مولانا فضل الرحمن د طالبانو او پاکستان ترمنځ د سمدستي اوربند غوښتنه کړې

په اعلامیه کې راغلي چې د پاکستان د دفاعي ځواکونو لخوا د افغان خاورې څخه د فتنه الخوارج او فتنه هندوستان لخوا پر پاکستان د بیا بیا ترهګریزو بریدونو او د طالبانو لخوا د ۲۶ فبرورۍ په شپه ترسره شویو وروستیو بریدونو په ځواب کې، دقیق عملیات ترسره شوي دي.

اعلامیه زیاتوي چې په دې بریدونو کې یې ترهګرو ډلو ته درانه زیانونه اړولي او د هغوی د لوجیستیکي ملاتړ مرکزونه یې هدف ګرځولي دي.

تر دې مخکې، د پاکستان د پوځ د عامه اړیکو مشر جنرال احمد شریف چودري د یوه مطبوعاتي کنفرانس پر مهال وویل، چې له طالبانو سره یې په وروستیو نښتو کې ۱۲ سرتېري وژل شوي.

دا په داسې حال کې ده چې د طالبانو ویاند ذبیح الله مجاهد ویلي چې په دې نښتو کې یې ۵۵ پاکستاني سرتیري وژلي دي.

همدا راز چودري زیاته کړه، چې د عملیاتو پر مهال یې د طالبانو ۲۷۴ طالب وسله وال وژلي دي.

اعلامیه کې ټینګار کړی چې د پاکستان دا اقدامات د خپل ځان د دفاع په حق کې ترسره شوي، ترڅو د خپلو اتباعو خوندیتوب او امنیت یقیني کړي.

پاکستان ټینګار کوي چې د طالبانو له خوا هر ډول نورو بریدونو یا د هرې ترهګرې ډلې لخوا د خلکو د امنیت د زیان رسولو هره هڅه به په مناسب، پریکنده او ښه توګه ځواب کړي.

پاکستان یو ځل بیا تکرار کړه چې غواړي د افغانستان له خارورې د ترهګرۍ ریښې پاکې کړي. پاکستان له طالبانو غوښتې چې د ټي ټي پي د فعالیتونو په وړاندې بې پروايي پای ته ورسوي.

په اعلامیه کې له نړیوالې ټولنې غوښتل شوي چې طالبانو ته دې واضح پیغام ورکړي چې د ترهګرو ډلو ملاتړ دې باید پای ته ورسوي.

هغه پراېکس‌پاڼه لیکلي چې دغه ډول حملې به پاکستان ته هېڅ سیاسي او نظامي ګټه ورنه‌کړي.

اتمر زیاته کړه: «د افغانستان خلک، سره له دې چې داخلي اختلافات لري، په خپله ځمکه د هر ډول تېري پر وړاندې په یووالي او ټینګار سره دفاع کوي».

هغه زیاته کړه چې تاریخ د دې حقیقت شاهد دی.

هغه د پاکستان له حکومت او پوځ څخه وغوښتل چې له دغو خطرناکو کړنو څخه دې لاس واخلي.

د هغه په وینا د حل لار هماغه خبرو اترو ته بېرته ستنیدل دي.

نوموړي د ملګرو ملتونو له امنیت شورا څخه غوښتي چې اوربند دې تامین کړي او د مذاکراتو د پیل لپاره دې اقدام وکړي او د دواړو اړخونو د نړۍوالو ژمنو د پلي کېدو تضمین لپاره دې یو بې‌طرفه او موثره څارونکی میکانیزم رامنځته کړي.

ابراهیم د جمعې په ورځ پر اېکس پاڼه کاږلي چې د پاکستان قانوني امنیتي اندېښنې باید په پام کې ونیول شي، خو همدارنګه د افغانستان ملي حاکمیت او ځمکنۍ بشپړتیا ته درناوی هم اړین دی. نوموړي زیاته کړه چې دا دواړه اصول یو له بل سره په ټکر کې نه دي، بلکې یوازې د خبرو اترو له لارې حل کېدای شي.

انور ابراهیم وویل چې د دې ګاونډیو مسلمان هېوادونو ترمنځ د سرحدي پوځي عملیاتو او د ښکاره جګړې اعلانونه د ملکي تلفاتو رامنځته کیدل د سختې خواشینۍ وړ دي او په ځانګړې توګه یې د روژې مبارکې میاشتې پر مهال د تاوتریخوالي دوام ډېر دردناک وباله.

د مالیزیا لومړي وزیر د دواړو هېوادونو له مشرانو وغوښتل چې سمدستي ټول پوځي عملیات ودروي او د تاوتریخوالي د پای ته رسولو لپاره د خبرو مېز ته کښېني، څو د سیمې سولې او ثبات ته لاره هواره شي.

متقي زیاتوي، چې طالبان تاوتریخوالي پلوی نه دي او تل یې د تفاهم او متقابل درناوي پر بنسټ د ستونزو حل غوره کړی.

په دې تماس کې د طالبانو د بهرنیو چارو وزیر د وروستیو تحولاتو په تړاو د طالبانو اصولي دریځ څرګند کړ او ویې ویل چې ددې ډلې وروستي اقدامات د هېواد د حاکمیت، هوايي حریم او ځمکنۍ بشپړتیا د ساتنې په موخه ترسره کړي، چې ټاکل شوي اهداف یې په بریالیتوب ترلاسه کړي دي.

د قطر دولت د بهرنیو چارو وزارت کې د دولت له وزیر محمد بن عبدالعزیز الخلیفي وویل، چې قطر د تاوتریخوالي کموالی غواړي او څرګنده یې کړه چې د وروڼو هېوادونو ترڅنګ ولاړ دی او د فرصت له رامنځ ته کېدو سره مثبت رول لوبولو ته چمتو دی.

د قطر د دولت وزیر د مسایلو پر اساسي حل ټینګار وکړ او زیاته یې کړه چې د مسایلو د حل لپاره له اړوندو هېوادونو سره په همغږۍ د خپلو هڅو پر توحید بوخت دي.

په پای کي دواړو لوریو په دوامداره تماس ټینګار وکړ.

د جمعې په ورځ د خوست ولایت په جامع جومات کې په یوې وینا کې سراج الدین حقاني وویل، چې طالبان د هغو کسانو په ډله کې نه دي چې ځنډې ته شي، بلکې دا ډله به د هیواد د دفاع او د خلکو سره د ولاړیدو په لومړۍ لیکه کې وي.

د طالبانو د کورنیو چارو وزیر هم په سیمه ییزو او نړیوالو هیوادونو غږ وکړ چې د خبرو اترو لپاره یو پلیټ فارم چمتو کړي، او ټینګار یې وکړ چې "د خبرو اترو دروازه خلاصه ده."

د پاکستان پر کړنو په نیوکه کولو سره، هغه وویل چې هغه د دې چلند څخه "شرمنده" دی.

د خپلې وینا په یوه بله برخه کې، حقاني د طالبانو د غړو ترمنځ د یووالي او همغږۍ پر اړتیا ټینګار وکړ.