د کرملین ویاند وايي مسکو د طالبانو په تړاو له هند سره په «تفاهم» کې دی

د طالبانو د کورنیو چارو وزارت نن سې شنبه، د لیندۍ ۱۱مه وویل، چې د هېواد د ۳۴ ولایتونو د والیانو، امنیه قوماندانیو ویاندویانو له مطبوعاتي مسوولینو سره یو ویډیویي کنفرانس کې عبدالحکیم همت اخوندزاده ویاندویانو ته لارښوونې وکړې او او ټینګار یې وکړ، چې خپل مطبوعاتي مسوولیتونه دې په موثر، منظم او مسلکي ډول تر سره کړي.

د طالبانو د کورنیو چارو وزارت ویاند عبدالمتین قانع وویل، چې ویاندویان دې ددې ډلې د پالیسۍ له مخې د خدماتو رسونې، ولسي او عامه اړیکو پیاوړي کولو، له رسنیو سره موثر تعامل، اطلاعاتو ته د لاسرسي اسانتیا او د لاسته راوړنو انعکاس ته ځانګړې پاملرنه وکړي.

دا څرګندونې په داسې حال کې کېږي، چې طالبانو له راتګ سره دې ډلې په هېواد کې رسنۍ سانسور کړې دي.

د طالبانو د بهرنیو چارو وزارت خبر ورکړی، چې د یادې ډلې او تاجکستان د بهرنیو چارو وزیرانو په ټیلیفوني خبرو کې د سیاسي اړیکو، اقتصادي همکارۍ، سرحدي وضعیت او امنیتي همغږۍ د پراختیا په اړه بحث کړی او دواړه خواوو د ګډو امنیتي اقداماتو د پیاوړتیا ملاتړ څرګند کړی دی.

په خبرپاڼه کې راغلي، متقي د تاجکستان په خاوره کې د وروستیو امنیتي پېښو او د چینایي وګړو د وژنې پېښه غندلې او په سیمه کې یې د ګډ ثبات لپاره د دواړه هېوادونو پر ګډو اقداماتو ټینګار کړی دی.

هغه زیاته کړې، چې «طالبان د سرحدي امنیت د ټینګښت، ګډو څېړنو او هر ډول همغږۍ لپاره بشپړ چمتو دي او د شریرو عناصرو پر وړاندې ګډ اقدامات د وخت اړتیا ده.»

خبرپاڼه زیاتوي، د تاجکستان د بهرنیو چارو وزیر سراج‌الدین مهرالدین د افغانستان او تاجکستان تاریخي او کلتوري اړیکې ستایلې او ویلي یې دي چې «تاجکستان له افغان حکومت سره د مثبت تعامل پلوی دی او هغه مغرضې ډلې ردوي، چې د دواړو هېوادونو د اړیکو خرابولو هڅه کوي.»

د تاجکستان د بهرنيو چارو وزیر د سرحدي همغږۍ د پیاوړتیا ملاتړ څرګند کړی دی.

خبرپاڼه کاږي، چې دواړه وزیرانو د سرحدي ځواکونو د منظم تماس، د امنیتي همکاریو د ګډو کمېټو د فعال ساتلو او د تخنیکي ناستو د دوام پر سر هوکړه کړې.

د خوست ولایت په ورزشي لوبغالي کې نن سې‌شنبه هغه کس په عام محضر کې اعدام شو، چې د طالبانو د عدلي او قضايي ارګانونو په وینا لس میاشتې وړاندې یې د علیشیرو او تریزیو ولسوالۍ کې د یوې کورنۍ ۱۳ غړي وژلي وو. د قربانیانو په ډله کې ښځې، نارینه او پنځه ماشومان هم شامل وو.

په خوست کې د طالبانو استیناف محکمې رییس مولوي عین‌الله خلیل د یاد کس د اعدام غونډې پر مهال په خبرو کې وویل، چې «بې‌ځایه وژنې د سرطان دانې مثال لري او د دې رنځ د مخنیوي لپاره یوازینۍ حل لاره قصاص دی.»

ورته مهال د ملګرو ملتونو ځانګړي راپور ورکوونکي رېچارډ بېنېټ په عام محضر کې اعدام «بې‌رحمانه او د نړۍوالو قوانینو خلاف» کړنه بللې. هغه پر اېکس پاڼه لیکلي، چې په خوست کې په عام محضر کې د قصاص ترسره کېدل «بې‌رحمانه، ظالمانه او د نړۍوالو قوانینو خلاف» کړنه ده.

هغه ټینګار کړی: «په عام محضر کې اعدامونه د انسانیت خلاف کړنې دي او د نړۍوالو معیارونو پر بنسټ هېڅ ډول توجیه نه‌لري.» هغه له طالبانو غوښتي، چې دغه ډول سزاوې «سملاسي ودروي».
د یادونې وړ ده، چې طالبانو تر دې وړاندې هم په بېلابېلو ولایتونو کې ورته سزاوې عملي کړې دي.

د دغه وزارت له‌خوا په خپرې شوې خبرپاڼه کې راغلي، مولوي صدراعظم عثماني د خپل ازبک سیال سره په کتنه کې ټینګار وکړ چې افغانستان او ازبکستان تاریخي اړیکې لري او باید اقتصادي همکارۍ لا پراخې او نږدې شي.

په خبرپاڼه کې راغلي، ښاغلي عثماني د خصوصي سکټور ظرفیتونه د غوښې د تولید او صادراتو په برخه کې وستایل او وړاندیز یې وکړ چې په افغانستان کې دې لوی او معیاري فارمونه جوړ شي؛ څو د غوښې د صادراتو بهیر په منظم ډول پرمخ لاړ شي.

خبرپاڼه د ښاغلي جمشید عبدوذوکروف په حوالې کاږي، چې په تېرو کلونو کې د دواړه هېوادونو ترمنځ د سوداګرۍ کچه له ۴۱۰ مېلیون ډالرو څخه ۶۱۰ مېلیون ډالرو ته لوړه شوې او ازبکستان غواړي په کرنې او مالدارۍ کې همکاري پراخه کړي.

په خبرپاڼه کې همداراز راغلي، چې د طالبانو کرنې وزارت د کورنیو او بهرنیو پانګه‌والو هڅولو ته دوام ورکوي؛ څو په بېلابېلو کرنیزو برخو کې د پانګونې لپاره مناسبه زمینه برابره کړي.

رېچارډ بېنېټ د سې‌شنبې په ورځ پر اېکس پاڼه کاږلي، چې د افغانستان په خوست ولایت کې په عام محضر کې د اعدام د ترسره کېدو خبرونه ترلاسه شوي دي. بېنېټ ویلي:« په عام محضر کې اعدامونه بې‌رحمانه، ظالمانه او غیرعادي سزاوې دي او د نړۍوالو قوانینو سره په ټکر کې دي.»

هغه ویلي، دغه ډول سزاوې باید سملاسي ودرول شي. نوموړي لیکلي: «په عام محضر کې اعدامونه د انسانیت خلاف عمل کړنه ده او د نړۍوالو معیارونو پر بنسټ هېڅ ډول توجیه نه‌لري، نړۍواله ټولنه باید په دې برخه کې د امنیت او عدالت ملاتړ وکړي.»

د طالبانو د خوست والي رسنیز دفتر پرون دوشنبه (د لېندۍ ۱۰مه) د یوې اعلامیې په خپرولو سره ویلي و، د طالبانو قضايي ارګانونه د خوست علیشیرو او تریزیو ولسوالۍ د یوې پېښې پر تورن د قصاص حکم عملي کوي. طالبانو د ټولو ادارو له مسوولینو، دیني عالمانو او د خپلې ډلې د وسله‌والو ترڅنګ له عامو خلکو هم غوښتي، چې په ټاکلي وخت د خوست ورزشي لوبغالي ته ورشي.

دوی همدراز له ګډونوالو غوښتنه کړې ده، چې لوبغالي ته د کامره لرونکو ټېلفونونو او وسلو سره د ګډون اجازه نه‌شته او د یادو توکو له راوړلو دې ډډه وکړي. افغانستان انټرنشنل - پښتو ته د رارسېدلو معلوماتو له مخې؛ شاوخوا ۹ میاشتې وړاندې د خوست په عليشېر ولسوالۍ کې د يوې کورنۍ لس غړي وژل شوي و، چې د یادې پېښې تورن کس ته طالبان نن د قصاص سزا ورکوي.