له هرو څلورو امریکایانو څخه یوازې یو یې پر ایران د امریکا د برید ملاتړ کوي

د طالبانو د دفاع وزارت ویاند عنایت‌الله خوارزمي د یکشنبې په ماښام د یوې خبرپاڼې په خپرولو سره ویلي، چې د پاکستان راولپنډۍ کې د نورخان اډه، په کویټه کې د بلوچستان ۱۲ نمبر قول اردو، د خېبرپښتونخوا مهمندو اېجنسۍ خویزو کمپ او غلني پوځي قرارګاوو باندې هوايي بریدونه شوې دي.

د طالبانو د دفاع وزارت ویاند زیاته کړې: «یاد هوايي بریدونه د پاکستان د هغو هوايي تجاوزونو په غبرګون کې وشول چې تېره شپه او نن ورځ یې په کابل، بګرام او ځینو نورو سیمو کې ترسره کړل».

طالبانو خبرداری ورکړی او وايي، تر څو چې د پاکستان له‌خوا د افغانستان د هوايي حریم نقضول درول شوی نه وي، تر هغو به د طالبانو غبرګونونه هم دوام ولري.

هغه د امریکا او اسراییل د بریدونو په اړه وویل چې موخه یې «د یوه کمزوري رژیم د ویجاړوونکې لوبې پای ته رسول» دي.

د رویترز د راپور له مخې، مېرڅ زیاته کړې چې لا روښانه نه ده ایران به د سختو متقابلو بریدونو له لارې سیمه تر کومه د کړکېچ د لا زیاتېدو پر لور بوځي، خو جرمني د خلیج فارس او اروپا کې د خپلو شریکانو اندېښنې جدي نیسي.

هغه وویل چې حکومت یې وضعیت له نږدې څاري او هیله یې څرګنده کړه چې پوځي اقدامات ژر پای ته ورسېږي، څو کښتۍ وکولای شي خپل تګ راتګ ته دوام ورکړي او د هرمز تنګي له لارې په ارامۍ تېرې شي.

د شبکې د معلوماتو له مخې، جيو نيوز شبکه چې د پاکستان د «پاک ساټ» سپوږمکۍ له لارې خپرونې کوي، د نامعلومو لوریو له خوا د تخنيکي لاسوهنې هدف ګرځېدلې ده. ويل کېږي چې په دې موده کې د خپرونو په بهير کې پرله‌پسې خنډونه رامنځته شوي او د پاکستان د پوځ خلاف او د اسراییل د موساد شبکې یو پیغام خپور شوی.

د پوځ خلاف پیغام کې ویل شوي، چې یوه ځانګړې حلقه پاکستان پر ناسم لور بیايي.

دغه راز د موساد له اړخه په پیغام کې پر ایرانیانو غږ شوی، چې « په ایران کې خلک مرستو ته اړ دي، له موږ سره مرسته وکړئ چې د ایران د خلکو غږ شو»،

جيو نيوز زياته کړې چې د دې شبکې سکرين هېک شوی او نامناسب پيغامونه خپاره شوي او ټينګار يې کړی چې د يادې پېښې له منځپانګې سره د شبکې هېڅ تړاو نشته.

يادې رسنۍ له اړوندو چارواکو غوښتي چې موضوع جدي وڅېړي، سملاسي اقدام وکړي او د پېښې مسوول کسان د قانون منګولو ته وسپاري.

دغه ګوند په یوې اعلامیې کې د علي خامنه‌يي وژل کېدل یوه ستره ضایعه بللې او په باور یې، نوموړي د خپل ژوند تر وروستۍ شېبې پورې په ښه توګه د ایران مشري وکړه.

اعلامیه کاږي: «اسلامي جمعیت باور لري، چې د ایران خلک به د خپلې بېدارۍ، فرهنګ، تجربې او قوي ارادې په درلودلو سره له دې کړکېچن پړاو څخه تېر شي».

دغه ګوند همداراز د ایران او ټولې اسلامي نړۍ لپاره د سولې او ثبات هیله څرګنده کړې ده.

المرصاد ویلي، چې له دغه مرکز نه د ننګرهار پر مختلفو سیمو د درندو وسلو بریدونه کېدل، چې ملکي وګړو ته یې مرګ ژوبله اړوله.

دا په داسې حال کې ده، چې طالبانو د کابل په ګډون په یو شمېر ولایتونو کې د پاکستاني الوتکو او ډرونونو د الوتنو خبر ورکړی او په ځینو سیمو کې یې پرې ډزې کړې دي.

په خیبر کې د پاکستان امنیتي سرچینو ویلي، چې ددوی ځواکونو د کرښې دې غاړې ته د طالبانو مرکز باندې د درندو وسلو برید کړی دی.