یو امریکایي چارواکې پر ایران د مالي سرچینو د بندولو په موخه منځني ختیځ ته سفر کوي

دا سازمان په خپل راپور کې وایي، چې د اعدام شویو افغانانو د هویت په اړه لا زیات معلومات نشته خو ویل کېږي چې دا زندانیان د «جنسي تیری» په تور محکوم شوي وو او د دوی د اعدام حکم د کرج ښار په قزل‌حصار زندان کې عملي شوی دی.

دغه راز، د یاد سازمان د معلوماتو له مخې، څو نور بندیان هم د مشهد، ګنبدکاووس، زنجان، کرج، ملایر، نهاوند، قزوین او کرمان په زندانونو کې د «قصدي قتل» او « مخدره توکو قاچاق» په تور اعدام شوي دي.

هه‌نګاو وایي، دا اعدامونه تر اوسه د ایران د حکومتي رسنیو، په ځانګړي ډول د قضایي قوې اړوندو رسنیو، له‌خوا ندي خپاره شوي.

تر اوسه په افغانستان کې طالب چارواکو د دغه دوو افغان وګړو د اعدام په اړه کوم رسمي غبرګون ندی ښودلی.

دا سازمان وايي، افغان کډوال په ایران کې له اساسي حقوقو بې‌برخې دي او ډېری یې پرته له مدافع وکیل څخه اعدامېږي.

د ایران د بشري حقونو د سازمان د راپورونو له مخې، د روان میلادي کال له پیل څخه تر اکتوبر میاشتې پورې ۶۰افغان وګړي په ایران کې اعدام شوي دي.

همدارنګه، یوازې د اکتوبر په میاشت کې درې افغانان د «قصدي قتل» او «د مخدره موادو» د جرمونو په تور اعدام شوي دي.

سره له دې چې ایران تر اوسه طالبان په رسمي توګه نه‌دي پېژندلي، خو دواړه هېوادونه نږدې اقتصادي او دیپلوماتیکې اړیکې لري.

د فریدریښ مېرڅ په مشرۍ د جرمني ایتلافي حکومت له رامنځته کېدو وروسته په مې میاشت کې د افغان کډوالو د لېږدونې پروګرام وځنډاوه. په داسې حال کې چې د جرمني تېر حکومت یو زیات شمېر افغانان له افغانستان څخه په دې تمه پاکستان ته لېږدولي و، چې په خپل هېواد کې به پناه ورکوي.

خو پاکستان بیا د افغان کډوالو د اېستنې په لړ کې یو شمېر هغه افغان پناه غوښتونکي چې د جرمني اړوندو میلمستونونو کې یې شپې او ورځې تېرولې، په زوره بېرته افغانستان ته استولي دي.

د پاکستان دغې چارې او د جرمني له لوري د منل شویو افغان پناه غوښتونکو پڅ بهیر هم د بشري حقونو اړوندو سازمانونو اندېښنې راپارولي دي.

د جرمني د حکومت په وینا، نږدې ۱،۹۱۰ افغان پناه‌غوښتونکي چې د جرمني له لوري د منلو ژمنه ورسره شوې لا هم په پاکستان کې پاتې دي.

د یادونې وړ ده، چې یو شمېر نور افغان پناه‌غوښتونکو د جرمني محکمو ته له شکایت کولو وروسته د محاکمو له لوري د ویزې ورکړې ادارې یادو کسانو ته د ویزې پر ورکړې مکلفې شوې او ورسره دغه هېواد ته لېږدول شوي دي.

احمد الشرع په ​​ادلب ښار کې، یوې غونډې د ۱۰۰ څخه زیات ګډونوال په لوکسو موټرو کې د ورتګ تر لیدلو وروسته وویل: «زه نه پوهیدم چې د حکومت تنخواوي دومره لوړې دي!»

هغه په ​​همدې غونډه کې راټولو شویو چارواکو او سوداګریزو مشرانو ته وویل: «ایا تاسو هیر کړي دي چې تاسو د انقلاب اولاد یاست؟ دومره ژر د مال او شتمنۍ وسوسه مو ولیدله؟»

د ملېشو پخوانی قوماندان، چې اوس د سوریې واکمن دی د ولسمشر بشارالاسد له نسکوریدو راهیسې ۱۰ نا ارامه میاشتې تیرې کړې دي.

احمد الشرع د اګست په ۳۰مه په یوه غونډه کې دولتي کارمندانو ته ویلي، چې که دوی د خپلو لوکسو موټرو کیلي ونه سپاري نو دوی به د غیرقانوني عاید په اړه د څېړونو سره مخ شي.

د رویټرز د راپور له مخې، د غونډې ځینو برخوالو، چې نه یې غوښتل نومونه یې څرګند شي ویلي، چې له وینا وروسته یوازې یو څو کسانو خپل د موټرو کلۍ سپارلې.

د سوریې د اطلاعاتو وزارت ویلي چې دا یوه «دوستانه او غیررسمي ناسته» وه، چې احمد الشرع پخوانیو قوماندانانو، چارواکو او مشهورو کسانو سره وکړه او پکې د سیاسي او امنیتي ننګونو او د «پخواني رژیم له لوري جوړ شوي د پانګونې د فرهنګ د بدلون اړتیا» په اړه خبرې وکړې.

دغه وزارت رویټرز ته وویل:«هغه ټینګار وکړ چې د دولتي مامورینو فساد به هېڅکله ونه زغمي.»

وزارت دا رد کړل، چې د موټرو د کلۍ سپارل شوي.

احمد شرع دوه وروڼه لري، چې دواړه په حکومت کې مهم مقامونه لري.حازم د کورني او بهرني سوداګرۍ او پانګونې څارنه کوي او ماهر چې د ښځو ډاکټر دی د ولسمشرۍ دفتر عمومي منشي دی او رسمي غونډې او لیدنې سمبالوي.

احمد شرع وروسته له هغه چې د خپل سوداګر ورور جمال له لوري د کورنۍ نوم څخه د ناوړه استفادې قضیه ولیده، د هغه دفتر وتاړه او دولتي ادارو ته یې امر وکړ چې له هغه سره معامله ونه کړي.

د سوریې څو چارواکو ویلي، چې احمد شرع پر خپلو خپلوانو د تکیې دلیل دا و، چې د بشار الاسد د حکومت له ناڅاپي سقوط وروسته رامنځته شوی اداري خلا ډکه کړي.

د پاکستان د بهرنیو چارو وزارت وياند زياته کړې، چې د پاکستان وسله‌ وال ځواکونه د هند د پوځي تمريناتو څارنه کوي او که هند کوم تهاجمي ګام پورته کړي، نو پاکستان به ورته بشپړ او قوي ځواب ورکړي.

طاهر اندرابي وویل، دا پوښتنه باید له هند څخه وشي، چې پاکستان څو هندي جنګي الوتکې نسکورې کړې دي، ځکه حقيقت ښايي د هند لپاره ډېر تریخ وي.

هغه زیاته کړې، د پاکستان او افغانستان د اړيکو پرمختګ به هند خوشحاله نه کړي، خو د هند خوښي يا ناخوښي د پاکستان لپاره هېڅ ارزښت نه لري.

د یادونې وړ ده، چې امريکا او هند لس کلن دفاعي تړون لاسليک کړی، چې له مخې به د دواړو هېوادونو د پوځونو تر منځ د جنګي وسايلو د پېرلو او د اسانتياوو د برابرولو لپاره لاره هواره شي.

د سپینې ماڼۍ په یوه سند کې راغلي، دغه پرېکړه د ټرمپ د هغه پراخې تګلارې یوه برخه ده چې موخه یې د امریکا او نړۍ د کډوالو د تګلارو بیا جوړول دي. په دې پرېکړه کې ټرمپ څرګنده کړې، چې د کډوالو د منلو تمرکز به تر ډېره د سوېلي افریقا پر سپین پوسته لږکیو ورټول وي.

ټرمپ د جنورۍ په میاشت کې واک ته تر رسېدو وروسته د کډوالو د منلو ټول پروګرامونه ودرول او ویلي یې و، چې دغه پروګرامونه به هغه مهال بیا پیل شي؛ کله چې دغه پروګرامونه د امریکا د ګټو په چوکاټ کې وي.

په تازه سند کې ټرمپ ویلي، چې اداره به یې د هغو کسانو منلو ارزونه هم وکړي چې «په خپلو هېوادونو کې د ناقانونه یا ناعادلانه تبعیض» قرباني شوي وي. د امریکا د قانون له مخې، سپینه ماڼۍ باید له کانګرس سره د کډوالو د شمېر په اړه سلا مشوره وکړي.

د کانګرس یو شمېر استازو د کډوالو په اړه د ډونالډ ټرمپ وروستۍ پرېکړه بې‌اعتباره او له اخلاقي پلوه د دفاع وړ نه‌ده بللې. د رویټرز خبري اژانس د راپور له مخې؛ ډونالډ ټرمپ په ملګرو ملتونو کې د نړۍ نورو هېوادونو ته هم بلنه ورکړې، چې د پناه غوښتنې کچه ټیټه کړي او دا تر دویمې نړۍوالې جګړې وروسته د کډالو په تړاو د کړنلارو د بدلون جدي هڅه بلل کېږي.