ایمرجنسي: د پاکستان له هوایي بریدونو وروسته ۹ ټپیان د دغه بنسټ روغتونونو ته وروړل شوي

اعلامیه زیاتوي چې طالبان له ۲۰۰۳څخه تر ۲۰۲۱پورې د پاکستان په ملاتړ د افغانانو په وژلو، د ملي زیربناوو په ورانولو او د امریکا، بریتانیا او ناټو د سرتېرو په وژل کېدو کې لاس لري. د طالبانو له واکمنۍ وروسته، افغانستان د ناکام دولت په توګه پاتې شوی چې ترهګري پکې پراخه شوې ده.

اعلامیه کې ټینګار شوی چې طالبان د افغانانو استازي نه دي، د ملت د هیلو ملاتړ نه کوي او د بهرنیو ترهګرو د ساتنې لپاره کار کوي. دغه جبهې له ملګرو ملتونو، ترکیې او سعودي عربستان څخه غوښتنه کړې چې د دواړو خواوو د خلکو ژوند او شتمنۍ خوندي کړي.

اعلامیه په پای کې وایي چې د افغانستان ازادي هغه وخت تضمین کېدلی شي چې طالبان له منځه لاړ شي او پاکستان د افغانستان په ګټو کې مسوولانه چلند وکړي.

په یاد مکتوب کې چې د دې ډلې له لوري خپور شوی، د ټي ټي پي له سیمه‌ییزو او ولایتي مسوولینو غوښتل شوي چې خپل فعالیتونه چټک کړي او بریدونه منظم او اغېزناک ترسره کړي. همداراز ټینګار شوی چې د عملیاتو معلومات دې په ویډیويي بڼه د رسنیو له لارې خپاره شي.

دا څرګندونې داسې مهال کېږي چې په سیمه کې د تاوتریخوالي کچه لوړه شوې او د امنیتي وضعیت په اړه اندېښنې زیاتې شوې دي.

تر اوسه افغان طالبانو او د پاکستان حکومت په دې اړه رسمي غبرګون نه دی ښودلی.

شریف چودري په یوه خبري غونډه کې ادعا کړې چې د پاکستان په بریدونو کې د طالبانو ۱۱۵ ټانکونه او پوځي وسایط له منځه وړل شوي دي. د هغه په وینا، پاکستاني جنګي الوتکو هغه نظامي مرکزونه په نښه کړي چې ګواکې د تحریک طالبان پاکستان ملاتړ یې کاوه.

د پوځ ویاند زیاته کړې چې په دغو هوايي بریدونو کې لږ تر لږه ۲۲ځایونه په ننګرهار، کابل، خوست، پکتیا او پکتیکا ولایتونو کې په نښه شوي دي.

هغه ټینګار کړی چې ټول هدفونه په پوره احتیاط سره ټاکل شوي او بمبار شوي دي.

نوموړي وویل، چې دواړه لوري باید سمدلاسه اوربند اعلان کړي او خپل اختلافات د ډیپلوماټیکو خبرو اترو له لارې حل کړي.

هغه ټینګار کړی، چې احساساتي چلند کولی شي د پاکستان او طالبانو لپاره نورې پیچلتیاوې رامینځته کړي.

هغه د متقابلو ګټو د ډاډمنولو، د باور وړ امنیتي چوکاټ رامینځته کولو او نړیوالو نورمونو ته د پابندۍ په اهمیت ټینګار کړی دی.

د جمعیت علمای اسلام پاکستان مشر لیکلي:«یو اړخیز پوځي اقدام به ستونزه حل نه کړي، بلکې پیچلتیاوې به زیاتې کړي. یوازینۍ دوامداره حل د ډیپلوماسۍ له لارې ممکن دی.»

په اعلامیه کې راغلي چې د پاکستان د دفاعي ځواکونو لخوا د افغان خاورې څخه د فتنه الخوارج او فتنه هندوستان لخوا پر پاکستان د بیا بیا ترهګریزو بریدونو او د طالبانو لخوا د ۲۶ فبرورۍ په شپه ترسره شویو وروستیو بریدونو په ځواب کې، دقیق عملیات ترسره شوي دي.

اعلامیه زیاتوي چې په دې بریدونو کې یې ترهګرو ډلو ته درانه زیانونه اړولي او د هغوی د لوجیستیکي ملاتړ مرکزونه یې هدف ګرځولي دي.

تر دې مخکې، د پاکستان د پوځ د عامه اړیکو مشر جنرال احمد شریف چودري د یوه مطبوعاتي کنفرانس پر مهال وویل، چې له طالبانو سره یې په وروستیو نښتو کې ۱۲ سرتېري وژل شوي.

دا په داسې حال کې ده چې د طالبانو ویاند ذبیح الله مجاهد ویلي چې په دې نښتو کې یې ۵۵ پاکستاني سرتیري وژلي دي.

همدا راز چودري زیاته کړه، چې د عملیاتو پر مهال یې د طالبانو ۲۷۴ طالب وسله وال وژلي دي.

اعلامیه کې ټینګار کړی چې د پاکستان دا اقدامات د خپل ځان د دفاع په حق کې ترسره شوي، ترڅو د خپلو اتباعو خوندیتوب او امنیت یقیني کړي.

پاکستان ټینګار کوي چې د طالبانو له خوا هر ډول نورو بریدونو یا د هرې ترهګرې ډلې لخوا د خلکو د امنیت د زیان رسولو هره هڅه به په مناسب، پریکنده او ښه توګه ځواب کړي.

پاکستان یو ځل بیا تکرار کړه چې غواړي د افغانستان له خارورې د ترهګرۍ ریښې پاکې کړي. پاکستان له طالبانو غوښتې چې د ټي ټي پي د فعالیتونو په وړاندې بې پروايي پای ته ورسوي.

په اعلامیه کې له نړیوالې ټولنې غوښتل شوي چې طالبانو ته دې واضح پیغام ورکړي چې د ترهګرو ډلو ملاتړ دې باید پای ته ورسوي.