ندا محمد ندیم: که علما نه وای، نړۍ به نه وای
د طالبانو د لوړو زدهکړو وزیر ندا محمد ندیم د افغانستان د کرنیزو علومو او ټېکنالوژۍ پوهنتون استادانو ته په یوه غونډه کې د زدهکړو پر اړتیا ټینګار وکړ. ندیم زیاته کړه: «که علما او علم نه وي، نړۍ به نه وي.»
د طالبانو د لوړو زدهکړو وزیر ندا محمد ندیم د افغانستان د کرنیزو علومو او ټېکنالوژۍ پوهنتون استادانو ته په یوه غونډه کې د زدهکړو پر اړتیا ټینګار وکړ. ندیم زیاته کړه: «که علما او علم نه وي، نړۍ به نه وي.»
ندیم د سېشنبې په ورځ (د مرغومي ۹مه) یوې غونډې ته په وینا کې ټینګار کړی، چې د نړۍ بقا پر زدهکړو ولاړه ده.
نوموړي زیاته کړې: «دین تر هغه وخته پورې ادامه لري چې کله علم وي، چې علما او علم موجود وي نړۍ به هم موجوده وي او که علما لهمنځه ولاړل بیا به دا نړۍ ختمېږي او بل وضعیت به رامنځته کېږي.»
ندا محمد ندیم له مسلکي ادارو څخه وغوښتل، چې په بېلابیلو برخو کې داسي ځوانان ټولنې ته وړاندې کړي، چې د خلکو ستونزې پرې حل شي.
هغه پر ځوانانو غږ وکړ، چې د خپل فکر ساتنه وکړي او پرې نږدي چې ذهنونه یې ناسم افکار تر لاسه کړي.
نوموړی دغه څرګندونې په داسې حال کې کوي، چې لوړو زدهکړو وزارت ته په رسېدو سره یې نجونې له لوړو زدهکړو منع کړې.
د علم او زدهکړو په تړاو د طالبانو دغه څرګندونې په داسې حال کې دي، چې همدې ډلې په افغانستان کې له بیا واکمنېدو راهیسې یوازې پر دیني زدهکړو ټينګار کړی او د امربالمعروف او نهې عن المنکر وزیر یې بیا د عصري علومو زدهکړه «مباح» بللې او ورسره جوخت دغې ډلې له شاوخوا ۴ کلونو راهیسې نجونې له منځنۍ، لېسې او لوړو زدهکړو منع کړي او د راتلونکي لپاره هم ورته هېڅ ډول پلان نهلري.
د ننګرهار اوسېدونکی احمدخان کامران وايي د اوړو، وريجو، غوړیو او بورې په ګډون د خوراکي توکو بیې په وروستیو ورځو کې د پام وړ لوړې شوې دي.
هغه زیاتوي: «موږ غریبکار خلک یو او له سخت اقتصادي حالت سره مخ یو، بیې دومره لوړې شوې چې د ورځني مصرف برابرول هم ډېر ګران شوي دي.»
بلخوا د لغمان د مهترلام اوسېدونکی وفيالله روښان وايي، د بازار اوسنی وضعیت د خلکو لپاره د اندېښنې وړ دی. د هغه په وینا: «اکثره کورنۍ د عاید منبع نهلري، خو بیې هره ورځ لوړېږي او هېڅ کنټرول پرې نهښکاري.»
د کونړ اوسېدونکي قاري میراجان افغانستان انټرنشنل - پښتو ته په لېږلي پیغام کې هم د خوراکي توکو د بیو له زیاتوالي شکایت کړی او ویلي یې دي، سوداګر د توکو د کمښت له امله بیې لوړې ساتي.
هغه زیاتوي: " اوس والله که زموږ د یوې بوجۍ اوړو د اخیستو وس کېږي، مجبور یو چې لږ - لږ واخلو، تېره ورځ موږ غوښتل چې لاریون وکړو خو طالبانو اجازه رانهکړه".
د ننګرهار د سوداګرۍ خونې یو چارواکي چې نه یې غوښتل نوم یې خپور شي، افغانستان انټرنشنل - پښتو ته وویل، چې د خوراکي توکو د بیو د لوړېدو یو مهم لامل له پاکستان سره د سوداګریزو لارو تړل کېدل دي.
د هغه په وینا، د همدې موضوع په تړاو تېره اوونۍ د ولایت له والي سره ناسته هم شوې ده.
دغه راز، د ننګرهار د اصنافو د اتحادیې یو غړي د نوم د نه ښودلو په شرط تایید کړې، چې د خوراکي توکو بیې لوړې شوې دي.
نوموړي ویلي، د پاکستان له لارې د وارداتو بندېدل د بازار پر عرضې مستقیم اغېز کړی او د توکو کمښت یې رامنځته کړی دی.
یو شمېر اقتصادي شنونکو نن سېشنبه د افغانستان انټرنشنل - پښتو په سپړنه خپرونه کې خبرداری ورکړ، که چېرې د سوداګرۍ لارې بېرته پرانیستل نهشي او د بازار د کنټرول لپاره جدي اقدامات و نهشي، نو ښايي د خوراکي توکو بیې نورې هم لوړې شي او د خلکو ستونزې لا پسې زیاتې شي.