د روسیې ولسمشر ولادیمیر پوتین قرغیزستان ته د خپل سفر په ترڅ کې ویلي چې د روسیې دولتي اټومي انرژۍ اداره د پخواني شوروي هېواد په خاوره کې د اټومي برېښنا د یوې فابریکې د جوړولو احتمالي طرحه ارزوي. قرغیزستان د روسیې ستراتیژیک متحد دی.
د تاس اژانس د رپوټ له مخې، پوتین چې په بشکېک دولتي ماڼۍ کې خبرې کولې قرغیزستان د مسکو یو باثباته او باوري شریک وباله او په سیمه کې یې د روسي پوځي اډې رول په سیمه ییز ثبات راوستلو کې مهم فاکتور وباله.
پوتین زیاته کړه چې په سولهییزه اټومي پرمختیا، د لمراو باد پر بنسټ د برېښنا فابریکو په جوړولو، ډیجیټلي اقتصاد، او ترانسپورټ او لوژستیک برخو کې د همکاریو د پراختیا لپاره ستر ظرفیت شته.
قرغیزستان د روسیې ستراتیژیک متحد دی او د روسیې له مهمو هوايي اډو څخه یوه یې په همدغه هېواد کې ده.
