پاکستاني پولیسو په اسلام اباد کې یو افغان خبریال نیولی

پاکستاني پولیسو په اسلام اباد کې یو افغان خبریال نورالله اکبري نیولی. د نیول شوي خبریال کورنۍ افغانستان انټرنشنل ته وویل، چې پولیسو نوموړی له فیصل ښارګوټي څخه نیولی او کمپ ته یې لېږدولی. د هغه د کورنۍ غړي او نږدې خپلوان وايي، چې نوموړی د فرانسې وېزې ته په تمه و.

په ورته وخت کې د افغانستان د رسنیو ملاتړ سازمان هم د نورالله اکبري نیول کېدل تاییدوي او په یوه اعلامیه کې یې لیکلي، چې نوموړی له جبري اېستلو سره مخ دی.

اعلامیې ټینګار کړی چې په افغانستان کې د خبریالانو ژوند له ګواښ سره مخ دی.