کایا کالاس: د روسیې پروړاندې نورو بندیزونو ته اړتیا ده
د اروپايي ټولنې د بهرنیو چارو اړیکو استازې کایا کالاس وایي، چې د روسیې پروړاندې نورو بندیزونو ته اړتیا ده او د اوکراین پراخ ملاتړ باید دوام وکړي.
د اروپايي ټولنې د بهرنیو چارو اړیکو استازې کایا کالاس وایي، چې د روسیې پروړاندې نورو بندیزونو ته اړتیا ده او د اوکراین پراخ ملاتړ باید دوام وکړي.
د نوموړې په وینا، داسې هېڅ نښه نشته چې روسیه د اوربند لپاره چمتو وي.
هغې همداراز وویل: «که موږ غواړو د دې جګړې له دوام څخه مخنیوی وکړو، نو په حقیقت کې باید د روسیې پوځ او د دغه هېواد پوځي بودیجه محدود کړو.»
د اروپايي ټولنې د بهرنیو چارو اړیکو استازې کایا کالاس زیاته کړه، چې هر ډول د سولې تړون باید د روسیې له لوري هم ځینې امتیازات ولري.
