د افغانانو د کډوالۍ ملاتړ سازمان د افغان اېواک مشر شان وانډیور ویلي، د امریکا د ۲۰۲۶ مالي کال څخه د «دوامداره هرکلي قانون» حذفول د هغه زرګونه افغانانو لپاره لویې ستونزې رامنځته کوي چې لاهم امریکا ته د تګ په تمه دي.
هغه ویلي، دغه قانون د افغان کډوالو د بیا ځای پر ځای کولو، د همغږۍ مسوولیت او د کانګرس لپاره د معلوماتو د شفافیت لپاره مهم ګڼل کېده. وانډیور وایي: «د دوامداره هرکلي قانون حذفول د امریکا لهخوا د مسوولیت نه منلو په معنا ده او د هغه افغان ملاتړو لپاره لوی شاتګ دی، چې لا هم د امریکا د ملاتړ په تمه دي.»
نوموړي زیاته کړې، دغه پرېکړه د کډوالۍ هغه سیسټم کمزوری کوي چې لا له وړاندې له فشار سره مخ و. وانډیور وایي، دغه قانون د روانې ډسمبر میاشتې په ۵مه، د کانګرس د مشرانو لهخوا په پټه د ملي دفاع له قانونه حذف شو.
په امریکا کې د کډوالو لپاره هر ډول پروګرامونه وروسته له هغې له خنډ او ځنډ سره مخ شول، چې په واشنګټن کې یو افغان د ملي ګارډ پر دوو عسکرو برید وکړ.
طالبانو په یاده شل کلنه دوره کې د جمهوري نظام او بهرنیو ځواکونو د تاسیساتو د ورانولو او همداراز د نظامي کاروانونو د ډب کولو په موخه په لاس جوړو شویو بوشکهيي ماینونو ډېره استفاده کوله او لا هم د هېواد په هره سیمه کې دغه ماینونه پاتې دي او کله نا کله د سیمې خلک یې قربانیان وي.
د راپورونو لهمخې، د ماین پاکۍ موسسې هم په ډېرو لوړو قراردادونو سره د طالبانو دغه د ژېړو بوشکو ماینونه کشف او بیا یې شنډوي.
تازه د طالبانو له پېښو سره د مبارزې د چمتووالي ادارې ویلي، چې د ماین پاکۍ له یوې موسسې سره یې په همکارۍ د میدان وردګو په جلریز ولسوالۍ کې ۸ بوشکهيي ماینونه کشف او شنډ کړي دي.
دغې ادارې د دوشنبې په ورځ (د لیندۍ ۱۷مه) د یوې خبرپاڼې په خپرولو سره ویلي: «د ماینونو او ناچاوده توکو د خطرونو د کموالي په موخه د میدان وردګو ولایت له پېښو سره د مبارزې چمتووالي ریاست د ایریا ماین پاکۍ موسسې په همکارۍ د ولایت په سطحه ګرځنده تخنیکي ټیمونه موظف کړي، څو په پاتی سيمو کې د چاودېدونکو توکو له امله د احتمالي پېښو رامنځته کېدو خطرونو کم کړي.»
له دې سره سم، د دوشنبې په ورځ د ماین پاکۍ یوې بلې موسسې د ارزګان د مرکز ترینکوټ د دیکلنګي سیمه کې دوه نور ورته بوشکهيي ماینونه کشف او شنډ کړي دي.
په ورته وخت کې د لوګر د مرکز په ابچکان او بیدک کلیو کې هم ناچاوده ورته توکي کشف او شنډ کړای شوي دي.
د طالبانو یادې ادارې له ولس څخه غوښتي، چې د هر ډول مشکوک يا چاودېدونکو توکو د لیدو په صورت کې ژر تر ژره اړوندو مسوولینو ته خبر ورکړي، څو اړین اقدامات ترسره شي.