند او باجوړ په ولسوالیو کې ترسره شي، ورپسې درېیمه جرګه به په شمالي او جنوبي وزیرستان کې وشي او وروستۍ سیمه ییزه جرګه به په کُرمه کې جوړه شي او تر هغې وروسته به د خېبرپښتونخوا د اعلی وزیر له لوري یوه لویه جرګه راوبلل شي او بیا به د سولې او امنیت د ټينګښت لپاره د عمل پلان جوړولو په موخه وړاندیزونه وړاندې شي.

د یادونې وړ ده، چې په خېبرپښتونخوا کې د پاکستان تحریک انصاف ګوند حکومت واکمن دی.

د پاکستان جیو نیوز د تحریک انصاف ګوند د بنسټ‌ګر د نږدې سرچینو له قوله لیکلي، چې عمران خان ویلي: «که علی امین ګنډاپور سوله نشي راوستلی، نو باید استعفا ورکړي.»

د پولیسو د راپور له مخې، د ۲۰۲۵ کال په لومړیو اوو میاشتو کې په خېبر پښتونخوا کې د ترهګرۍ لږترلږه ۴۷۶ پیښې شوې دي. په دغو پېښو کې یوازې په خېبرپښتوخوا کې ۱۲۱ ملکي وګړي وژل شوي او ۳۰۱ نور ټپیان شوي دي.

په دې موده ۶۶ پولیس منسوبین وژل شوي او ۹۰ نور ټپیان شوي دي.

د یادونې وړ ده، چې په خېبرپښتونخوا کې د پاکستان تحریک انصاف ګوند حکومت واکمن دی.