د طالبانو د اقتصاد وزیر دینمحمد حنیف د نړۍوالې بشري ادارې «مرسي کرپس» د سیمهییزې مسوولې سانا جانسن او د دغه سازمان له مشرې ماریانا وانسهن سره په لیدنه کې د افغانستان د اقتصادي پراختیا، د کرنې او انرژۍ سکتورونو ملاتړ او د اقلیمي بدلونونو پر مدیریت خبرې کړې دي.
د طالبانو د اقتصاد وزارت لهخوا په خپره شوې خبرپاڼه کې راغلي، چې دین محمد حنیف په یاده لیدنه کې د اوسني اقتصادي وضعیت، د پراختیايي پروژو او د نړۍوالو سازمانونو د رول په اړه هم خبرې کړې دي. هغه ویلي، چې نړۍواله مرسته په دې برخو کې د هېواد د اقتصادي ثبات او ټولنیز پرمختګ لپاره حیاتي ده.
په خبرپاڼه کې همدا راز راغلي، اغلې سانا جانسن د ستنېدونکو کډوالو، د اوبو مدیریت، کرنې او انرژۍ، د چاپېریال ساتنې او د کوچنیو کاروبارونو د ملاتړ ژمنه وکړه او ډاډ یې ورکړ، چې «مرسي کرپس» سازمان به د خلکو د ژوند د ښه کولو لپاره خپلو هڅو ته دوام ورکړي.
