د جنوبي کوریا شارژدافیر او ریچارډ بېنېټ د افغانستان د بشري حقونو پر وضعیت غږېدلي
په کابل کې د جنوبي کوریا شارژدافیر مون، د ملګرو ملتونو د بشري حقونو له ځانګړي راپور ورکوونکي ریچارډ بېنېټ سره د افغانستان د بشري حقونو د وضعیت په اړه خبرې اترې کړې دي.
په کابل کې د جنوبي کوریا شارژدافیر مون، د ملګرو ملتونو د بشري حقونو له ځانګړي راپور ورکوونکي ریچارډ بېنېټ سره د افغانستان د بشري حقونو د وضعیت په اړه خبرې اترې کړې دي.
د افغانستان لپاره د جنوبي کوریا سفارت ویلي، چې په دې لیدنه کې دواړو لوریو د بشري حقونو د اوسني وضعیت په اړه مفصل بحث کړی او د راتلونکو همکاریو پر لارو چارو غږېدلي دي.
یاد سفارت زیاتوي چې شارژدافیر مون او ریچارډ بېنېټ د افغانستان د بشري حقونو د خوندیتوب، د ښځو او نجونو د وضعیت او د بشري مرستو د دوام اړوند مسایلو ته ځانګړې پاملرنه کړې ده.
ملګرو ملتونو تر دې وړاندې هم په افغانستان کې د بشري حقونو د خرابېدو په اړه اندېښنې څرګندې کړې وې، خو طالبان دغه راپورونه یو اړخیز او له واقعیت څخه لرې بولي.
د جنوبي کوریا سفارت ویلي چې هېواد یې د ملګرو ملتونو له لارې له افغان ولس سره د بشري مرستو او د حقونو د خوندیتوب په برخه کې د همکاریو دوام غواړي.
