روسیې د اوکراین د سوېلي ښار اوډیسا د انرژۍ پر تاسیساتو برید کړی، چې له امله یې پراخه اورلګېدنه رامنځته شوې ده. د دغه ولایت والي اولیه کیپر ویلي، چې د دغه برید له امله شاوخوا سیمې چې د اوکراین لوی سمندري بندرونه هم پهکې موقعیت لري؛ له برېښنا بېبرخې شوې دي.
راپورونه ښيي، چې روسیې په وروستیو اوونیو کې د اوکراین د انرژۍ پر تاسیساتو او زېربناوو بریدونه زیات کړي دي. د اوکراین حکومت دغه اوونۍ د برېښنا د سپما لپاره نوې بېړنۍ طرحه تصویب کړه، ځکه چې د روسيې له بریدونو وروسته ځینې ولایتونه په دوامداره توګه له برېښنا بېبرخې شوي دي.
دا په داسې حال کې ده، چې تازه د اوکراین ولسمشر ولادیمیر زېلېنسکي ویلي، د سولې نوې ۲۰ مادهییزه طرحې نسخه یې چې د امنیتي ضمانتونو تګلارې او د اوکراین د بیارغونې تړون هم پهکې شامل دی؛ امریکا ته سپارلې ده.
