پاپ لیو په نایجریا کې د ۳۱۵ تښتول شویو زده کونکو د سمدستي خوشې کېدو غوښتنه وکړه

د هند دفاع وزیر راجنات سینګ په نوي ډیلي کې د سندیانو د ټولنې په غونډه کې وویل، چې « که څه هم د سند خاوره د هند برخه نه ده، خو د تمدني اړیکو له مخې سند به هېڅکله د هند له لرغوني هویت څخه جلا نه وي او چې د خاورې خبره راشي، سرحدونه بدلېدلی شي او څوک پوهېږي، کېدای شي سبا سند بېرته هند ته راوګرځي».

سند ایالت پر ۱۹۴۷ کال د هند په وېش کې جلا شو او د پاکستان برخه وګرځېد.

هغه زیاته کړه: « زه غواړم دلته د لال کرشنا اډواني نوم هم یاد کړم. هغه په خپلو کتابونو کې لیکلي چې د هغه د نسل سندي هندوانو تر اوسه له هند څخه د سند جلا کېدل په زړه نه دي منلي».

نوموړي زیاته کړه، چې «نه یوازې په سند، بلکې د ټول هند په کچه هندوانو د سند سیند اوبه مقدسې بللې. د سند ډېرو مسلمانانو هم باور درلود چې د سند د سیند اوبه د مکې د زمزم له اوبو کمې سپېڅلې نه دي. دا د اډواني وینا ده».

هغه د پاکستان تر واک لاندې کشمیر په اړه وویل، چې بېرته هند ته وسپارل شي.

له دې وړاندې د سند یوه جګپوړي وزیر شرجیل انعام میمن ویلي و، چې هیڅ داسې ځواک نشته، چې سند ووېشي.

د سند او کشمیر په اړه د هند د دفاع وزیر څرګندونې داسې مهال دي، چې پاکستان له افغانستان سره هم په ورته معضله کې دی، ځکه کابل خیبر پښتونخوا خپله تاریخي برخه ګڼي او افغان حکومتونه د ډیورنډ کرښې په اړه تړون په رسمیت نه پېژني.

پاکستان په رسمي ډول د هند ددفاع وزیر د څرګندونو په اړه غبرګون نه دی ښودلی.

مصر، قطر او امریکا د حماس او اسراییل ترمنځ منځګړیتوب کوي او همدوی هغه اوربند خوندي کړ چې تېره میاشت پلیشوی و.

د اسراییل صدراعظم بنیامین نتنیاهو ویلي چې د دغه هېواد پوځي ځواکونو د شنبې په ورځ د حماس پنځه لوړپوړي غړي وژلي دي. اسراییل تور لګولی چې ذد حماس یو جنګیالی ددوی تر کنټرول لاندې سیمو ته د برید لپاره استول شوی و.

د غزې روغتیايي چارواکو ویلي چې د شنبې په ورځ د اسراییل هوایي بریدونو لږ تر لږه ۲۰ کسان وژلي دي.

اسراییلي پوځ د یکشنبې په ورځ ویلي چې د حماس یو سیمه‌ییز قوماندان هم د شنبې د بریدونو په وژل شویو کسانو کې شامل دی.

ټرمپ د شنبې په ورځ د لیندۍ په لومړۍ نېټه خبریالانو ته وویل، چې که چیرې هغه د جو بایډن پر ځای د امریکا ولسمشر وای، نو د روسیې او اوکراین جګړه به هېڅکله نه وای رامنځته شوې.

ټرمپ همداراز ټینګار وکړ، چې دا جګړه باید «په هر ډول ممکنه لاره» پای ته ورسېږي.

کله چې یو خبریال ترې وپوښتل چې ایا د سولې اوسنۍ طرحه د واشنګټن وروستۍ وړاندیز دی؟ ټرمپ ځواب ورکړ: «نه.»

د امریکا طرحه چې د روسیې ځینې مهمې غوښتنې تاییدوي، د ډېرو اروپایي هېوادونو له نقد سره مخ شوې ده.

څو ساعته مخکې د اروپایي هېوادونو مشرانو په ګډ بیان کې ویلي، چې د سولې لپاره د امریکا ۲۸ماده ییزه طرحه «بنسټیز» سند دی، خو لا هم «نور غور او ارزونې» ته اړتیا لري.

ټرمپ د خپلو خبرو په دوام کې په دې اړه چې که د اوکراین ولسمشر ولودیمیر زېلېنسکي که دا طرحه د لیندۍ تر شپږمې نېټې ونه مني نو څه به پېښ شي؟ وویل: «هغه کولی شي د خپل ټول توان سره جګړې ته دوام ورکړي.»

د لړم په ۳۰مه نېټه د امریکا ولسمشر په ښکاره ډول له اوکراین څخه غوښتنه کړې وه، چې په یوه اوونۍ کې د هغه طرحه ومني؛ داسې طرحه چې له اوکراین څخه غواړي د خپلې خاورې یوه برخه پرېږدي، په خپل پوځ محدودیتونه ومني او د ناټو غړیتوب له برنامې لاس واخلي.

په هغه ګډه خبرپاڼه کې چې د شنبې په ورځ (د لېندۍ لومړۍ نېټه) خپره شوې، ویل شوي چې اروپايي مشرانو د «اوکراین پر وسله‌والو ځواکونو د وړاندیز شویو محدودیتونو» په اړه اندېښنه څرګنده کړې ده، ځکه دغه محدودیتونه به اوکراین د روسیې د بریدونو پروړاندې کمزوری او زیانمن کړي.

اروپايي او نور لوېدیځ مشران چې د سوېلي افریقا د جي۲۰ سرمشریزې په څنډه کې راټول شوي، هڅه کوي د امریکا د ولسمشر ډونالډ ټرمپ هغو غوښتنو ته ګډ او همغږی ځواب پیدا کړي چې له اوکراین څخه یې د سولې د پلان د منلو غوښتنه کړې ده.

د رویټرز د راپور له مخې، د دغو هېوادونو مشران هڅه کوي داسې توازن وساتي چې هم د ټرمپ د جګړې د ختمولو هڅې وستایي او هم دا ومني، چې د پلان ځینې مادې د کییف لپاره د منلو وړ نه دي.

د لړم ۳۰مه د اوکراین ولسمشر ولادیمیر زېلېنسکي وروستیو پېښو ته په اشارې ویلي، چې هېواد یې له یوې سختې پرېکړې سره مخ دی، یا به خپل «وقار او ازادي» له لاسه ورکوي او یا به د واشنګټن له ملاتړه تېرېږي.

هغه په تېرو څو میاشتو کې د قضایي دوسیو له امله د احتیاطي اقداماتو د نقض کولو په تور د کورني نظربند لاندې و.

د برازیل د سترې محکمې قاضي د هغه د نیولو امر صادر کړ او دلیل یې دا و، چې د هغه پلویان ښايي ستونزې جوړې کړي او د کورني نظربند د دوام مخه ونیسي.

قاضي همدارنګه داسې شواهد یاد کړي چې ښيي، بولسونارو مخکې هڅه کړې وه چې خپل برېښنايي د پښو بند کې لاس وهنه وکړي او د تېښتې نیت یې درلود.

د ژایر بولسونارو وکیل د هغه د نیول کېدو خبره تایید کړې او ویلي یې دي چې قاضي د بولسونارو د نیولو اصلي دلیل د هغه د کور څنګ ته د نوموړي د پلویانو پلان شوې غونډه وه.

د سترې محکمې قاضي الکساندر د مورایس ویلي: «د محکوم شویو کسانو د دغه غېرقانوني غونډې له امله رامنځته کېدونکې ګډوډي ډېره ممکنه ده چې د کورني نظربند او نورو احتیاطي اقداماتو وضعیت له خطر سره مخ کړي او د هغه د تېښتې امکان برابر کړي.»

ده همدارنګه ویلي، چې د برازیل پخواني ولسمشر مخکې هڅه کړې وه چې د ارجنټاین په سفارت کې پناه واخلي.

پخوانی ولسمشر د ۲۰۲۲م کال په سپټمبر کې ولسمشریزو ټاکنو کې له ماتې وروسته د کودتا د توطیې په تور په ۲۷کاله او درې میاشتې بند محکوم شوی و.

تمه وه، چې په څو ورځو کې د هغه د بند موده عملا پیل شي.

هغه له ۱۰۰ ورځو راهیسې د کورني نظارت لاندې دی، ځکه چې په خپلې جنایي قضیه کې یې د امریکا له خوا د مداخلې غوښتنه کړې وه څو د خپلو جنایي قضیو مخنیوی وکړي.

له دې بریدونو څخه په یوه برید کې د داعش اړوند د متحدو ډیموکراټیک ځواکونو جنګیالیو د بیامبو په سیمه کې د کاتولیک کلیسا تر څارنې لاندې روغتیایي مرکز په نښه کړ.

په دې برید کې لږ تر لږه ۱۷ کسان ووژل شول او په دې کې هغه ښځې هم شاملې وې، چې د زېږون د پاملرنې لپاره دې مرکز ته تللې وې.

د ملګرو ملتونو د سولې ماموریت په خپله خبرپاڼه کې ویلي، چې د داعش جنګیالیو د ملکي خلکو تر وژلو وروسته د روغتون څو برخې چې ناروغان پکې بستر وو، په اور سوځولې دي.

وسله والو د طبي وسایلو د لوټلو تر څنګ ځینې ناروغان هم تښتولي دي.

د ملګرو ملتونو د سولې ماموریت د کانګو له چارواکو غوښتنه کړې، چې «سمدلاسه خپلواکه او باوري څېړنې پیل کړي، د دې وژنو عاملین او همکاران وپېژني او هغوی عدالت ته حاضر کړي.»

د کانګو د حکومت په وینا، د روان کال له جنورۍ څخه تر اوسه نږدې اووه زره کسان په ختیځ کانګو کې وژل شوي او نږدې نیم میلیون کسان تر هغه وروسته بې‌کوره شوي، چې د بې‌ځایه شویو شاوخوا ۹۰ کمپونه ویجاړ شوي دي.