د ازادۍ جبهه ادعا کوي چې په کندوز کې یې ۲ طالبان وژلي او دوه نور یې ټپیان کړي دي

د طالبانو د اطلاعاتو او کلتور وزارت له خوا په خپره شوې خبرپاڼه راغلي، په دې غونډه کې مسولینو د رسنیو له استازو مننه وکړه چې بې‌طرفانه او متوازن راپورونه خپروي، او وویل:«رسنۍ د خلکو سترګې، غوږونه او ژبه دي.»

غونډې کې ټینګار وشو چې د خبریالانو استخدام باید د رسنیو په قانون کې ټاکل شویو چوکاټونو سره سم ترسره شي. همدارنګه، د رسنیو استازو ته وویل شول چې د «ولس غږ» په نوم یو ګډ پروګرام جوړ کړي، څو ټولې ادارې وکولی شي په مستقیم ډول خلکو ته د خپلو فعالیتونو، ستونزو او لاسته راوړنو په اړه معلومات ورکړي.

بل پلو، د بشري حقونو څار سازمان (Human Rights Watch) په تازه راپور کې ویلي چې طالبانو په تېرو کلونو کې د رسنیزو ازادي په وړاندې پراخ بندیزونه لګولي، خبریالان یې بندي، ځورولي، څارلي او د بیان پر وړاندې یې جدي خنډونه جوړ کړي دي. هغوی همدارنګه د ښځینه خبریالانو فعالیتونه محدود کړي او په رسنیو کې د ښځو حضور یې سخت کم کړی.

همدا رنګه، د افغانستان ژورنالیستانو مرکز راپور ورکړی چې یوازې د ۲۰۲۵ کال په لومړیو شپږو میاشتو کې لږ تر لږه ۱۴۰ پېښې ثبت شوې چې له کبله یې خبریالان تهدید شوي، ځورول شوي یا توقیف شوي، او په دې دوره کې د ژوندیو انځورونو خپرول په ګڼو ولایتونو کې بند شوي دي. دا وضعیت د رسنیو د خپلواکۍ د ختمېدو او د بیان د ازادۍ د محدودولو یو واضح عکس دی چې د پخواني قانونونو او نړیوالو معیارونو پر ضد دی.

په داسې حال کې چې طالبان په دغې غونډه کې د همغږۍ او د «ولس غږ» د ګډ پروګرام پر جوړولو ټینګار کوي، د رسنیو پر وړاندې د محدودیتونو راپورونه ښيي چې له دې غونډو سره سره، د افغانانو لپاره د خبرونو ازاد او بې‌طرفه لاسرسی ورځ تر بلې سختیږي.

د ازادو رسنیو شتون له ډیرو سیمو څخه ورک شوی، خبریالان ځان‌ سانسورۍ ته اړ شوي، او ګڼو رسنیو د فعالیت اجازه د طالبانو د غیرشفافو قوانینو له امله له لاسه ورکړې ده.

د یاد کمېسیون د معلوماتو له مخې، پرون د نيمروز د ورېښمو پله له لارې ۴۹ کورنۍ، د هرات د اسلام‌کلا له لارې ۱۶ کورنۍ، د کندهار د سپين بولدک له لارې ۴۴ کورنۍ او د ننګرهار د تورخم له لارې ۲۱۲ کورنۍ جبري هېواد ته راستنې شوې دي.

راپور زیاتوي، په مجموع کې ۲۹۶ کورنۍ خپلو سیمو ته لېږدول شوې، او د راستنو شویو کسانو اړیتې مرستې هم شوي دي.

د طالبانو د کمېسیون چارواکو ټینګار کړی چې دا پروسه د کډوالو د اسانتیا او خپلو سیمو ته د خوندي راستنېدو لپاره په منظمه توګه روانه ده.

د چارواکو په وینا، د برید له امله یوه پنځه منزله اپارتمان بشپړ نړیدلی، سوداګریز مرکز، موټرونه، ټرافيکي نښانونه او برښنا کرښې هم اغېزمنې شوې دي.

د دوی په وینا، د ژغورنې عملیات لا هم روان دي او امکان شته چې نور قربانیان د خارو لاندې پاتې وي.

سیمه‌ییز چارواکي وایي چې د ټپيانو له ډلې ۱۶ تنه روغتون ته انتقال شوي.

ذبیح‌الله مجاهد د افغانستان ملي راډیو ټلوېزیون چې اوس ددغه ډلې تر واک لاندې دی، په یوه مرکه کې ویلي، د پاکستان د پوځ دننه ځینو کړیو پخوا داسې تبلیغات کول چې ګواکې طالبان د پاکستان تر نفوذ لاندې دي او باید د دوی تابع پاتې شي.

نوموړي وویل: «کله چې طالبانو مذاکرات بریالي کړل او خپلواک نظام یې جوړ کړ، هماغو کړیو د طالبانو پر ضد دسیسې پیل کړې».

د طالبانو ویاند ټینګار کړی چې د پاکستان په پوځ کې دغه ځانګړې کړۍ به ونه توانېږي چې د پردیو د ګټو لپاره د افغانستان پر ضد وسیله وګرځي. د هغه په وینا، دا کړۍ نه شي کولای د طالبانو په نظام کې نفوذ پیدا کړي او نه به د خپلو موخو په ترلاسه کولو کې بریالۍ شي.

مجاهد د تحریک طالبان پاکستان (ټي ټي پي) په اړه وویل، دا د پاکستان داخلي ستونزه ده او افغانستان ورسره تړاو نه لري. هغه زیاته کړه، ټي ټي پي «په پاکستان کې مرکزونه، د قومندې ځایونه او تر نفوذ لاندې سیمې لري، نو اړتیا نه شته چې افغانستان ته راشي».

نوموړي یو ځل بیا د طالبانو پر دریځ ټینګار وکړ چې «دوی ژمن دي او هېچا ته اجازه نه ورکوي چې د افغانستان خاوره د بل هېواد پر ضد وکارول شي».

د داعش ډلې په اړه، د طالبانو ویاند وویل چې دا ډله په افغانستان کې ځپل شوې ده. د هغه په وینا، داعش پخوا حتا په کابل کې مرکزونه لرل، خو اوس «طالبان توانېدلي چې دا ډله په بشپړه توګه له منځه یوسي».

ذبیح‌الله مجاهد همداراز زیاته کړه چې د وخت په تېرېدو به په هېواد کې امنیت لا ښه شي او د افغانستان د صادراتو کچه به هم لوړه شي.

سرچینې زیاتوي، دوه ورځې وړاندې هم یو کس د خپلې کورنۍ په وړاندې په ډزو وژل شوی وه.

سرچینو د جمعې په ورځ د (مرغومې ۱۲مه) افغانستان انټرنشنل ته ویلي، چې محمدشاه د بدخشان ولایت د شغنان ولسوالۍ اصلي اوسېدونکی د اسماعیلیه مذهب پیرو او په دې ولایت کې د یوه خصوصي دفتر کارکوونکی و چې د پنجشنبې په ورځ د (مرغومې ۱۱مه) د فیض‌اباد ښار دشت‌قرغ په سیمه کې پرې د وسله‌والو کسانو له لوري برید وشو.

د عیني شاهدانو په وینا، هغه د نانوایۍ څخه د راستنېدو پر مهال په ډزو ووژل شو.

د سرچینو د مالوماتو له مخې، د اسماعیلیه مذهب یو بل پیرو چې خدایداد نومېده له دې پېښې دوه ورځې وړاندې د تخار ولایت د ورسج ولسوالۍ کې د خپلې مېرمنې او اولادونو تر مخ په ډزو ووژل شو.

ځايي سرچینې وایي، چې خدایداد د غلام ناصر په نوم د هغه کس خپلوان و چې شاوخوا شل ورځې وړاندې وروسته له هغې ووژل شو چې د ورسج ولسوالۍ د طالبانو د استخباراتو له پخواني مدیر زاهدالله سره د سرو زرو د لټون لپاره تللی و.

د غلام ناصر له وژل کېدو وروسته، خدایداد د زاهدالله پر ضد دعوه ثبت کړه، خو دوه ورځې وړاندې خپله دی هم ووژل شو. ځايي سرچینې طالبان په دغو وژنو تورنوي. طالبانو تر اوسه پورې د دغو پېښو په اړه څه نه دي ویلي.