د طالبانو دفاع وزارت د ټولو زونونو مسولینو ته خبر ورکړی، چې د کابل تر نیولو وروسته د دوی سر یو ځای شوي طالبان او د دوی همکارانو ته د انتظار لیکونو پروسه تړلې ده. دغه وزارت له مسولینو غوښتې، چې د «جهادي سابقې او د همکارۍ» په نوم دې هیڅ چاته تاید نه ورکوي.
افغانستان انټرنشنل ـ پښتو ته د طالبانو د دفاع وزیر محمد یعقوب مجاهد په امضاء په ترلاسه شوي سند کې لیکل شوي، چې دغه وزارت د خپلو همکارانو او هغو طالبانو، چې د کابل تر سقوط وروسته د دوی سره یو ځای شوي د انتظار لیکونه پروسه بنده کړې.
دفاع وزارت ویلي، چې دغه پرېکړه په امنیتي تصفيوي کمېسون کې شوې او په ټول هېواد کې به پلې کېږي.
مخکې دفاع وزارت د امنیتي تصفيوي کمېسون د کتنې او ارزونې کمېټو خپلو همکارانو او د دغه ډلې سره تازه یو ځای شویو کسانو ته خاص انتظار لیکونه ورکول تر څو د ندو لپاره انتظار وباسي او هم د وسلو ګرځو اجازه ولري.
خو اوس تازه دفاع وزارت دغه پروسه بنده کړې.
د دفاع وزارت په مکتوب کې لیکل شوي: «یو ځل بیا د امنیتي او تصفيوي چارو کمېسیون کې پرېکړه وشوه، چې همکاران او د کابل تر نیولو وروسته ثابت شوي وګړي چې ثبت شوي باید بیا ځلي تایدونه ور نه کړل شي او دغه موضوع د فی الحال لپاره معطله ده.»
دفاع وزارت همدا ډول غوښتنه کړې: «دغه کسانو ته دې د جهادي سابقې او د همکارانو له لیست څخه د ایستلو احکام او تایدي نه ورکول کیږي.»
له تېرو دوو کلونو راهیسي د طالبانو ډېری پلویان او د هغوی همکاران د دغه ډلې د مشرانو د داډول اقداماتو، بندیزونو، خپلسري پرېکړو، په ادارو کې د روابطو او ورته نورو کړونو څخه ناخوښه او مایوسه ښکاري.
ډېری طالب پلویان او د هغوی کارمندان چې دا مهال بې دندو شوي پر خپلو مشرانو نیوکې کوي، چې په تېر «شل کلن جهاد» کې لویه قرباني کښتې طالب طبقې ورکړې او امتیازات یې مشران اخلي.
تر اوسه طالب مسولینو د دغو کسانو اندېښنو ته کوم جواب نه دی ویلی.
یادو نیول شویو کسانو د تېرې چهار شنبې په شپه د اسفندیار په نوم د یوه کس کور ته چې اوس هغه له یې هېواده بهر ژوند کاوه، اوښتي او د هغه پلار، مېرمن، دوه زامن او دوه لوڼې په بې رحمۍ سره وژلي وو.
نیول شوي کسان وايي، موخه یې دا وه چې د یادې کورنۍ چې بهر ته روانه وه، پاسپورټونه پټ کړي چې بهر ته له تګ پاتې شي او همداراز پیسې او «سره زر » غلا کړي، خو وروسته له هغې چې د کورنۍ د غړو له لوري وپېژندل شول نو بیا یې ټول ووژل.
دوی زیاتوي، « مونږ پنځه تنه وو، دروازه مو ټک ټک کړه شيرزمان ماما (د اسفندیار پلار) راووته، زموږ مخونه پټ وو هغه مو مخونه لوڅ کړل، کله چې يې وپیژندلو بدحال جوړ شو، موږ سره چې ماشينې(کلاشنکوف) وې ټول مو وویشتل، په کور کې چور جوړ شو چا يو څه او چا بل څه راټول کړل.»
د اسفندیار د کورنۍ غړي له طالبانو غواړي، چې پر یادو نیول شویو کسانو شریعت عملي کړي.
د اسفندیار ورور میرویس وايي،«دغو کسانو زما پلار، وریندار او وریرونه وژلي او غوښتنه مو دا ده چې پر دغو کسانو شریعت عملي شي.»
له دې سره سم، سرچینو افغانستان انټرنشنل- پښتو ته ویلي، چې د تېرې چهار شنبې په شپه د سره رود په سلطانپور سیمه کې د یوې کورنۍ شپږ وژل شوي کسان د بریتانیا په ملاتړ د پخوانۍ ترهګرۍ ضد(ISU) ځانګړې قطعې د مخکیني سرتېري اسفندیار تلوار د کورنۍ غړي دي.
ویل کېږي اسفندیار تلوار چې له هېواده بهر وو له پېښې وروسته بېرته افغانستان ته راستون شوی دی.
دغه پېښې په داسې حال کې ده، چې د بریټانیا ددفاع وزارت اړوندو اسنادو له افشا کېدو وروسته د پخوانیو افغان سرتېرو د ژوند په اړه اندېښنې ډېرې شوې دي.
نجیب الله علي خېل د جمعې په ورځ پر ایکس خواله رسنۍ لیکلي، « د هېواد تریخ تاریخ او بدو تجربو ښودلې چې د نورو اجنډاو پر اساس په پردو ملکونو کې را غونډېدل، افغانان سیاسي حل او دایمي ثبات ته هېڅکله هم نشي رسولای.»
علي خېل، د افغانستان د قضایاو حل یوازې د افغانانو تر منځ خبرې اترې ګڼي.
نوموړی زیاتوي، «د افغانستان د قضایاو حل او د افغان ولس د زخمونو علاج، یوازې د بین الافغاني مذاکراتو له لارې او هم په وطني او ملي احساس سره ممکن ده.»
له دې سره سم، افغانستان انټرنشنل - پښتو ته دوو سرچینو د دې پخلی کړی، چې په اسلام اباد کې د طالب ضد افغان سیاستوالو غونډه چې د اګست پر ۲۵مه او ۲۶مه په اسلام اباد کې تدارک شوې وه د سپټمبر د میاشتې وروستۍ اونۍ ته ځنډېدلې ده.
د یادې غونډې په تړاو په کور دننه او بهر کې ګڼ غبرګونونه راپارولي وو او په ترڅ کې یې د افغانستان د سولې لپاره د امریکا پخواني ځانګړي استازي زلمي خلیلزاد په اسلام اباد کې د طالب ضد افغان سیاستوالو د جوړېدونکې غونډې په تړاو ویلي وو، چې دغه غونډه د پاکستان د استخباراتي (ای، اېس، ای) ادارې له لوري جوړېږي او د پاکستان موخه خپلواک، ازاد، متحد او پیاوړی افغانستان نه دی، بلکې برعکس ده.
خو په پاکستان کې افغان سیاستوالو ته د غونډې تنظیموونکې او د سویلي اسیا سټراټیژیک ټیکاو انسټیټیوټ مشرې ماریا سلطان پر زلمي خلیلزاد نیوکه کړې، چې «پخواني ګناهونه اوږده سيوري لري.» هغې له خلیلزاد څخه غوښتي، «خلک پرېږدي چې په خپله خبرې وکړې.»
پر زلمي خلیلزاد د ماریا سلطان نیوکه: پرېږدئ چې خلک په خپله خبرې وکړي | افغانستان انټرنشنل پښتو
په ورته وخت کې یوه پاکستاني څېړنیز خبریال «عادل راجا» ویلي، داسې شواهد شته چې په کابل کې د ژریم بدلون لپاره د پاکستان استخباراتي اداره، په اسلام اباد کې د طالبانو د مخالفو افغان سیاستوالو د راتلونکې ناستې لپاره اسانتیاوې برابروي.
راجا د پنجشنبې په ورځ (۳۰اسد) په اېکس پاڼه د زلمي خلیلزاد د اندېښنو ملاتړ وکړ او دا ناسته یې د پاکستان د پوځ «کلاسیک اقدام» وباله چې موخه یې په افغانستان کې د واک بدلون دی.
هغه د سویلي اسیا د ستراتیژیک ثبات د انسټیټیوټ مشرې، ماریا سلطان، رول ته هم اشاره کړې او ویلي یې دي،چې نوموړې د پاکستاني استخباراتو له چارواکو سره د خپلو اړیکو له لارې د دې غونډې د تنظیم چارې پر مخ وړي.
خو د پاکستان د بهرنیو چارو وزارت ویاند شفقت علي خان د جمعې په ورځ په خپل اونیز کنفرانس کې وویل، چې په اسلام اباد کې د افغان شخصیتونو ترسره کېدونکې ناسته د پاکستان حکومت له خوا نه، بلکې د یوه څېړنیز بنسټ له خوا جوړېږي.
د راپورونو له مخې، په اسلام اباد کې دغه جوړېدونکې دوه ورځنۍ ناستې ته د ښځو د حقونو د فعالانو په ګډون له ۳۰ډېرو افغانانو ته د ګډون بلنه ورکړل شوې ده.