د طالبانو مالیې وزارت وايي چې راتلونکې اونۍ دولتي مامورانو ته معاشونه ور کوي

د افغانستان بانک د یکشنبې په ورځ وویل، چې د بانکي محرمیت د ساتنې په موخه به د مالیې وزارت د مالیاتو په تړاو د بانکي حسابونو او د راکړې ورکړې اسناد په مستقیم ډول له بانکونو څخه نه غواړي، بلکې اړین معلومات به یوازې د شرکتونو او مالیه ورکوونکو له لارې ترلاسه کېږي.

د بانک په وینا، که د اسنادو د تصدیق ته اړتیا وي، دغه اسناد به افغانستان بانک ته لېږل کېږي او تصدیق به یې هم دغه بانک کوي.

د بانک په وینا، دغه راز پرېکړه شوې، چې بانکي اسناد به د سوداګریزو عوایدو د مالیې د مستقیمې محاسبې بنسټ نه ګرځي، بلکې د دې مالیې محاسبه به د مسلکي او خپلواکې پلټنې له لارې کېږي چې د مالیې وزارت له لوري ټاکل کېږي او په مستقیم ډول به له شرکتونو او سوداګرو سره ترسره کېږي.

د یادو پرېکړو له مخې، د بانکي حسابونو د بشپړ بندېدو د مخنیوي لپاره به د طالبانو د مالیې وزارت د شرکتونو د ټولو حسابونو د بندولو پر ځای یوازې د پاتې مالیې اندازه د افغانستان بانک ته لېږي او افغانستان بانک به هم یوازې همغه ټاکلې اندازه په اړوند حساب کې کنګل کوي، چې د شرکتونو سوداګریز فعالیتونه له خنډ سره مخ نه شي.

د بانک له خوا په خپره شوې خبرتیا کې ویل شوي، چې که کوم شرکت خپل مالیاتي حسابونه تصفیه نه کړي، د طالبانو د مالیې وزارت کولای شي د تېر کال د مالیې پر بنسټ په لس سلنې زیاتوالي سره د شرکت مالیه محاسبه او همغه اندازه کنګل کړي.

د افغانستان بانک ویلي چې دا خبرتیا د یادو پرېکړو د اغېزناک تطبیق او د عامه پوهاوي په موخه خپرېږي او له ټولو بانکونو، شرکتونو، سوداګرو او اړوندو ادارو څخه غوښتنه شوې چې د نویو پرېکړو له مخې لازمې همکارۍ ترسره کړي.

په پکتیکا کې ځايي سرچینو نن یکشنبه، د مرغومي ۷مه وویل، چې د طالبانو د دویمې محکمې د پرېکړې پر اساس، پر ښوونکي عدالعلیم خاموش لګېدلي تورونه بې بنسټه ثابت شول او د نوموړي د خوشې کېدو امر یې صادر کړ.

د ښوونکي عبدالعلیم خاموش خپلوان وايي، چې نوموړی د پکتیکا له مرکز ښرنې نه خپلې ولسوالۍ جاني خېل ته رسېدلی او له خپلې کورنۍ سره یوځای شوی دی.

ځايي سرچینو د چنګاښ پر ۹مه افغاستان انټرنشنل ته ویلي و، چې طالبانو د پکتیکا په جاني خېلو ولسوالۍ کې د عبدالعلیم خاموش په نوم د لیسې یو ښوونکی د عصري علومو د اهمیت د بیانولو له امله زنداني کړی دی.

هغه مهال سرچینو ویلي و، چې عبدالعلیم خاموش د طالبانو سیمه ییزې محکمې په اعدام محکوم کړی دی.

ځايي سرچینو ویلي و، «نوموړي د ایران او اسراییل د جګړې پرمهال په ټولګي کې خپلو شاګردانو ته ویلي و، چې د دیني زده کړو په پرتله عصري علوم زیات اهمیت لري.»

له دې وروسته د طالبانو د ولسوالۍ د امربالمعروف محتسبانو نوموړی ونیوه او زندان ته یې واچاوه.

د طالبانو له خوا د اعدام په سزا محکوم شوي ښوونکي عبدالعلیم خاموش خپلوانو افغانستان انټرنشنل ته ویلي و، چې نوموړي د پېغمبر او مقدساتو سپکاوی نه دی کړی، بلکې یوازې عصري علومو ته د ارزښت ورکولو له امله په اعدام محکوم دی.

د طالبانو د امربالمعروف او نهی عن المنکر وزارت ویاند سیف‌الاسلام خیبر د چنګاښ پر ۲۶مه پر خپل اېکس‌ لیکلي و، چې د عبدالعلیم خاموش په نوم د یاد ولایت د جاني خیلو ولسوالۍ اوسېدونکی، د دیني علماوو او د دې ډلې د محتسبینو د شکایتونو پر بنسټ نیول شوی. هغه زیاته کړې وه، چې نوموړی د خپل جرم تر منلو وروسته محکمې ته معرفي شوی.

د خیبر په وینا، د پکتیکا ابتدایي محکمې تر څېړنو وروسته پرېکړه کړې وه چې عبدالعلیم خاموش باید اسلام او پیغمبر ته د سپکاوي په تور اعدام شي.

د افغانستان لپاره د ملګرو ملتونو ځانګړي باور صندوق په ایکس لیکلي کې، چې بنسټیزو خدمتونو ته لاسرسی د خلکو د عزت او ټولنیز مقاومت لپاره اړین دی.

د یاد صندوق په وینا، د ملګرو ملتونو د ادارو تر ګډ کار لاندې، مرستې هغو سیمو ته رسېږي چې اغېز یې تر ټولو ډېر احساسېږي.

په دغه پوسټ کې راغلي، د مرسته کوونکو هېوادونو او د ملګرو ملتونو د ادارو په همکارۍ، د روغتیا، پوهنې او د څښاک پاکو اوبو اړوند بنسټیز تاسیسات جوړ شوي، څو خلکو ته دوامدارې اسانتیاوې برابرې شي.

دغه ادارې، د مرسته کوونکو بنسټونو له ملاتړ څخه مننه کړې او زیاته کړې یې ده، چې ګډې هڅې به روانې وساتي، څو د افغانستان زیانمنې ټولنې له بنسټیزو اړتیاوو بې‌برخې پاتې نه شي.

د طالبانو د سرحدونو، قومونو او قبایلو چارو وزارت وایي، د جرګو او قبایلو چارو د همغږۍ معین، مولوي محمد علي جان احمد، د هلمند ولایت په کچه یوې پراخې ولسي غونډې ته په وینا کې د طالبانو د نظام ساتنه د هر افغان «ملي او دیني مسولیت» بللی دی.

د وزارت په خبرپاڼه کې راغلي، مولوي محمد علي جان احمد ویلي: «دا د اسلامي نړۍ په کچه یو ځانګړی الهي فضل دی چې الله یوازې افغانانو ته ور په برخه کړی او ورباندې یې یو خالص اسلامي نظام حاکم کړی دی.»

نوموړي ادعا کړې چې دا هغه نظام دی چې چارې یې «نن په مستقیم ډول د شریعت له احکامو سره سم تنظیم او عملي کېږي» او ټینګار یې کړی چې افغانان د الله له ځانګړي فضل څخه برخمن دي.

خو دا څرګندونې داسې مهال مطرح کېږي چې طالبان په پرله‌پسې ډول د خپل نظام د ملاتړ غوښتنه کوي، په داسې حال کې چې پر دوی د ښځو د حقونو محدودولو، د نجونو د زده کړو بندېدو، د سیاسي مشارکت نشتون او د مخالفو غږونو د ځپلو په تړاو پراخ کورني او نړیوال انتقادونه روان دي.

د یاد سازمان له خوا ویل شوي، دغې کڅوړې د کرنې د موسم په مناسبه دوره کې کروندګرو ته ورکول شوي دي.

د سازمان په وینا، په افغانستان کې د لوږې او فقر کچه په زیاتېدو ده، او د کروندګرو سره د خوراکي موادو د تولید په برخه کې مرسته یوه بشرپاله هڅه بلل کېږي.

ایف ای او ټینګار کړی چې د دغو مرستو له لارې هڅه کېږي د افغان کروندګرو ظرفیت لوړ او د خوراکي امنیت وضعیت ښه شي. سربیره پر دې، ملګرو ملتونو ویلي چې په ۲۰۲۶ کال کې شاوخوا ۲۱ میلیون افغانان لا هم د بشر پاله مرستو پر تکیه ژوند کوي.

یاده دې وي چې، د ۲۰۲۵ کال په اوږدو کې، د بودیجې کمښت له امله د ملګرو ملتونو مرستې په افغانستان کې محدودې شوې وې. د نړیوال بانک، اروپایي ټولنې، جاپان، سویډن او برتانیا د ملاتړ په مرسته، دغه سازمان توانېدلې چې دغه کڅوړې پر وخت کروندګرو ته ورسوي.