سره صلیب نړیوالې کمېټې د افغانستان او پاکستان ترمنځ د تاوتریخوالي کمولو غوښتنه کړې

په افغانستان د دغه بنسټ مشر، دیجان پانیک، ویلي چې درې ټپیان د پلچرخي له سیمې د کابل روغتون ته او شپږ نور د پکتیا ولایت ګردېز کې د لومړنیو مرستو مرکز ته لېږدول شوي دي.

د ایمرجنسي په وینا، له ګردېزه څلور ټپیان د کابل جراحي مرکز ته انتقال شوي او دوه نور هم د انتقال په حال کې دي.

پانیک زیاته کړې چې دا شمېرې لومړنۍ دي او ښايي په راتلونکو ساعتونو کې نور ټپیان هم ومنل شي.

هغه خبرداری ورکړی چې د تاوتریخوالي دا زیاتوالی هېواد یو ځل بیا د جګړې په کابوس کې ډوبوي او بله شخړه کولای شي خلک تر سخت فشار لاندې راولي.

نوموړي د جګړېد سمدستي پای، د ملکي وګړو د خوندیتوب او د شخړې د ډیپلوماټیک حل غوښتنه کړې ده، څو د ټولې سیمې لپاره د نه اټکل کېدونکو پایلو مخه ونیول شي.

اعلامیه زیاتوي چې طالبان له ۲۰۰۳څخه تر ۲۰۲۱پورې د پاکستان په ملاتړ د افغانانو په وژلو، د ملي زیربناوو په ورانولو او د امریکا، بریتانیا او ناټو د سرتېرو په وژل کېدو کې لاس لري. د طالبانو له واکمنۍ وروسته، افغانستان د ناکام دولت په توګه پاتې شوی چې ترهګري پکې پراخه شوې ده.

اعلامیه کې ټینګار شوی چې طالبان د افغانانو استازي نه دي، د ملت د هیلو ملاتړ نه کوي او د بهرنیو ترهګرو د ساتنې لپاره کار کوي. دغه جبهې له ملګرو ملتونو، ترکیې او سعودي عربستان څخه غوښتنه کړې چې د دواړو خواوو د خلکو ژوند او شتمنۍ خوندي کړي.

اعلامیه په پای کې وایي چې د افغانستان ازادي هغه وخت تضمین کېدلی شي چې طالبان له منځه لاړ شي او پاکستان د افغانستان په ګټو کې مسوولانه چلند وکړي.

په یاد مکتوب کې چې د دې ډلې له لوري خپور شوی، د ټي ټي پي له سیمه‌ییزو او ولایتي مسوولینو غوښتل شوي چې خپل فعالیتونه چټک کړي او بریدونه منظم او اغېزناک ترسره کړي. همداراز ټینګار شوی چې د عملیاتو معلومات دې په ویډیويي بڼه د رسنیو له لارې خپاره شي.

دا څرګندونې داسې مهال کېږي چې په سیمه کې د تاوتریخوالي کچه لوړه شوې او د امنیتي وضعیت په اړه اندېښنې زیاتې شوې دي.

تر اوسه افغان طالبانو او د پاکستان حکومت په دې اړه رسمي غبرګون نه دی ښودلی.

شریف چودري په یوه خبري غونډه کې ادعا کړې چې د پاکستان په بریدونو کې د طالبانو ۱۱۵ ټانکونه او پوځي وسایط له منځه وړل شوي دي. د هغه په وینا، پاکستاني جنګي الوتکو هغه نظامي مرکزونه په نښه کړي چې ګواکې د تحریک طالبان پاکستان ملاتړ یې کاوه.

د پوځ ویاند زیاته کړې چې په دغو هوايي بریدونو کې لږ تر لږه ۲۲ځایونه په ننګرهار، کابل، خوست، پکتیا او پکتیکا ولایتونو کې په نښه شوي دي.

هغه ټینګار کړی چې ټول هدفونه په پوره احتیاط سره ټاکل شوي او بمبار شوي دي.

نوموړي وویل، چې دواړه لوري باید سمدلاسه اوربند اعلان کړي او خپل اختلافات د ډیپلوماټیکو خبرو اترو له لارې حل کړي.

هغه ټینګار کړی، چې احساساتي چلند کولی شي د پاکستان او طالبانو لپاره نورې پیچلتیاوې رامینځته کړي.

هغه د متقابلو ګټو د ډاډمنولو، د باور وړ امنیتي چوکاټ رامینځته کولو او نړیوالو نورمونو ته د پابندۍ په اهمیت ټینګار کړی دی.

د جمعیت علمای اسلام پاکستان مشر لیکلي:«یو اړخیز پوځي اقدام به ستونزه حل نه کړي، بلکې پیچلتیاوې به زیاتې کړي. یوازینۍ دوامداره حل د ډیپلوماسۍ له لارې ممکن دی.»