تېره ورځ له ایران او پاکستان نه نږدې ۴زره کډوال افغانستان ته ستانه شوي
د طالبانو تر واک لاندې د کډوالو ستونزو ته د رسېدنې عالي کمېسیون د پنجشنبې په ورځ (د لېندۍ ۶مه) خبر ورکړی، تېره ورځ له ایران او پاکستان نه ۸۹۷ کورنۍ چې ټولټال ۳۹۹۲ کسان کېږي؛ افغانستان ته ستنې شوې دي.
د یاد کمېسیون د خبرپاڼې له مخې؛ له دې ډلې د سپین بولدک له لارې ۶۲۳ کورنۍ، د تورخم له لارې ۲۱۴ کورنۍ، د اسلامکلا له لارې ۳۴ کورنۍ او د ورېښمو پله له لارې ۲۶ کورنۍ افغانستان ته ستنې شوې دي.
