متقي له خپل عماني سیال سره د سوداګریزو او ټرانسپورټي همکاریو د پراخولو په اړه خبرې کړې دي

د طالبانو د خوست ولایت مقام ویاند د چهارشنبې په ورځ (د مرغومي ۱۷مه) پر اېکس‌پاڼې لیکلي، چې د خوست ولایت د چاپېریال ساتنې ریاست د نظارتي ټیم له لوري د شنې قطعې په همکارۍ د مرغانو د خرڅلاو په مارکېټ کې د ترسره شوي نظارت پر مهال یوه غرنۍ بیزو او یو شمېر درې وزره وحشي مرغان ونیول شول. یاد ژوي د لنډمهاله پاملرنې او مراقبت تر بشپړېدو وروسته د سپېرې ولسوالۍ په غرنیزو او خوندي سیمو کې خوشې شول.

د چاپېریالي چارو مفتشینو د چیک‌پواينټ مسولینو ته سپارښتنه کړې چې د وحشي ژوو او الوتونکو د نیولو، لېږد او پلور په برخه کې دې له نافذه قانوني اصولو سره سم چلند وکړي او د هر ډول ناقانونه کړنو مخه باید ونیول شي.

د طالبانو د ریاست‌الوزراء د حکم له‌مخې، په ټول هېواد کې د وحشي ژوو، مرغانو او کبانو ښکار او قاچاق په بشپړه توګه منع دی. هغه کسان چې له دې حکم څخه سرغړونه وکړي، د قانون له مخې به وڅارل شي او عدلي او قضايي ارګانونو ته به وسپارل شي.

د طالبانو د لوړو زده‌کړو وزارت د چهارشنبې په ورځ (د مرغومي ۱۷مه) په یوه خبرپاڼه کې ویلي، چې وزیر ندا محمد ندیم د مرکزي خصوصي پوهنتونونو له رییسانو، مرستیالانو او استازو سره مشورتي ناسته کړې او هغوی ته یې د تعلیمي بهیر د پیاوړتیا او د کیفیت د لوړوالي په اړه اړینې سپارښتنې کړې دي.

ندا محمد ندیم ویلي، چې پخوانی درسي بهیر او کیفیت اوس له‌منځه تللی.

نوموړي زیاته کړې: «اوس په پوهنتونونو کې د درسي بهیر کیقیت لوړ، معیاري او د اسلامي ارزښتونو او د کار بازار سره سم روان دی».

نوموړي دا څرګندونې پر داسې مهال کړې دي، چې افغانستان انټرنشنل ـ پښتو تېره ورځ د طالبانو د لوړو زده‌کړو وزارت یو رسمي سند ترلاسه کړی، چې له مخې یې په ټول هېواد کې د دولتي او خصوصي پوهنتونونو په نصاب کې د ۶۷۹ کتابونو پر تدریس بندیز لګول شوی دی.

د یاد سند له‌مخې، د طالبانو د لوړو زده‌کړو وزارت درې میاشتې وړاندې د افغانستان ټولو دولتي او خصوصي پوهنتونونو ته یو مکتوب استولی، چې له‌مخې یې د شرعیاتو، حقوقو، ژورنالېزم، ادبیاتو او اقتصاد پوهنځیو کې پر ۶۷۹ درسي کتابونو د تدریس بندیز لګول شوی دی.

طالبانو تر اوسه د یادو کتابونو بدیل هم نه‌دی وړاندې کړی.

دریا د افغانستان د موسیقۍ د وضعیت په اړه وویل: « موسیقي ښايي په هېواد کې چوپه شوې وي، خو هېڅکله به له منځه ولاړه نه شي، نه به راولوېږي او نه به له ژوند څخه ورکه شي. هېڅ ځواک، ان تر ټولو پیاوړي تور او شریر ځواکونه هم، د موسیقۍ د چوپولو توان نه لري، موسیقي پخپله ژوند دی».

دغه وتلي هنرمند ټینګار وکړ چې که څه هم موسیقي د افغانستان د اوسنیو واکمنانو له لوري ځپل شوې، خو لا هم د خلکو په زړونو او کورونو کې ژوندۍ او روانه ده.

فرهاد دریا همداراز له هېواد څخه بهر د افغان هنرمندانو هڅو ته په اشارې د موسیقۍ د راتلونکې په اړه وویل، « بدلون را روان دی، هغه هیلې چې موږ په افغانستان او خپل ژوند کې له لاسه ورکړې دي، بېرته به را وګرځي، موږ باید په دې بدلون کې ونډه ولرو او د هغه برخه شو».

هغه زیاته کړه، « ټولنه بدلون ته اړتیا لري، ډبرین زړونه باید وېلې شي او مات شي».

نوموړي د افغانستان پر ښځو او نجونو لګول شویو محدودیتونو ته په اشارې وویل چې د هغوی هڅې به یوه ورځ پایله ورکړي او ښځې به د هېواد راتلونکې مشرانې وي.

فرهاد دریا له افغان ښځو او نجونو وغوښتل چې د ټکنالوژۍ له لارې د خپل پرمختګ، پوهاوي او ځواکمنتیا لپاره هڅې وکړي.

یاد وزارت د چهارشنبې په ورځ (د مرغومي ۱۷مه) پر خپلې اېکس‌پاڼې لیکلي، چې د دې هوکړې له مخې به په جوزجان او سرپل ولایتونو کې ۱۰۵۶ معلولینو ته د اقتصادي پیاوړتیا او نورو برخو کې مرستې برابرې شي.

طالبانو دا نه‌دي‌ څرګند کړي، چې په یادو مرستو کې به د تېر جمهوري نظام نظامي معلولین او د هغوی د کورنۍ غړي هم شامل وي او که نه.

دا په داسې حال کې ده، چې د طالبانو تر واک لاندې د شهیدانو او معلولینو چارو وزارت د اطلاعاتو او عامه اړیکو رییس فیصل خاموش ویلي و، چې په روان مالي کال کې یې شاوخوا ۶۰۰ زره یتیمانو، کونډو او معلولینو ته د شپږو میاشتو مساعدتونه حواله کړې دي.

د هندي رسنیو د راپور له مخې، دغه غونډه د چارشنبې په ورځ د مرغومې په ۱۷مه، د «سري ګورو رام داس» نړیوال هوايي ډګر له لارې د هند-افغان سوداګریزو فرصتونو د ارزونې په موخه شوې ده.

په غونډه کې، چې د هند-افغان سوداګریز کمېسیون د پنجاب د پخواني مشر ګنبییر سینګ په بلنه جوړه شوې وه، د سوداګرو او اړوندو ادارو استازو د امرتسر هوايي ډګر له لارې د سوداګرۍ پر شته او احتمالي فرصتونو بحث وکړ.

په دې ناسته کې د هند پخواني سفیر نوودېپ سوري، د هوايي ډګر رییس بهپینډر سینګ، د راحت کارګو عمومي مدیر سونیل کوهلي او صادروونکي صاحب سینګ باجوه ګډون کړی و. ګډونوالو د کارګو د ظرفیت لوړولو او د صادراتو د اسانتیاوو پر ښه کولو ټینګار کړی دی.

د امرتسر هوايي ډګر رییس بهپینډر سینګ وویل، چې دغه هوايي ډګر تېر کال ۲۳۶ متریک ټنه واردات او ۹۷۲ متریک ټنه صادرات کړي، حال دا چې د تازه او غیر تازه توکو د ساتلو ظرفیت یې ۲۵۰ ټنو ته رسېږي. هغه ژمنه وکړه، چې د سوداګرو د ستونزو د حل لپاره به بشپړه همکاري وکړي.

صادروونکي صاحب سینګ باجوه، چې له کاناډا څخه پنجاب ته ستون شوی، د ځایي کرنیزو محصولاتو د صادراتو پراخ فرصتونه یاد کړل، خو ویې ویل چې د الوتکو محدود ظرفیت، د ګمرک لنډ کاري ساعتونه او رخصتۍ د صادراتو بهیر له ځنډ سره مخ کوي.

د هند پخواني سفیر نوودېپ سوري دغه غونډه د سوداګرۍ په برخه کې مهمه او اغېزناکه وبلله او ویې ویل چې د کابل- دوبۍ سوداګریز دهلیز به د افغانستان او سیمې لپاره نوي اقتصادي فرصتونه رامنځته کړي.