مقاومت جبهه وایي چې پر سلیم پيګیر برید دوی نه دی کړی

هغه وویل چې له کابل سره به یاده موضوع د یوه رسمي پلاوي له لارې تعقیب کړي.

نوموړي په ټینګار سره وویل چې د راتلونکې اونۍ په لومړیو کې به یو لوړپوړی پلاوی افغانستان ته واستول شي، څو کابل ته څرګنده کړي چې له افغان خاورې څخه د راټوکېدونکې ترهګرۍ زغم نور «ناممکن» دی.

اصف یادونه وکړه چې درې کاله وړاندې، د استخباراتو د عمومي رییس په ملتيا کابل ته په رسمي سفر کې یې طالب چارواکو ته خبرداری ورکړی و چې وسله‌والې ډلې د افغانستان له خاورې د پاکستان پر ایالتونو بریدونه کوي.

هغه ادعا وکړه چې طالب چارواکو د هغو پټنځایونو د لېږد په بدل کې د لسو میلیاردو روپیو غوښتنه کړې وه، خو اسلام‌اباد د ضمانت غوښتنه کړې چې «ترهګر به بېرته نه راګرځي» هغه ضمانت چې، د نوموړي په وینا، طالبانو ورته ورنکړای شو.

اصف په خپلو څرګندونو کې وویل: «که دا پټنځایونه د افغانستان په خاوره کې وي او که د پاکستان دننه، هغه کسان چې پناه ورکوي، باید حساب ورکړي.»

هغه زیاته کړه: «چېرته چې دا پټنځایونه وي، هلته به بد عواقب وي، د پاکستان د دولت او پوځ زغم پای ته رسېدلی او نور به ترهګرو ته امتیاز نه ورکول کېږي.»

اصف دا هم وویل چې افغانستان ته د استول کېدونکي پلاوي هدف به د کابل له چارواکو سره «ډېټلوماټيکي فشار او د عمل تضمین» غوښتنه وي، څو د پاکستان امنیتي اندېښنو ته عملي ځواب ورکړل شي.

پوتین د تاجکستان په پلازمېنه دوشنبه کې په «روسیه - منځنۍ اسیا» سرمشریزه غونډه کې د خبرو پرمهال وویل، چې « موږ وینو د افغانستان اوسنی حکومت د متقابلو ګټو پر بنسټ په بېلابېلو برخو کې د همکارۍ لپاره چمتو دی، په ځانګړي ډول د ترهګرۍ او د نشه يي توکو مافیا خلاف مبارزه کې. له شک پرته روسیه د دغو هڅو ملاتړ ته چمتو ده».

د روسیې ولسمشر زیاته کړه، چې د افغانستان وضعیت د منځنۍ اسیا د ټولو هېوادونو د توجه محراق دی.

پوتین وویل: «له بده مرغه، ترهګرې ډلې لا هم د افغانستان له خاورې د افراطیت د نظریې د خپرولو او د جنایي فعالیتونو لپاره ګټه اخلي».

دغه پلاوي د سړک د رغونې چارو له کتنې او له اړوندو طالب مسوولینو سره تر خبرو وروسته پرېکړه کړې چې له شمال څخه به هغه لوړ تناژ لرونکي (لس‌ټایره) ټانکر کابل ته د تېلو د انتقال اجازه ولري، چې د نفت او ګاز دولتي شرکت د حیرتان بندر ریاست او اقینې بندر مدیریت له لارې معرفي شوي وي.

یاد پلاوي دغه راز پرېکړه کړې چې خالي ټانکرونه به د بېرته ستنېدو لپاره بدیله لار کاروي.

د طالبانو مرستیال ویاند حمدالله فطرت د پنجشنبې په ورځ (د تلې ۱۶مه) پر اېکس پاڼې لیکلي، دغه پرېکړې د دې لپاره شوې، چې د تېلو انتقال منظم، د سړک رغونې چارې خوندي او د عامو خلکو د اړتیاوو پوره‌کولو بهیر چټک او اغېزناک شي.

هغه زیاتوي چې د دې ګام په نتیجه کې به د تېلو بیې په کابل او سویلي ولایتونو کې راټیټې شي او د بازار ثبات به ټینګ شي.

هانا نیومرن د اروپا پارلمان ته د خپلو خبرو په ترڅ کې وویل، افغانستان یوازینی هېواد دی چې نجونې پکې ښوونځي ته له تګ او ښځې له کار، سفر او حتا خبرو کولو منع شوې دي.

هغې په ټول افغانستان کې د طالبانو پر انټرنیټي خدماتو محدودیت وغنده او ویې ویل چې طالبان انټرنېټ بندوي او ۴۰ میلیونه وګړي په قصدي ډول په ډیجیټلي تیاره کې یوازې پرېږدي.

د هغې په وینا، دا یو سیسټماټیک ظلم دی.

هانا نیومن زیاته کړه: «د افغان ښځو د ملاتړ پر ځای، اروپايي دولتونه پټ کابل ته سفرونه کوي او له ترهګرو سره [د کډوالو] پر شړلو خبرې کوي او حقونه او ژمنې د لنډمهاله معاملو او ګوتشمېر رایو په بدل کې معامله کوي.»

هغې وویل چې ددوی دنده د طالبانو د جنایتونو په ډاګه کول دي نه دا چې عادي وښودل شي.

د هغې په وینا د افغان مېرمنو په استازیتوب د چوپتیا پر ځای باید خبرې وشي.

هانا نیومن وایي «جنسیتي تبعیض» باید د بشر ضد جرم په توګه ثبت، شواهد وساتل شي او عدالت شونی شي.

خبرپاڼه زیاتوي چې د یاد ولایت د دفتر رییس مفتي محمد ابراهیم اغا، د عامي روغتیا رییس او د باران ولایتي موسسې مسوولینو د ختېځ زون د پولیو له مسوول سره د برمل ولسوالۍ د پولیو د دوو مثبتو پېښو د ثبتولو، د دغې ناورغۍ د مخنیوي او راتلونکو تدابیرو په اړه خبرې کړې دي. همدا راز د پولیو واکسین د تطبیق بهیر او عامه پوهاوي د لوړولو په اړه هم غږیدلي.

خبرپاڼې د پکتیکا ولایت د دفتر د رییس ابراهیم اغا له قوله لیکلي:« د پولیو له منځه وړل د ټولو ګډ مسوولیت دی او اړوندې ادارې باید په ګډه هڅه وکړي، چې دا ناروغي له پکتیکا څخه په بشپړه توګه له منځه ولاړه شي».

تر دې مخکې، له پولیو څخه د پاک افغانستان بنسټ ویلي و، چې د پولیو واکسین روان کمپاین پرمهال به ۲،۲میلیونه ماشومانو ته د ګوزڼ ضد څاڅکي ورکړل شي.

افغانستان او پاکستان لا هم د نړۍ یوازیني هېوادونه دي چې دا وژونکی ویروس پکې پاتې دی.