قطر وایي د ایران د بریدونو د ځواب ورکولو حق لرو

تهران دا بریدونه د امریکا او اسراییلد ګډو حملو په غبرګون کې ترسره کړل. د اسراییلد دفاع وزیر، یسراییل کاتز، په ټول هېواد کې بېړنی حالت اعلان کړی او خلکو ته یې د ایران د توغندیو او ډرون بریدونو خبرداری ورکړی دی.

د اسراییل پوځ لسګونه زره احتیاطي ځواکونه د خدمت لپاره رابللي، په ځانګړي ډول د ځمکنيو پولو د پیاوړتیا لپاره، او له خلکو یې غوښتي چې بېړنۍ لارښوونې په کلکه مراعت کړي. پولیسو هم له ښاریانو غوښتنه کړې چې له غیرضروري سفرونو ډډه وکړي، څو امنیتي او ژغورنیزو وسایطو ته د تګ راتګ اسانتیا برابره شي.

سره له دې چې اسراییل پرمختللی هوايي دفاعي سیستم لري، ځینې اوسېدونکي د تل ابیب ساحل ته ورغلي او ویلي یې دي چې ځانونه خوندي احساسوي او د ایران پر ضد له عملیاتو ملاتړ کوي. د لومړنیو توغندیزو بریدونو له امله د زیان او مرګ‌ژوبلې په اړه محدود راپورونه خپاره شوي دي.

رویټرز اژانس هم راپور ورکړی، چې په ابوظبي کې یوه لویه چاودنه اوریدل شوې ده.

په ورته وخت کې، بحرین اعلان وکړ چې د امریکا د پنځمې بیړۍ د خدماتو مرکز د ایران د توغندیز برید کې په نښه شوی دی.

د بحرین د کورنیو چارو وزارت وویل، چې په ټول هیواد کې د خبرداري سایرن فعال شوی دی.

وزارت له خلکو وغوښتل چې په خوندي سیمو کې پاتې شي.

الجزیرې هم په دوحه کې د دوو لوړو غږونو د اورېدل کېدو خبر ورکړی.

مخکې له دې، د قطر د دفاع وزارت اعلان وکړ چې له ایران څخه توغول شوي ټول توغندي شنډ شوي دي.

ایران ګواښ کړی، چې په ټوله سیمه کې د امریکا او اسراییلو اډې او ادارې په نښه کړي.

نوموړې د «فرانس ۲» له ټلویزوني شبکې سره په خبرو کې ویلي: «بحران روان دی. په دې شرایطو کې زموږ لومړیتوب د خپلو وکړو ساتنه، په سیمه کې د خپلو ځواکونو خوندیتوب او د وضعیت شېبه په شېبه څارنه ده، چې دا کار ترسره کوو.»

فرانسه په نږدې ختیځ او منځني ختیځ کې څو پوځي اډې لري، چې له ډلې یې په متحده عربي امارات، قطر او اردن کې اډې یادې شوې دي.

روفو زیاته کړې چې فرانسې هغه معلومات ترلاسه کړي چې د اسراییل د دفاع وزارت له لوري د مخنیوي احتمالي برید په اړه وړاندې شوي وو.

هغې وویل، په اسراییل کې د ایران د احتمالي غچ اخیستونکي برید په صورت کې د اعظمي خبرداري حالت حاکم دی. نوموړې همدارنګه یادونه وکړه چې په سیمه کې د امریکايي ځواکونو پراخ حضور شته، چې ښايي د اسراییل په دفاع کې برخه واخلي یا لږ تر لږه هلته حضور ولري.

دغه ځواکونو د اسرايیل پر ضد د بريدونو په اړه نور جزيات نه دي ورکړي، خو ويلي يې دي چې وروسته به په دې اړه نور وضاحت وړاندې کړي.

اسرايیلي رسنيو هم د ایران له لوري د دغه هېواد پر لور د توغنديو توغول تاييد کړي دي خو ویلي یې دي چې دفاعي سیستم یې فعال کړی دي.

بلخوا عربي رسنیو په بحرین او قطر کې د چاودنو خبر ورکړی. العربیه د قطري سرچینو په حواله لیکلي چې یو ایراني توغندی د «پاتریوت» دفاعي وسیلي په کارولو سره راغورزول شوې.

ابراهیم په خپل تازه ایکس پوسټ کې ټینګار کړی چې دې بریدونو د روانو مذاکراتو خنډ رامنځته کړي او نور هېوادونه به هم په داسې شخړه کې ښکېل کړي چې کنټرول یې ګران وي.

هغه له امریکا او ایران غوښتنه کړې چې جګړه سمدستي ودروي او د ډیپلوماتیکو لارو چارو په کارولو سره کړکېچ حل کړي. همدارنګه یې د نړیوالې ټولنې څخه وغوښتل چې بې‌طرفه او بې‌ځنډه اقدام وکړي.

لومړي وزیر همدارنګه د مالیزیا اتباعو د خوندیتوب په اړه اندېښنه څرګنده کړې او ویلي یې دي چې د سیمې له همکارانو سره به د راتلونکو ګامونو په اړه خبرې وکړي.