طالبان وایي، په هلمند کې روان کال د شاتو تولید ۳۵ ټنو ته رسېږي

د طالبانو د کرنې، اوبو لګولو او مالدارۍ وزارت خبر ورکړی، چې په هلمند ولایت کې روان کال د شاتو تولید ۳۵ ټنو ته رسېږي. په دغه ولایت کې د طالبانو د کرنې او مالدارۍ ریاست چارواکي وایي، چې دا مهال په هلمند کې تر ۱۶۰ ډېر د شاتو مچيو فارمونه فعال دي.

د یاد ریاست په وینا؛ مناسبه اقلیم، پراخه ځمکه او د شاتو ښه بازار د هلمند د مچيو پالنې د چټکې ودې مهم لاملونه بلل کېږي.