طالبانو په افغانستان کې څه باندې درې زره بندیانو ته بښنه اعلان کړې
د طالبانو سترې محکمې د افغانستان په بېلابېلو ولایتونو کې درې زره او ۲۰۴ بندیانو ته بښنه اعلان کړې او د څلور زره او ۳۱۷ بندیانو د بند په موده کې یې تخفیف اعلان کړی.
د طالبانو سترې محکمې د افغانستان په بېلابېلو ولایتونو کې درې زره او ۲۰۴ بندیانو ته بښنه اعلان کړې او د څلور زره او ۳۱۷ بندیانو د بند په موده کې یې تخفیف اعلان کړی.
د طالبانو سترې محکمې د سې شنبې په ورځ اعلان وکړ، چې د یادې محکمې د مقام په لارښوونه د هېواد له زندانونو څخه د یوه ګومارل شوي پلاوي تر لیدنو او نظارت وروسته، ٣٢٠٤ وړ زندانیانو ته بښنه وشوه او ٤٣١٧ نورو ته چې د تخفیف وړ ګڼل شوي وو، د بند په موده کې تخفیف ورکړل شوی دی.
یادې محکمې ویلي، چې له زندانونو څخه د لیدنې ګومارل شوی پلاوی د طالبانو د سترې محکمې په لارښوونه د هر ولایت د مرافعه محکمې او جزا دېوان د رییسانو په مشرۍ جوړ شوی و او د اړوندو محکموقاضيانو، د قوماندانۍ، ولایت مقام او استخباراتو استازو پکې غړیتوب درلود.
