اردوغان: ترکیه پر ایران د بریدونو او د تهران د غچ اخیستونکو اقداماتو ملاتړ نهکوي
د ترکیې ولسمشر رجب طیب اردوغان له خپل روسي سیال ولادیمیر پوتین سره د ټلیفون پر کرښه په خبرو کې ویلي، انقره پر ایران د امریکا او اسراییل د بریدونو او یا هم د ایران د ګاونډیو هېوادونو پر وړاندې د تهران د غچ اخیستونکو بریدونو ملاتړ نهکوي.
د اردوغان د دفتر لهخوا د خپور شوي بیان لهمخې؛ هغه پوتین ته ویلي چې ترکیه له ټولو خواوو سره د سولې او ثبات پر محور خپلو اړیکو ته دوام ورکوي؛ ترڅو د جګړې لمنې د پراخېدو مخه ونیسي.
پر ایران د امریکا او اسراییل د بریدونو له پیل راهیسې ترکیې په وار-وار خبرداری ورکړی، چې پر ایران باید ټول تېري کوونکي اقدامات ودرول شي؛ ځکه د دغه بریدونو دوام په سیمه کې د پراخو او خونړیو نښتو لپاره لاره هوارولای شي.
