د خیبر پښتونخوا په کرک ولسوالۍ کې د پولیسو په موټر وسلهوال برید شوی، چې له امله یې پنځه پولیس وژل شوي دي. د راپورونو له مخې؛ برید د کرک ولسوالۍ ګورګورې سیمه کې پر هغو پولیسو شوی، چې د تېلو او ګازو شرکت د ساتنې پر دندې بوخت وو.
تر پېښې وروسته د پولیسو موټر هم وسوځېدلی. د پاکستان د کورنیو چارو وزیر محسن نقوي د پېښې پخلی کړی او یلي یې دي، چې په کرک ولسوالۍ کې د پولیسو پر موټر برید کې پنځه پولیس وژل شوي دي. محسن نقوي دغه برید «بې رحمانه» کړنه بللې ده.
تر دې دمه کومې ډلې د برید مسوولیت نهدی منلی؛ خو د تحریک طالبان پاکستان (ټيټيپي) په یاده سیمه وخت ناوخت فعالیت کوي. د یادونې وړ ده، چې څو ورځې مخکې یادې سیمې ته نږدې د پاکستاني طالبانو سیمهییز قوماندان کلیم هم د یوه هدفي برید په ترڅ کې وژل شوی و.
