اسیا پراختیايي بانک په کابل کې د زړه ناروغیو د درملنې ۱۰۰ بستریز روغتون جوړوي

د طالبانو د کورنیو چارو وزارت نن یکشنبه، د لړم ۱۱مه، په اېکس کې لیکلي، چې د یاد وزارت وزیر سراج الدین حقاني د افغانستان د ۱۷ کلنو فوتسیال ملي لوبډلې سره په لیدنه کې ویلی، چې د هغوی وروستی بری د سیال کېدو مهم ګام بولي او دا د ټول ملت بری دی.

حقاني وویل:« په همداسې ډاډ دوام ورکړئ، د ټول افغانستان حقیقي استازیتوب وکړئ او منل شوي اسلامي او افغاني ارزښتونه مو په دې ویاړلي استازیتوب کې حفظ کړئ.»

سراج الدین حقاني یادې لوبډلې، د دوی روزونکو او د المپیک استازو ته د خپل هراړخیز ملاتړ ډاډ ورکړی دی.

د طالبانو د کورنیو چارو وزارت وايي، د یادې لوبډلې او پلاوي استازو د سراچ الدین حقاني له «مادي او معنوي» ستاینې ډېره خوښي څرګنده کړه او دا یې د راتلونکي لپاره ستر اطمنان وباله.

د افغانستان د ۱۷ کلنو فوټسال ملي لوبډلې په خپله وروستۍ لوبه کې د ایران لوبډلې ته ۲ پر ۱ ماتې ورکولو سره د لومړي ځل لپاره د اسیا د فوټسال د اتلولۍ جام ترلاسه کړ.

د طالبانو د بلخ امنیه قوماندانۍ نن یکشنبه، د لړم ۱۱مه، وویل چې د نیول شویو کسانو دوسیې به له لومړنیو څېړنو وروسته عدلي او قضايي چارواکو ته وسپارل شي.

طالبانو د نیول شويو کسانو د هویت په اړه معلومات نه دي ورکړي.

یاد وزارت د یکشنبې په ورځ په یوه خبرپاڼه کې وویل، چې د طالبانو د بهرنیو چارو وزیر امیرخان متفي د ازبکستان د بهرنیو چارو وزیر سره د خبرو پرمهال د سیمې په چارو کې پر ډیپلوماسۍ او تفاهم ټینګار کړی دی.

د متقي په وینا، له ازبکستان سره مثبت تعامل د دې څرګندونه کوي، چې طالبان د ثبات، اقتصادي همکاریو او سیمه ییز تفاهم ملاتړي دي.

طالبانو ویلي، چې د ازبکستان د بهرنیو چارو وزیر بختیار سعیدوف د سیمې د سولې او ثبات په برخه کې د طالبانو د هڅو ستاینه کړې او د سیمي د ثبات لپاره یې پر تفاهم او اقتصادي همکاریو ټینګار کړی دی.

د طالبانو د پوهنې وزیر حبیب الله اغا د یکشنبې په ورځ د ښوونځیو د زده کوونکو د ساینسي پروژو او لاسته راوړنو د نمانځلو مراسمو ته د وینا پرمهال وویل، چې دوی باید هغه څه ترلاسه کړي چې د نظام د دفاع لپاره اړین دي.

حبیب الله اغا وايي، نن سبا د هېواد دفاع یوازې په نننیو پر مختللو وسایلو کېدای شي.

د طالبانو پوهنې وزیر زیاته کړه، چې، « الله تعالی موږ د نظام په دفاع مکلف کړي یو».

هغه د خپلې وینا په یوه برخه کې وویل:« اوس خو دفاع په ډانګ نشو کولی، اوس خو دفاع په توره نشو کولی، حتا په کلاشینکوف یې هم نشو کولی، نو اوس به دفاع په دغه ډرون کوو، دفاع به په غټو غټو توپونو کوو، په غټو بمونو به یې کوو، په طیارو به یې کوو.»

حبیب الله اغا زیاتوي، چې «باید خپله هڅې وکړو څو توپونه، طیارې او ډرونونه جوړ کړو».

د طالبانو د پوهنې وزیر همدراز وايي، هغه څوک چې د خپلې خاورې او دین څخه دفاع کوي نو د هغه هڅې په عبادت کې حسابیږي.

نوموړي له دې وړاندې هم د روان کال د زمري پر ۵مه دویلي و، چې پر دیني زده‌کړو سربېره د ټولنې د پرمختګ لپاره عصري علوم ضروري او مهم دي.

نوموړي وویل: «پر دیني علومو سربېره هغه علوم چې موږ ورته ضرورت لرو هغه عصري او ساینسي علوم دي چې د ترلاسه کولو لپاره یې باید ډېرې هلې ځلې وشي.»

دا په داسې حال کې ده چې پر طالبانو تل له دې کبله نیوکې کېږي چې په افغانستان کې یې د عصري علومو ودې ته چندان پام نه دی کړی. همداراز دې ډلې له شاوخوا څلورو کلونو راهیسې تر شپږم ټولګي پورته افغان نجونو پرمخ د ښوونځي او پوهنتون دروازې بندې کړې دي.

په تورخم ښارګوټي کې د عمري پنډغالي د روغتیایي او خدماتي چارو مسوول زاهد الله زاهد د یکشنبې په ورځ نیوکه وکړه چې د را ستنو شویو افغان کډوالو د دایمي ځای پر ځای کولو په تړاو د طالبانو کمیټې چارې کمزورې دي.

هغه غوښتنه وکړه، چې باید اړوند ادارې راغلو افغان کډوالو ته د نمرو د وېش بهیر پیل کړي.

د عمري پنډغالي مسوول همدراز زیاتوي، چې د افغان کډوالو د ثبت بهیر ۲۴ ساعتونه کېږي، چې ادامه لري او کومه دمه پکې نه ده راغلې.

په تورخم کې طالب چاروکي وايي، د دوی معلوماتو له مخې زرګونه افغان کډوال د پاکستان په زندانونو او د انتقال په کېمپونو کې دي چې افغانستان ته اخراج شي.

د راپورونو پر بنسټ، یوازې تېره ورځ ۱۰ زره او ۷۰۰ افغان کډوال د چمن له لارې افغانستان ته اوښتي او دغه بهیر همداراز دوام لري.

ویل کېږي دغو کورنیو د لارې په اوږدو کې په موټرو کې له خپلو کډو سره شاوخوا ۲۰ ورځې پرته له هېڅ ډول امکاناتو تېرې کړې وې.

د یادونې وړ ده، په دې وروستیو کې د پاکستان حکومت په دغه هېواد کې د افغان کډوالو پنډغالي وتړل، چې له امله یې زیات شمېر کډوال هېواد ته د راستنېدو په درشل کې دي.