د پاکستان لومړی وزیر په دوه ورځني رسمي سفر بحرين ته ولاړ

د پاکستان د لومړي وزیر شهباز شریف دفتر له‌خوا په خپره شوې خبرپاڼه کې راغلي، چې نوموړی د چهارشنبې په ورځ په دوه ورځني رسمي سفر بحرین ته ولاړ. په خبرپاڼه کې راغلي، چې د پاکستان د بهرنیو چارو وزیر اسحاق ډار او ځینې نور لوړپوړي چارواکي په دغه سفر کې د هغه ملتیا کوي.

په خبرپاڼه کې راغلي، چې شهباز شریف به د دغه سفر په لړ کې د بحرین له پاچا حمد بن عیسی الخلیفه، د دغه هېواد له ولیعهد او لومړي وزیر سره وګوري.