د هند د اتحاد المسلمین ګوند مشر: په افغانستان کې د هند حضور اړین دی
د هند د اتحاد المسلین ګوند مشر اسدالدین اویسي ډیلي ته د طالبانو د بهرنیو چارو وزیر امیرخان متقي د سفر په اړه ویلي چې په افغانستان کې د هند حضور اړین دی.
د هند د اتحاد المسلین ګوند مشر اسدالدین اویسي ډیلي ته د طالبانو د بهرنیو چارو وزیر امیرخان متقي د سفر په اړه ویلي چې په افغانستان کې د هند حضور اړین دی.
اسدالدین اویسي د شنبې په ورځ (د تلې ۱۹مه) د رسنیو سره د خبرو پر مهال د دغه هېواد له حکومت څخه غوښتنه وکړه، چې له طالبانو سره دې «بشپړې ډېپلوماټیکې اړیکې» ټینګې کړي، ځکه افغانستان د هند لپاره یو ستراتیژیک او مهم هېواد دی.
نوموړي وویل:«طالبان د هند لپاره یو ستراتیژیکه سیمه ده. که د چابهار بندر چارې فعاله شي موږ کولی شو په افغانستان کې پرمختايي کارونه وکړو.»
هغه زیاته کړه، چې په افغانستان کې د هند حضور اړین دی.
نوموړي دا څرکندونې پر داسې مهال کړي، چې د طالبانو د بهرنیو چارو وزیر تېره ورځ په ډیلي کې د دغه هېواد د بهرنیو چارو وزیر سره او نن د دیوبند مدرسې له استادانو او زده کوونکو سره کتلي دي.
