انور ابراهیم: اسراییلي بریدونو د منځني ختیځ د کړکېچ د پراخېدو ګواښ رامنځته کړی

د قطر بهرنیو چارو وزارت په خبرپاڼه کې ويل شوي چې اړوند امنيتي بنسټونه د يو همغږي عملياتي سيسټم په چوکاټ کې شپه او ورځ پرمختګونه تر څارلاندې لري.

د قطر د کورنيو چارو وزارت له وګړو او اوسېدونکو غوښتي چې معلومات يوازې له رسمي سرچينو ترلاسه کړي، اوازو ته پام ونه کړي او د نا تاييد شويو خبرونو او ويډيوګانو له خپرولو ډډه وکړي.

دا په داسې حال کې ده چې پر ایران د امریکا او اسرایلو له برید وروسته په دوحه کې د امریکا سفارت خپلو وګړو ته سپارښتنه کړې ده چې خوندي ځای ته ولاړ شي.

بلخوا ایران هم له خپلو وګړو غوښتې چې د قطر په ګډون د فارس خلیج هیوادونه پریږدي.

نتنیاهو په ایکس خپره کړې وینا کې وایي، چې د ایران رژیم د تېرو ۴۷ کلونو راهیسې پر اسراییل او امریکا د مرګ غوښتنه کوي، د خپلو خلکو او بهرنیو اتباعو وینه یې توی کړې، او د وسلو د پراخولو هڅې یې نړیوالې ټولنې ته جدي ګواښ پېښ کړی.

د هغه په وینا، ګډ عملیات د ایران د زړورو خلکو لپاره زمینه برابروي چې خپل برخلیک په خپلو لاسونو کې واخلي او د ظلم پر وړاندې ودریږي.

لومړي وزیر همدارنګه د ایران له ټولو قومي او مذهبي ډلو غوښتنه وکړه چې د ظلم او زورواکۍ له کړیو ځان خلاص کړي او ازاد او سوله‌خوښی ایران رامنځته کړي. هغه د اسراییلو خلکو ته هم سپارښتنه وکړه چې د دغه عملیاتو پر مهال د کورني امنیت د لارښوونو په پام کې نیولو سره خپل ځانونه خوندي وساتي.

فطرت تازه په ایکس لیکلي، چې تېره شپه هم د پاکستان پوځ د کونړ ولایت مرکز اسعداباد اړوند د ډنډونو د بیلي په سیمه کې د خلکو کورونه د توپونو په بریدونو کې وویشتل، چې په نتیجه کې یې د ښځو او ماشومانو په ګډون اووه ملکیان وژل شوي او یو تن ژوبل شوی دی.

نوموړی زیاتوي، همدارنګه د ناړۍ ولسوالۍ په سیمه کې د شپې پر ۱۰ بجو د غرني هاوان او توپونو د برید په پایله کې د یوې ښځې په ګډون څلور تنه ځايي خلک وژل شوي او پنځه تنه نور ژوبل شوي دي.

د طالبانو مرستیال ویاند ټینګار کړی چې د پاکستان دغه بریدونه د نړیوالو اصولو او د بشري حقونو پر ضد دي او ملکیانو ته یې جدي خطر پېښ کړی دی.

رضا پهلوي په خپل تازه ایکس پوسټ کې ویلي چې هغه ژمنه چې د متحده ایالات ولسمشر خلکو سره کړې وه، اوس رسېدلې ده. د هغه په وینا، دا «بشري مداخله» ده چې موخه یې د اسلامي جمهوریت نسکورول دي، نه د ایران هېواد او ولس.

هغه زیاته کړې چې سره له دې مرستې، وروستۍ بریا به د ایران د خلکو په لاس وي او د کوڅو او سړکونو ته د ستنېدو وخت نږدې شوی دی.

هغه د ایران له پوځي، امنیتي او انتظامي ځواکونو غوښتي چې د رژیم پر ځای د ولس ترڅنګ ودرېږي او ویلي یې دي چې د هغوی لوړه د ایران او د ایران د ولس د ساتنې لپاره ده، نه د اسلامي جمهوریت د مشرانو لپاره.

پهلوي خبرداری ورکړی چې که دغه ځواکونه له خلکو سره یو ځای نه شي، نو د «خامنه‌يي له ماتېدونکې بېړۍ» سره به یو ځای ډوب شي.

رضا پهلوي همدارنګه د امریکا ولسمشر ډونالډ ټرمپ ته په خطاب کې ویلي چې د ایران ولس نږدې دوه میاشتې د سخت سرکوب او وژنو پر وړاندې مقاومت کړی او غوښتنه یې کړې چې د ملکي وګړو د ژوند د خوندي کېدو لپاره تر ټولو لوړه کچه احتیاط وشي.

هغه په پای کې د ایران له خلکو غوښتي چې دا مهال په خپلو کورونو کې پاتې شي، خپل امنیت وساتي او د وروستي اقدام لپاره چمتو واوسي. د هغه په وینا، د راتلونکو ګامونو په اړه به دقیق معلومات د ټولنیزو شبکو، سپوږمکۍ رسنیو او که اړتیا وه د راډیويي څپو له لارې له ولس سره شریک شي.

د طالبانو د بهرنیو چارو وزارت په خبرپاڼه کې ویل شوي چې متقي په دې ټلیفوني اړیکه کې د طالبانو اصولي دریځ څرګند کړی او یادونه یې کړې چې د افغانستان له لوري وروستي امنیتي اقدامات د هېواد د حاکمیت، ځمکنۍ بشپړتیا او د هوايي حریم د دفاع په موخه ترسره شوي دي.

نوموړي ټینګار کړی چې د طالبانوحکومت د ستونزو د حل لپاره پر تفاهم باور لري، خو د تېري په صورت کې د خپلې خاورې دفاع خپل مشروع حق بولي.

د خبرپاڼې له مخې، د ازبکستان د بهرنیو چارو وزیر ویلي چې د روان وضعیت د حل یوازینۍ اغېزمنه لار ډیپلوماسي ده، او ازبکستان هڅه کوي چې په راتلونکي کې د دې موضوع د هواري لپاره عملي رول ولوبوي.