سرچینو په ایران کې د سړې هوا له امله د افغان کډوالو د یوې ډلې د مړینې خبر ورکړی

د ملګرو ملتونو د امنیت شورا په راپور کې ویل شوي، چې د داعش خراسان ډلې موخه په نړیواله کچه د لویو بریدونو ترسره کول او د جنګیالیو د استخدام او مالي ملاتړ وړتیا ښودل دي.

په دغه راپور کې د ملګرو ملتونو د امنیت شورا د غړو هېوادونو د معلوماتو پر بنسټ ویل شوي، چې داعش خراسان، ټي ټي پي، القاعده، د ختیځ ترکستان اسلامي غورځنګ، جماعت انصارالله، اتحاد المجاهدین پاکستان او نورې ډلې په افغانستان کې شتون لري.

همدارنګه په راپور کې ویل شوي، چې دمګړی له ۲۰ څخه زیات نړیوال او سیمه ییز ترهګریز سازمانونه په افغانستان کې فعال دي.

د ملګرو ملتونو د امنیت شورا په افغانستان کې د ترهګریزو ډلو د نشتون په اړه د طالبانو ادعا بې اساسه بللي ده او د ملګرو ملتونو د بندیزونو د څارنې کمیټې ویلي، چې ډیری هېوادونه په افغانستان کې د ترهګرو ډلو شتون په دوامداره توګه تاییدوي.

د یاد راپور له مخې، ټي ټي پي پر پاکستان کې ګڼ بریدونه د افغانستان له خاورې ترسره کړې دي.

د ملګرو ملتونو د امنیت شورا ویلي، چې داعش ډلې په افغانستان کې جهادي مدرسې جوړې کړې او له ۱۴ کلونو کم عمره ماشومانو ته د ځانمرګو بریدونو زده کړې ورکوي.

په راپور کې ویل شوي، چې یادې جهادي مدرسې د افغانستان په شمال کې ډیورنډ کرښې ته نږدې سیمو کې شتون لري.

په ورته مهال تېره ورځ د پاکستان رسنیو راپور ورکړ، چې د یاد هېواد استخباراتي اداري «ای اېس ای» د سلطان عزیز اعزام په نوم د داعش خراسان مهم غړی او ویاند نیولی دی.

دا په داسې حال کې ده، چې طالبانو په ځلونو پاکستان د داعش په ملاتړ تورن کړی او د روان کال په وږي میاشت کې د طالبانو د اسخباراتو رییس عبدالحق وثیق ادعا کړې وه، چې د داعش په څېر ډلو مرکزونه له افغانستان څخه بهر شتون لري او خبرداری یې ورکړ، چې که نړیواله ټولنه یادې مسلې ته پاملرنه ونه وکړي، نو درنه بیه به یې پرې کړي.

د طالبانو د استخباراتو رییس ویلي و چې:« نن داعش په افغانستان کې هېڅ مرکز او ریښې نه لري او نه یې کومه سیمه تر واک لاندې ده. په افغانستان یا بهر کې د دې ډلې بریدونه له افغانستان څخه بهر تنظیمږي.»

محمود فضلي ویلي، چې د ملګرو ملتونو د امنیت شورا وروستی راپور چې پکې له افغانستان څخه د فعالیت کوونکو ترهګرو ډلو یادونه شوې، په غبرګون کې یې پاکستاني چارواکو له خوښۍ ډکه ځان ستانه ښودلې، سربیره پردې چې دا عمل خندونکی ښکاري خو له دې څرګندونو ډېر څه روښانیږي.

نوموړي ویلي، چې د ملګرو ملتونو د امنیت شورا چې د افغانستان په برخه کې یې باور له لاسه ورکړی او پر هغوی په تکیه کولو د بریا لمانځل «یا خو د هېریدو نښه ده او یا هم قصدي انکار.»

محمود فضلي ویلي، که پاکستان په رښتیا سره د ثبات غوښتونکی وي، نو حللاره یې نه پیچلې او نه هم نوې ده:« لاره بدله کړئ او له بې نظمۍ څخه د ګټې اخیستنې سوداګري ودروئ. هغه اوږدمهاله سوداګري پای ته ورسوئ چې د نیابتي، مذهبي او افراطیانو مېلمه پالنه، بیا کارونه او له نوم بدلولو څخه جوړه شوې.»

نوموړي پاکستاني چارواکو ته په اشاره سره ویلي، چې د ملګرو ملتونو د امنیت شورا غونډې ستاینه حقیقت نه پټوي، بلکې، دا یو وهم دی.

دا په داسې حال کې ده، چې د ملګرو ملتونو د امنیت شورا په خپل وروستي راپور کې ویلي، چې دمګړی په افغانستان کې د ټي ټي پي، القاعده، د ترکستان اسلامي حرکت او د ازبکستان اسلامي غورځنګ په ګډون شل ترهګري ډلي فعاله دي.

په ورته مهال ځینو پاکستاني چارواکو ویلي، چې د امنیت شورا یاد راپور د دوی هغه اعاوې تایید وي، چې وايي، د طالبانو تر واک لاندې افغانستان کې د ترهګرو ډلو شتون د ګاونډیانو لپاره ستر ګواښ دی.

له کندهار ولایت څخه سرچینو افغانستان انټرنشنل - پښتو ته ویلي، چې سراج الدین حقاني تېره شپه په ناڅاپي سفر کندهار ته راغلی دی.

سرچینو د کندهار په عینو مېنه کې د «حضرت مصطفی» په جومات کې له خلکو سره د حقاني د لېدنې ویډیوګانې هم له افغانستان انټرنشنل - پښتو سره شریکې کړې دي.

په ویډیوګانو کې لېدل کېږي، چې نوموړي په یاد جومات کې د جمعې لمونځ ادا کړی او د خلکو له تود هرکلي سره مخ شوی دی.

حقاني پرداسې مهال کندهار ته سفر کړی، چې په دې وروستیو کې د طالبانو د مشرانو ترمنځ داخلي مخالفتونه خورا ډېر شوي.

د دې ډلې د مشرانو ترمنځ مخالفتونو په خوست کې د حقاني تر توندو نیوکو وروسته لا پسې زیات شول.

سراج الدین حقاني تېره اوونۍ په خوست د جمعې لمونځ وروسته د وینا پرمهال، له خلکو سره د طالبانو د چلند په اړه توندې نیوکې وکړي او د نوموړي له یادو نیوکو وروسته د یادې ډلې د مشر هبت الله نږدې کسانو هم توند غبرګونونه وښودل.

دا په داسې حال کې ده، چې د ملګرو ملتونو د امنیت شورا په خپل تازه راپور کې ویلي، چې د طالبانو د مشر هبت الله اخوندزاده فرمانونه په ټول افغانستان کې په یو شان نه عملي کېږي. د راپور له مخې، د سراج الدین حقاني په ګډون د طالبانو پیاوړي مشران د پراخي ازادۍ اختیار لري او کولی شي د هبت الله د فرمانونو او امرونو خلاف عمل وکړي.

د ایران د کورنیو چارو وزارت د بهرنیو وګړو او کډوالو چارو د مرکز مشر نادر یاراحمدي ویلي، چې شاوخوا ۲۰ زره ایراني کارګمارونکو د بهرنیو کارګرانو د ګمارلو لپاره غوښتنلیکونه ورکړي، چې له دې ډلې شاوخوا ۶ زره غوښتنې د کار او بهرنیو چارو وزارتونو په همغږۍ تصویب او پروسس شوي دي.

د بهرنیو کارګرانو لپاره د ایران د نوې پالیسۍ له مخې، دغه هېواد یوازې افغان کارکوونکو ته د کار ویزه ورکوي او هغوی اجازه نه لري، چې خپلې کورنۍ هم ایران ته ولېږدوي.

د یادې پالیسۍ له مخې، افغان کارکوونکي د کار ویزې ترلاسه کولو وروسته باید د ۹ میاشتو لپاره په ایران کې کار وکړي او وروسته د درېیو میاشتو لپاره باید بېرته افغانستان ته ستانه شي او په افغانستان کې د درېیو میاشتو تېرولو وروسته بیاځلي په ایران کې د ۹ میاشتو لپاره د کار کولو اجازه ورکول کېږي.

د ایران د کورنیو چارو وزارت د بهرنیو وګړو او کډوالو چارو د مرکز مشر نادر یاراحمدي ویلي:«د پالیسۍ هدف د کار د بازار اړتیاوې د ټولنیزو او اقتصادي ملاحظاتو سره متوازن کول دي. لومړیتوب د انلاین سیستم له لارې ایراني کارګرانو ته ورکول کېږي. بهرني کارګران یوازې هغه وخت په پام کې نیول کېږي، چې تر ۱۵ ورځو پورې هېڅ ایرانی د کار غوښتنه ونه کړي.»

نوموړي په ټینګار سره ویلي، چې افغان کارګران باید په قانوني ډول بیمه، مالیه او ثبت ولري او خبرداری یې ورکړی، چې ایران ته غیرقانوني داخلیدونکي کارګر به ونیول شي او بېرته به افغانستان ته وشړل شي.

د طالبانو د عامې روغتیا وزارت ویاند نن جمعه، د لیندۍ ۲۷مه د یوې اعلامیې خپرولو سره ویلي، چې په دې لیدنه کې په بیلا بیلو اړینو موضوعاتو ، چې موخه یې د روغتیا په برخه کې همکاریو جلبول، ظرفیت لوړونه ، د درملو اوږدمهاله تأمین، او د روغتیا سکتور کې پراختیایي همکاریو پیاوړتیا وه خبرې تر سره شوې.

نور جلال جلالي د خپلو خبرو په ترڅ کې وویل ،هڅه یې د روغتیا په برخه کې د هر اړخیزو اړیکو پیاوړتیا او د افغان علمي کادرونو د ظرفیت لوړونې لپاره د زمینې برابرول دي ، نوموړي همدارنګه په بیلا بیلو برخو کې د تجاربو شریکول اړین وګڼل او په وینا یې دا چاره به د چاپیریال په پاک ساتنې او د ناروغیو په مخنیوي کې خورا اغیزمنه ثابته شي.
په همدې حال کې د هند د چاپېریال، ځنګلونو او اقلیم بدلون وزارت وزیر د هر اړخیزې همکارۍ ډاډ څرګند کړ او و یې ویل چې د افغانستان د خلکو د روغتیایي امنیت د ملاتړ لپاره د هند ژمنتیا یو ځل بیا تازه کوو او په بیلا بیلو برخو کې به له افغانستان سره همکاري روانه وساتي.

په ظاهر د طالبانو او پاکستان ترمنځ خرابې اړیکې ددې لامل شوي، چې د طالبانو او هند ترمنځ اړیکو کې پراختیا راغلې او دا دریم وزیر دی، چې هند ته سفر کوي.