د افغانستان د والیبال ملي لوبډلې د مرکزي اسیا په سیالیو کې دویم مقام خپل کړ

د طالبانو د المپيک، بدنې روزنې او سپورټ اداره وايي، چې د افغانستان والیبال ملي‌ لوبډلې د مرکزي‌ اسیا په سیالیو کې دویم مقام خپل کړی او نن هېواد ته راستنه شوه. ملي لوبډلې په دې سيالیو کې ۶ لوبې ترسره کړې، چې په درېیو بریاوو سره پایلوبې ته ولاړه

د طالبانو د المپيک ادارې د چهارشنبې په ورځ پر خپلې اېکس پاڼې د لوبغاړو د هرکلي انځورونه هم خپاره کړي دي.

دغه ادارې ویلي، چې د افغانستان والیبال ملي لوبډلې د مرکزي اسیا په سیالیو کې ۶ لوبې تر سره کړې، چې په درېیو بریاوو سره د ترکمنستان لوبډلې سره یې پایلوبه ترسره کړې ده.

د معلوماتو له مخې، په پایلوبه کې افغان لوبډلې ۳ پر ۲ میدانه ماتې وخوړه او دویم مقام یې تر لاسه کړ.