ټرمپ د غزې په تړاو د امنیت شورا له پرېکړه‌لیک څخه هرکلی وکړ

د ملګرو ملتونو امنیت شورا د دوشنبې په ماخوستن د (لړم ۲۶مه) په غزه کې د نړۍوالو ځواکونو د مېشتېدو په تړاو د امریکا وړاندیز شوې طرحه تصویب کړه. د امنیت شورا له ۱۵ غړو ۱۳ یې موافقه رایه ورکړه او یوازې روسیې او چین ممتنع رایې ورکړې.

په دې طرحه کې د «ثبات نړۍوالو ځواکونو» په نوم د څو میلیتي ځواکونو جوړېدل او همداراز د «فلسطیني دولت د جوړښت» لپاره د یوه بهیر پيلېدل شامل دي.

په دې طرحه کې همداراز په څرګنده ویل شوي، چې د ثبات نړۍوال ځواکونه د غزې د پولو له امنیت ساتنې سربېره د حماس د نظامي تاسیساتو د له‌منځه وړلو او همداراز د حماس جنګیالیو د بې‌وسلې کولو دندې پر غاړه لري.

حماس بیا وايي، هغوی [لویدیځوال] غواړي، چې غزه د نورو هېوادونو تر لاس لاندې او د هغوی تر واک لاندې کړي چې فلسطینیان او د مقاومت ډلې یې سخت مخالفت کوي.

حماس زیاته کړه: «په غزه کې نړۍوالې قوې ته د دندو سپارل، په ځانګړي ډول د مقاومت د بې وسلې کولو په ګډون، د دې قوې بې‌طرفي له‌منځه وړي او دا د اشغال په ګټه پرېکړه ده.»

د پرېکړه‌لیک په متن کې ویل شوي، چې غړي هېوادونه کولای شي د سولې د بورډ په نوم په هغه انتقالي ادارې کې ګډون وکړي چې د غزې د بیا رغونې او اقتصادي احیا څارنه به کوي. پرېکړه‌لیک همدارنګه د ثبات نړۍوالو ځواکونو جوړېدو ته واک ورکوي چې د غزې د غیرنظامي کولو بهیر تضمین کړي.

د ملګرو ملتونو د امنیت شورا دغه پرېکړه لیک بیا په اسراییل کې جنجال رامنځته کړی، ځکه په یاد پرېکړه لیک کې په راتلونکې کې د فلسطینیانو لپاره د یوه خپلواک هېواد جوړېدو ته اشاره شوې ده.

په پرېکړه لیک کې ویل شوي: «ښايي بالاخره د فلسطین هېواد د جوړېدو لپاره شرایط رامنځته شي.»

شرمن د جون په میاشت کې اعتراف وکړ. چې هغه دا بریښنالیکونه میرمن پیمان ته لیږلي دي.

دغه اسټرالیايي وګړي ته د ۱۸ میاشتو بند سزا ورکړل شوه.

قاضي جولیا بارلینګ له شرمن څخه وغوښتل چې دا سزا جدي ونیسي، او زیاته یې کړه: «که تاسې د جرم له سابقې سره محکمې ته راغلي وای، نو ما غوښتل چې د عمر سزا درکړم.»

هغې وویل چې میرمن پیمان ته د بریښنالیکونو محتوا ژوره توهینوونکې او کرکه پاروونکې وه.

شرمن د راپورونو له مخې، میرمن پیمان په پیغامونو کې "کورنۍ ترهګره" او "کرکه لرونکې مسلمانه" بللې وه.

قاضي بارلینګ یادونه وکړه، چې د شرمن له ادعا سره سره چې هغه د بریښنالیک لیږلو پر مهال ځان نشه بللی و، د بریښنالیک متن دقیق او محاسبه شوی و.

د راپورونو له مخې، یاد کس له الکولو څخه د پرهیز کولو دوره هم تیره کړې ده او د خپلې سزا له پای ته رسولو وروسته د الکولو ناوړه ګټه اخیستنې او رواني روغتیا ستونزو لپاره هم درملنې ته اړتیا لري.

فاطمه پیمان په ۲۰۲۲ کال کې د کارګر ګوند غړې په توګه د اسټرالیا سناتوره وټاکل شوه. میرمن پیمان په غزه کې د اسراییل د "نسل وژنې" یوه څرګنده منتقده او د فلسطینیانو ملاتړې ده.

زېلېنسکي پاریس ته له ولسمشر امانوېل مکرون سره د دوشنبې په ورځ خبرو لپاره په داسې حال کې تللی چې له تېرو اونیو راهیسې پر اوکراین د روسیې ډرون او توغندويي بریدونه ډېر شوي او مسکو په سوېل ختیزه ژاپوریژیا سیمه کې د ځمکنیو پرمختګونو راپورونه هم ورکړي.

زېلېنسکي له خپل فرانسوي سیال سره د رافال الوتکې مخې ته د هوکړه لیک لاسلیکولو پرمهال وویل، چې دا به د نړۍ د سترو دفاعې هوایې سیستمونو یوه ستره دفاعې هوکړه وي.

د دې موضوع په اړه خبرو دوو سرچینو رویټرز ته ویلي چې رافال الوتکې به د لس کلن ستراتیژیک هوایي تړون یوه برخه وي.

ځینې الوتکې ښايي له فرانسوي زېرمو ورکړل شي خو ډېری به د اوږدمهاله پلان برخه وي.

د سرچینو په وینا، د دغو پرمختللو الوتکو لیږد وخت غواړي ځکه د پیلوټانو لپاره یې سخت روزنیز پروګرام ته اړتیا ده.

مکرون په تېره میاشت کې ژمنه کړې وه چې نورې میراژ جنګي الوتکې به هم اوکراین ته ورکړي او همدارنګه به د استر ۳۰ځمکهوا توغندي چې د اروپا د MBDA شرکت له خوا جوړېږي او د اوکراین د SAMP/T سیسټمونو برخه ده، هم وروسپاري.

دغه پرېکړه د ۱۹۷۱م کال له خپلواکۍ راهیسې د یوه پخواني بنګله دېشي مشر \مشرې پر ضد تر ټولو سخت قانوني ګام بلل کېږي.

دغه پرېکړه داسې مهال ده، چې د فبرورۍ په پیل کې پارلماني ټاکنې رانږدې کېږي او د هغې ګوند عوامي لیګ له ګډون څخه منع شوی.

وېره شته چې دا حکم به له ټاکنو وړاندې ناارامۍ راوپاروي.

حسینه چې ۷۸ کلنه ده، د ۲۰۲۴ کال د پاڅون په ترڅ کې په اګست میاشت کې هند ته وتښتېده او محکمې د هغې په نشتوالي کې پرېکړه اعلان کړه. هغې ته د بشریت ضد جرمونو په تور د عمر قید، او د پاڅون پر مهال د څو کسانو د وژلو په تور د اعدام سزا اورول شوې ده.

په ډاکه کې د محکمې د حکم له اعلان سره سم چکچکې او خوشحالۍ پیل شوې.

دغه پرېکړه د سترې محکمې په کچه د استیناف وړ ده.

د حسینې زوی او سلاکار سجیب واجد یوه ورځ مخکې ویلي وو چې تر هغه به استیناف نه کوي څو د عوامي لیګ په ګډون یو منتخب حکومت په واک کې نه وي.

حسینې د حکم په غبرګون کې رسنیو ته په لېږل شوې اعلامیه کې محکمې ته «له درغلیو ډکه محکمه» ویلي دي.

د روسیې د لومړي وزیر دفتر وايي، د سازمان له غړو هېوادونو سره سره د خبرو اترو د شریکانو هېوادونو، د څارونکو هېوادونو، د ګډو خپلواکو دولتونو د ټولنې غړو او د اوراسیا اقتصادي ټولنې لوړپوړي استازي هم دې ناستې ته بلل شوي دي.

د شانګهای همکارۍ سازمان یو سیمه‌ییز بنسټ دی، چې په ۲۰۰۱ز کال کې جوړ شوی. د دغه سازمان اصلي غړي روسیه، چین، هند، قزاقستان، قرغزستان، تاجکستان، پاکستان، ایران او ازبکستان دي. بلاروس د ۲۰۲۴ز کال د جولای په څلورمه نېټه د سازمان غړیتوب ترلاسه کړ.

افغانستان او مغولستان د سازمان د څارونکو هېوادونو په توګه پېژندل کېږي. اذربایجان، ارمنستان، بحرین، مصر، کامبوج، قطر، کویټ، مالدیف، میانمار، نیپال، متحده عربي امارات، سعودي عربستان، ترکیه او سریلانکا د شانګهای د همکارۍ سازمان د خبرو اترو شریکان دي.

تر اوسه څرګنده نه‌ده، چې ایا د طالبانو د ادارې کوم استازی به په دې ناسته کې ګډون وکړي او که نه. طالب چارواکو تر دې وړاندې د مغولستان حکومت په څو ناستو کې د څارونکي هېواد په توګه ګډون کړی دی.

د روسیې د لومړي وزیر دفتر په یوې خبرپاڼه کې لیکلي، چې د هېوادونو مشران او استازي به د نن او سبانۍ غونډو پر مهال د شانګهای د همکارۍ سازمان د ۲۰۳۵م کال د پراختیا پر تګلارې بحث او سلا مشورې وکړي.

دوی وایي، په دې ناسته کې به ځانګړې پاملرنه د سوداګریزو، اقتصادي، فرهنګي او بشرپالونکو اړیکو د پیاوړتیا په تړاو وشي چې په‌کې به د ډیجیټلي اقتصاد، انرژۍ، شنه صنعت، مصنوعي ځیرکتیا، ساینس او نوښت، ښوونې او روزنې، کلتور، ګرځندوی، روغتیايي پاملرنې، ورزش او د ځوانانو اړیکو په برخو کې ګډ کار ته لومړیتوب ورکړل شي.