د سوریې ولسمشر د امریکا له‌خوا د بندیزونو لغو کېدل تاریخي ګام وباله

د کاناډا د ټورنټو پولیسو د جمعې په ورځ (د لیندۍ ۲۸مه) اعلان وکړ، چې ولید خان د وږي په ۲۷مه نیول شوی و، او اوس له ترهګرۍ سره د تړلو اوو نورو تورونو سره هم مخ دی.

د ولید د دوسیې له‌مخې، هغه د تښتونې، له وسلو سره د تښتونې، د یرغمل نیولو او د جنسي تیري د هڅو پر تورونو تورن دی.

د پولیسو په وینا، ولید په ترسره شویو څېړونو کې له درېیو اصلي شکمنو کسانو څخه یو دی، چې په ټولیزه توګه له ۷۹ جرمي تورونو سره مخ دي.

دوه نور شکمن کسان ۱۸ کلن عثمان عزیزوف او ۱۹ کلن فهد سادات هم د جدي جرمي له تورونو سره مخ دي، خو پر دوی د ترهګرۍ اړوند هېڅ تور نه‌دی لګول شوی.

د کاناډا پولیسو تر اوسه د ولید خان د تابعیت یا د کډوالۍ د څرنګوالي په اړه جزییات نه‌دي خپاره کړي، خو دومره یې څرګنده کړې، چې پر دې قضیې لا هم څېړنې روانې دي.

د ملګرو ملتونو عمومي منشي انتونیو ګوترېش د جمعې په ورځ (د لیندۍ ۲۸مه) په یوې څرګندونه کې د ټولو نیول شویو کسانو د سمدستي او بې‌قید و شرط خوشې کېدو غوښتنه وکړه. د ملګرو ملتونو ویاند سټیفان دوجارېک ویلي، چې ایران پلوه حوثیانو دا لس کسان پرون (پنجشنبه د لیندۍ ۲۸مه) نیولي دي.

دوجارېک خبرداری ورکړی، چې دغه نیونې د حوثیانو تر کنټرول لاندې سیمو کې د ملګرو ملتونو د بشري مرستو د رسولو بهیر له جدي ستونزو سره مخ کوي. هغه وویل، دا وضعیت په مستقیم ډول پر میلیونونو اړمنو خلکو اغېز کوي او هغوی له ژوند ژغورونکو مرستو محروموي.

ملګرو ملتونو یو ځل بیا د حوثیانو هغه تورونه رد کړي، چې ګواکې د دې سازمان کارکوونکي یا په یمن کې د ملګرو ملتونو فعالیتونه د جاسوسۍ په چارو کې ښکېل دي.

حوثیان له ۲۰۱۴ کال راهیسې د پلازمېنې صنعا په ګډون د یمن ډېره برخه تر خپل واک لاندې لري. دا وروستۍ پېښه د یمن د بشري وضعیت په اړه د نړۍوالو اندېښنې نورې هم زیاتوي.

حوثیانو لا تر اوسه د تازه نیونو په تړاو څه نه‌دي ویلي.

دا څرګندونې په داسې حال کې کېږي، چې د ډونالډ ټرمپ په مشرۍ د امریکا حکومت د وېنزوېلا پر ولسمشر نیکولاس مادورو د «نشه‌ يي توکو د قاچاق» او د «سازماني جرمونو» په څېر تورونه لګولي او پر کاراکاس حکومت یې سیاسي او اقتصادي فشارونه زیات کړي دي.

ډونالډ ټرمپ د سې‌شنبې په ماښام (د لیندۍ ۲۵مه) اعلان وکړ، چې امریکا د هغو تېل وړونکو ټانکرونو «بشپړ او هر اړخیزه محاصره» پیل کړې چې وېنزوېلا ته داخلیږي او یا له دې هېواد څخه وځي او د وېنزوېلا حکومت یې د «بهرنۍ ترهګرې ډلې» په نوملړ کې شامل کړ.

مارکو روبیو د جمعې په ورځ (د لیندۍ ۲۸مه) د امریکا په بهرنیو چارو وزارت کې په یوې خبري غونډه کې د لبنان حزب‌‌الله د بې‌ وسلې کولو پر اړتیا ټينګار وکړ او زیاته یې کړه، چې د سیمې ډیری هېوادونه دغه ډله د ایران د نفوذ وسیله ګڼي. هغه زیاته کړه، چې ان د سوریې د حکومت چارواکي هم د حزب‌‌الله د نقش په اړه جدي اندېښنې لري.

د امریکا د بهرنیو چارو وزیر وویل، امریکا د خپلې ستراتیژۍ په چوکاټ کې له وېنزوېلا سره د تړلو نشه‌ يي توکو قاچاقي شبکو پر ضد نظامي عملیات روان ساتي او د دې اقداماتو موخه د سیمې امنیت او ثبات ساتل دي.

هغه ټینګار وکړ، چې واشنګټن د وېنزوېلا په اړه د روسیې د لاس‌وهنې له امله اندېښمن نه‌دی او د مسکو ملاتړ به د امریکا په سیاست او ستراتیژۍ کې کوم بدلون رامنځته نه‌کړي.

روبیو په خپلو څرګندونو کې وویل، چې د امریکا ستونزه د ایران له حکومت سره یوازې سیاسي نه‌ده، بلکې د دغه حکومت د اټومي وسلو د ترلاسه کولو هڅې، د ترهګرۍ ملاتړ او د خپل ولس پر وړاندې چلند د اندېښنې اصلي لاملونه دي.

د امریکا د بهرنیو چارو وزیر همدارنګه د ایران او اسراییل تر منځ له ۱۲ ورځنۍ جګړې وروسته په ایران کې د ځپنې او اعدامونو پر زیاتېدو نیوکه وکړه او ویې ویل، چې د تهران واکمنان د خپلو خلکو اساسي حقونه تر پښو لاندې کوي.

روبیو زیاته کړه: «زه په نړۍ کې داسې بل هېواد نه‌پېژنم چې د هغه حکومت او ولس تر منځ دې دومره ژور واټن موجود وي. د ایران اوسنی حکومت د دې هېواد د خلکو استازیتوب نه‌کوي، حال دا چې د ایران ولس د لرغوني، ویاړلي کلتوري میراث او د ویاړ ډک تاریخ څښتن دی.»

هغه د ایران حکومت «روحاني او افراطي» وباله او ویې ویل، چې دغه واکمنان د هېواد شتمني د خلکو د هوساینې، د راتلونکي د تضمین او یا هم د کافي اوبو او برېښنا د برابرولو پر ځای، د نړۍ په بېلابېلو برخو کې د «ترهګرو» ډلو د مالي ملاتړ لپاره لګوي.

د امریکا د بهرنیو چارو وزیر په ټینګار سره څرګنده کړه، چې دا ډول تګلاره نه‌یوازې د ایران د خلکو پر ژوند ناوړه اغېز لري، بلکې د سیمې او نړۍ امنیت ته هم جدي ګواښ پېښوي.

ایران لا تر اوسه د امریکا د بهرنیو چارو وزیر د دغو څرګندونو په تړاو څه غبرګون نه‌دی ښودلی.

د اوکلېنډ پولیسو د جمعې په ورځ (د لیندۍ ۲۸مه) ویلي، دغه پېښه نن سهار وختي رامنځته شوې او په لومړي سر کې دوه ټپي کسان یې موندلي چې په مرمیو لګېدلي و.

د پولیسو په وینا، له ټپیانو څخه یو یې روغتون ته له رسېدو مخکې مړ شو، خو بل ټپي لا هم په روغتون کې تر درملنې لاندې دی او روغیتايي وضعیت یې هم ښه ښودل شوی دی.

د اوکلېنډ د پولیسو د څېړنو څانګې په دې تړاو خپلې پلټنې پیل کړي او لا تر اوسه یې د وژل او ټپي شويو کسانو د هویت په تړاو څه نه‌دي ویلي.

ځايي افغانان بیا وايي، چې دغه متضررین افغانان دي، خو لا تر اوسه هم په کره توګه روښانه نه‌ده او پولیس هم وایي، چې څېړنې دوام لري او د پېښې په تړاو به نور معلومات وروسته له رسنیو سره شریک کړي.