د افغانستان د مخکېني اسلامي جمهوریت د ډېپلوماټیکو او قونسلګریو ماموریتونو همغږۍ شورا د اسټرالیا له لوري د طالبانو پر مشرتابه د هدفمندو بندیزونو او سفري محدودیتونو اعلان ستایلی او دا یې د بشري حقونو او عدالت لپاره یو تاریخي او الهامبښونکی ګام بللی دی.
د همغږۍ شورا په یوه خبرپاڼه کې ویلي چې اسټرالیا د نړۍ په کچه د لومړي ځل لپاره د افغانستان لپاره خپلواکه بندیزي چوکاټ رامنځته کړ او پر هغو طالب مشرانو یې بندیزونه ولګول چې د ښځو او نجونو د سیستماتیکو ازادیو مخه یې نیولې، عدالت یې له منځه وړی او د ښې حکومتولۍ د له منځه وړلو مسؤلیت هم لري.
شورا ټینګار کړی چې دا پرېکړه د اسټرالیا د «ثابت دریځ، بشري ارزښتونو او د قانون حاکمیت» ښکاره نښه ده او نړۍ ته دا پیغام ورکوي چې د افغانانو پر ضد شوي ظلمونه به بې ځوابه نه پرېښودل کېږي.
شورا همداراز هغو هېوادونو مننه څرګنده کړې چې د طالبانو پر ضد د حسابورکونې په برخه کې ګډو هڅو ته دوام ورکوي.
په خبرپاڼه کې ویل شوي چې په داسې وخت کې چې افغانستان د استبداد له امله چوپ کړی شوی، هغه سفارتونه چې د طالبانو له نفوذه ازاد پاتې دي، د «قانوني استازولۍ، ډېموکراټیکو ارزښتونو او د ازادۍ او سولې د هیلو» بېلګه دي.
د همغږۍ شورا په پای کې ډاډ ورکړی چې دوی به د افغانانو د حقونو د ساتنې، د عادلانه او ټولګډونه راتلونکي د لید د ژوندي ساتلو، او د نړیوالو شریکانو سره د ګډو ارزښتونو د دفاع لپاره خپله ډېپلوماټیکه مبارزه جاري وساتي.
د لوګر ولایت لپاره د طالبانو د والي ویاند د یوې خبرپاڼې په خپرولو سره ویلي، په دغو مراسمو کې د طالبانو له یو شمېر ملکي او نظامي مسوولینو سربېره د زومانو او ناوېګانو د کورنیو غړو هم ګډون درلود.
د پکتیا ولایت لپاره د طالبانو د والي مرستیال انعامالله صلاحالدین دغو جوړو ته د مبارکۍ ویلو ترڅنګ وویل: «د اسلام مبارک دین د نکاح او واده په برخه کې څرګندې لارښوونې لري، خو ناوړه دودونه خلک له ګڼو ستونزو سره مخ کړي دي.»
په سعودي عربستان کې د لوګریانو د مسافرو استازي نورمحمد عمرخېل وویل، د دغه ډلهییز واده مراسمو په ترسره کېدو کې د دغه ولایت د ټولو مسافرو زامنو پراخه مالي ونډه اخیستې ده.
د یادونې وړ ده، چې د یو شمېر ملي سوداګرو په مالي ملاتړ د ۶۵ زومانو لپاره د کور د اړینو وسایلو «جهیز» ۲۲۰ قلمه بېلابېل توکي هم برابر شوي و.
په ناسته کې د هېواد د امنیتي وضعیت، اقتصادي همکاریو او د سیمهییزو ادارو د همغږۍ پر پیاوړتیا خبرې وشوې.
دغه ناسته د شنبې په شپه (د لیندۍ ۱۵مه) په بدخشان کې ترسره شوه، چې په کې د طالبانو د کورنیو چارو وزارت مرستیال صدر ابراهیم، لوی درستیز فصیحالدین فطرت، د کانونو وزیر هدایتالله بدري او د تخار او بدخشان والیانو برخه اخیستې وه.
په ناسته کې د مرکز او ولایتونو ترمنځ د همغږۍ پر قوي کېدو او د امنیت د خوندیتوب په موخه ګډ پلانونه او تدابیر شریک شوي.
په بدخشان کې د طالبانو د اوبو او انرژۍ ادارې رییس حکمتالله اخوندزاده چې په دې ناسته کې یې برخه اخیستې، وايي: «دا ناسته یوازې یوه تشریفاتي لیدنه نه وه، بلکې د امنیتي وضعیت د ارزونې، د اقتصادي امکاناتو پر حرکتونو د بحث او د سیمهییزې ادارې د همغږۍ د لا پیاوړتیا لپاره یو مهم سیاسي مجلس و.»
نوموړي زياته کړې، چې په ناسته کې د نظامي او اقتصادي بنسټونو د قوي کېدو په اړه هم خبرې او صلاح مشورې وشوې.
د دې غونډې نور جزیات لا په بشپړ ډول نه دي خپاره شوي.
د طالبانو د امنیتي ادارو لوړپوړي مشران په داسې مهال د امنیتي وضعیت د ارزونې لپاره ناسته کوي، چې تېره شپه پاکستان په سپین بولدک کې د افغانستان پر خاوره یو ځل بیا بریدونه کړي دي.