په فراه ولایت کې د طالبانو د امنیه قوماندانۍ نن چهارشنبه (د مرغومي ۳مه) خبر ورکړی، چې د دغه ولایت په مرکز کې د دوو کورنیو ترمنځ د وسلهوالې نښتې له امله څلور کسان وژل شوي او پنځه نور ټپیان دي. د طالبانو په وینا؛ د یادې پېښې په تړاو دوه کسان نیول شوي دي.
د دغه قوماندانۍ لهخوا په خپرې شوې خبرپاڼه کې راغلي، چې دغه وسلهواله شخړه د فراه ښار د «کاریز جلال» په سیمه کې رامنځته شوې ده. د خبرپاڼې له مخې؛ په یادې پېښه کې د یوې کورنۍ درې غړي او د بلې کورنۍ یو غړی وژل شوی دی.
طالبانو همداراز ویلي، چې تر پېښې وروسته یې په دې تړاو دوه کسان نیولي هم دي او د موضوع د څېړنې لپاره ترې پوښتنې ګروېږنې روانې دي. د یادې پېښې په تړاو ځايي اوسېدونکي وایي، چې د دواړو کورنیو ترمنځ لومړی لفظي شخړه رامنځته شوې وه؛ خو وروسته دغه شخړه په وسلهوالې نښتې واوښته، چې په پایله کې یې څلور کسان ووژل شول او پنځه نور ټپیان شول.
د خبرپاڼې له مخې؛ د دغه صادراتو ټولیز ارزښت ۸۰ مېلیونه او ۴۵۰زره افغانۍ دی، چې په لومړي پړاو کې د ۲۳ مېلیونه او ۴۵۰زره افغانیو په ارزښت یوه جوپه صادرېږي.
