د امریکا مرستیال ولسمشر د کډوالو د اېستلو بهیر د لا ګړندي کېدو ګواښ وکړ
د امریکا د ولسمشر مرستیال جیډي وېنس په واشنګټن کې د یوه افغان کډوال له لوري پر دوو عسکرو تر برید وروسته ګواښ کړی، چې له دغه هېواده باید د کډوالو د اېستلو بهیر ګړندی او سخت شي.
د امریکا د ولسمشر مرستیال جیډي وېنس په واشنګټن کې د یوه افغان کډوال له لوري پر دوو عسکرو تر برید وروسته ګواښ کړی، چې له دغه هېواده باید د کډوالو د اېستلو بهیر ګړندی او سخت شي.
وېنس ویلي، په ۲۰۲۱کال کې د جو بایډن د حکومت پر هغې تګلارې د نیوکې له امله «نژادپال» بلل شوی و چې له مخې یې افغان پناهغوښتونکي په ډول، ډول او بې له لازمو امنیتي څېړنو امریکا ته داخلېدل. هغه وویل: «زموږ ډېری رایهورکوونکي نه یوازې خبرې؛ بلکې عملي اقدامات غواړي».
د ټرمپ مرستیال ټینګار وکړ، چې په واشنګټن کې د دغه تازه برید افغان بریدګر به قضایي ارګانونو ته وسپارل شي او تر دې وروسته باید «حکومتي هڅې دوه برابره شي؛ څو له خپل هېواد څخه ناقانونه او په جرمونو کې ښکېل کډوال وباسو». څو ساعتونه وړاندې واشنګټن کې د سپینې ماڼۍ مخې ته یو افغان بریدګر د امریکا د مليګارډ پر دوو عسکرو ډزې وکړې او ورسره هممهاله ټرمپ اعلان وکړ، چې دغه کس په ۲۰۲۱کال کې د بایډن حکومت له لوري امریکا ته لېږدول شوی و.
