د افغانستان کرېکټ بورډ وايي، چې د افغانستان او زمبابوې ۱۹ کلنو کرېکټ لوبډلو ترمنځ د درې اړخیزې یو ورځنۍ لوبلړۍ لومړۍ سیالۍ د اورښت له امله بېپایلې پای ته ورسېده. افغان لوبډله به د شنبې په ورځ په دویمه سیالۍ کې د پاکستان ۱۹ کلنو لوبډلې پر وړاندې ولوبیږي.
د افغانستان کرېکټ بورډ د پنجشنبې په ورځ (د مرغومي ۴مه) ویلي، چې د افغان ځوانانو او زمبابوې لوبډلې ترمنځ د درې اړخیزې لوبلړۍ لومړۍ سیالې د کوربه هېواد په پلازمېنه هرارې کې د شدید باران له امله بېپایلې پای ته ورسېده.
افغان لوبډلې د کوربه زمبابوې لوبډلې د ۹۱ منډو د هدف په ځواب کې په ۹.۲ اور کې د خپل یوه لوبغاړي په سوځېدو ۶۸ مندې جوړې کړې او د بریا لپاره یوازې ۲۳ منډو ته اړتیا وه.
د افغان لوبډلې په ګټه فیصل خان شینوزاده ۳۰، خالد احمدزي ۱۴ او عثمان سادات ۱۱ منډې جوړې کړې وې.
په دې درې اړخیزه لوبلړۍ کې د افغانستان، زمبابوې او پاکستان ۱۹ کلنې لوبډلې ګډون لري.
دغه لوبه د مالدیف په کوربهتوب ترسره شوه. افغان لوبډلې لومړۍ، دویمه او څلورمه لوبه په ترتیب سره د ۲۵-۱۷، ۲۵-۱۴ او ۲۵-۱۵ د نمرو په توپیر وبایلودې؛ خو په درېیمه هغه کې ښه وځلېده او د شاوخوا ۲۸-۲۶ نمرو سره یې لوبه وګټله.
په دویمه نیمه پای لوبه کې بیا بېګاه شپه د مالدیف او بنګلهدېش لوبډلې سره مخامخ شوې. د ډلبندۍ سیالۍ او پای لوبه به نن پنجشنبه د ۱۴۰۴ کال (د مرغومي ۴مه نېټه) ترسره شي.
د مرکزي اسیا د ښځو د والیبال سیالۍ د شنبې په ورځ (د لېندۍ ۲۹مه) د افغانستان، مالدیف، بنګلهدېش او قرغزستان لوبډلو په ګډون په مالدیف کې پیل شوې، چې نن (د مرغومي ۴مه) به پای ته ورسېږي.
